Uˬ duˬ 3:1 - Akha

¹ Tsawˇ haˬ tiˬ gʼaˬ na, cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ gaw maˬ ngeuˇ naˇ, maˇ byawꞈ maˬ baw-eu mawˇ ma ya lawˇ meh.

Uˬ duˬ 3:1 ပူးပေါင်းရင်းမြစ်များ

1 Laˬsaˬbaˬ 21:26

Kʼoeˇ gaˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ aˬ yawꞈ lawˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-eu laꞈ kʼoeˇ, mˬ kʼoeˇ taˆ neh miˬ dzaˬ pyehˬ gʼeh leꞈ-awˇ, lawˇ duˬ kʼoeˇ taˆ jaˆ-eu lawˇ-eu jeˬ-ahˇ, miˬ dzaˬ bi doꞈ leˇ-euˬ meh.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 24:5

Kʼoeˇ naˇ, zaˬ guˬ deuˬ-ahˇ aˬ yawꞈ kʼehˇ gʼeh-awˇ, jeˬ zaˬ sehꞈ-awˇ, miˬ dzaˬ-ahˇ dzah puiˆ-eu laꞈ kʼoeˇ, cawˬ cawˬ taꞈ-eu lawˇ-eu jeˬ aˬ yawꞈ maꞈ Sahˬpaˬ Miˬyehˇ-ahˇ lawˇ nehˬ-euˬ meh.

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.

Dawqdaq 7:14

“Iˬ nah ngaˇ lawˇ-eu shehˇ-eu jeˬ mˇ-awˇ, lawˇ gaˇ shehˇ gaˇ dzehˬ laˇ-euˬ shaˬ jiˇ jaˆ ma.

Yeˬsaˬgeˬlaˇ 43:27

Kʼoeˇ shiꞈ nah dzeuˇ ngeh jawˇ, miˇ kʼahˬ zaˬ deuˬ neh yuˇ laꞈ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ piˇ ma deuˬ ya lawˇ daˆ leꞈ meh. Kʼoeˇ ngeh jawˇ, naw maꞈ dawˬ tawˆ luꞈ-ahˇ ngaˇ ha geuꞈ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Uˬ duˬ 17:5

Zahˇ sahˇ kʼoꞈ heu hmˬ-euˬ dawˬ tsuiꞈ-aˬ, heu loꞈ-ehˇ meh. Aˇ hu aˇ nah Iˇsaˬleˬlaˆ tsawˇ haˬ deuˬ jeˬ zaˬ sehꞈ ngeh, yawˬ ha kʼaˇ sehꞈ mawꞈ gaˇ sehꞈ-euˬ kʼawꞈ, nymˬ-mˇ kʼoeˇ loꞈ-ehˇ maˬ sehꞈ ni, Sahˬpaˬ Miˬyehˇ jawˇ gaˇ ya tsahˇ laꞈ meh. Aˬ kaˇ naˇ, aˬ yawꞈ maꞈ-euˬ jeˬ zaˬ-ahˇ, piˇ ma jawˇ gaˇ, Sehˬ gʼawˆ-euˬ gʼoˆ kʼehˬ-ahˇ tsahˇ laꞈ-awˇ, cawˬ cawˬ taꞈ-eu lawˇ-eu jeˬ loꞈ-ehˇ ya sehꞈ meh.

Uˬ duˬ 3:6

Cawˬ cawˬ taꞈ-eu lawˇ-eu jeˬ gʼaˇ duˬ, yawˇ maˬ ehˇ, ciꞈ myehꞈ maˬ ehˇ, lawˇ naˇ, aˬ buˬ kʼawꞈ muiˬ, aˬ ma kʼawꞈ muiˬ, geuꞈ nya meh. Ehˇ kʼawꞈ, maˇ byawꞈ maˬ ya bi baw-a.

Uˬ duˬ 9:18

Iˇsaˬleˬlaˆ tsawˇ haˬ deuˬ gʼaˇ duˬ, cawˬ cawˬ taꞈ-eu lawˇ-eu jeˬ lawˇ nehˬ-eu mawˇ neˇ mawˇ gaw hawˇ-eu yawˇ aˬ buˬ aˬ yawꞈ sehꞈ-euˬ meh. Aˬ yawꞈ-euˬ aˬ li deuˬ jeˬ zaˬ kʼoeˇ nyiˬ mawˇ-euˬ shiˬ yuˇ laꞈ-awˇ, lawˇ duˬ-euˬ oeˬ paw pyawˬ luꞈ-ahˇ byaˆ-euˬ meh.

Uˬ duˬ 9:4

Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ kʼawꞈ, mawˇ neˇ mawˇ gaw tiˬ mawˇ hawˇ-eu, yawˇ aˬ buˬ tiˬ mawˇ tsahˇ laꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Jeˬ zaˬ kʼoeˇ deuˬ-ahˇ, tsiˇ keuˬ-euˬ dzaˬ dzaˬ dawˇ dawˇ lawˇ-eu jeˬ nehˬ-ehˇ, Sahˬpaˬ Miˬyehˇ-ahˇ aˬ yawꞈ maꞈ ya lawˇ nehˬ meh. Aˬ jeˬ miˇ neh ehˇ naˇ, iˬ nah aˬ yawꞈ maꞈ-euˬ mehˬ shi, Sahˬpaˬ Miˬyehˇ doˆ le tehꞈ-a.”

Aˬmoˆ 5:22

Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ naw maꞈ yuˇ laꞈ ngeh, ngaˇ maˬ ha geuꞈ. Ngaˬ-ahˇ lawˇ nehˬ-eu gʼaˇ duˬ naw maꞈ neh cu tsuˇ taˬ-euˬ jeˬ zaˬ deuˬ-ahˇ ngaˇ maˬ ha geuꞈ.

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Maˬlaˬkiˇ 1:8

Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”

Bawˇtsahˬ 15:8

Miˬ dzaˬ dzah puiˆ-awˇ lawˇ-eu jeˬ maˬ ehˇ, saˇ jaˇ dzaˬ-eu lawˇ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, mawˇ neˇ mawˇ gaw tiˬ mawˇ tsahˇ-awˇ Sahˬpaˬ Miˬyehˇ-ahˇ lawˇ ngeh,

Bawˇtsahˬ 6:14

Kʼoeˇ gaˇ, maˇ byawꞈ maˬ baw-eu jeˬ zaˬ smˬ mawˇ Sahˬpaˬ Miˬyehˇ jawˇ gaˇ aˬ yawꞈ ya tsahˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, tiˬ myaˇ byah laˇ-euˬ yawˇ zaˬ aˬ buˬ tiˬ mawˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ tiˬ myaˇ byah laˇ-euˬ yawˇ zaˬ a ma tiˬ mawˇ hawˇ-eu, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ yawˇ aˬ buˬ tiˬ mawˇ meh.

Bawˇtsahˬ 7:17

cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Aˬmiˇnaˬdehˇ-euˬ aˬ li Naˬshoˬ neh lawˇ-euˬ lawˇ-eu jeˬ pyeuꞈ-eu meh.

Bawˇtsahˬ 7:59

cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Peˬdaˬzuˇ-euˬ aˬ li Gaˬmaˬ leˬlaˇ neh lawˇ-euˬ lawˇ-eu jeˬ pyeuꞈ-eu meh.

Dawˬmehˬ 12:27

Mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-euˬ lawˇ duˬ kʼoeˇ taˆ ya lawˇ-eu lawˇ-eu jeˬ-ahˇ, kʼoeˇ gaˇ lawˇ-awˬ. Shaˬ jiˇ deuˬ naw maꞈ dzaˬ-awˇ shiˬ deuˬ-ahˇ lawˇ duˬ kʼoeˇ taˆ shehˆ daˆ-awˇ ya lawˇ-eu jeˬ kʼawꞈ, kʼoeˇ gaˇ lawˇ-awˬ.

Gawˇlawˇsehˇ 1:20

Aˬ yawꞈ-ahˇ gʼoe-awˇ mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ sheuˬ kʼoꞈ laꞈ-eu gʼaˇ duˬ, Miˬyehˇ neh noeˬ tsehˆ taˬ-euˬ meh. Aˬ yawꞈ-ahˇ laꞈ yaꞈ kʼoeˇ taˆ lawˇ nehˬ-eu laꞈ kʼoeˇ tsawˇ haˬ zaˬ Miˬyehˇ-ahˇ tsaˬ laˇ tsahˇ laˇ nya ni jahˇ-awˇ, mˬ kʼoeˇ taˆ hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ bi sheuˬ kʼoꞈ laꞈ-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

1 Yoˇhaˬ 1:3

Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.

Yaˇ kʼaˬ daˇ 20:26

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ Beˬdeˬlaˇ meuˬ-ahˇ le-awˇ tsawˇ ngoeˇ ngoeˇ leˇ-euˬ meh. Kʼoeˇ gaˇ, Sahˬpaˬ Miˬyehˇ-euˬ mehˬ shi aˬ yawꞈ maꞈ nuiˇ-awˇ, uˬ ciꞈ paw keuˆ ni maˬ dzaˬ maˬ dawˇ-ehˇ jawˇ-euˬ meh. Cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ heu deuˬ dawˬ tawˆ luꞈ, Sahˬpaˬ Miˬyehˇ-euˬ mehˬ shi aˬ yawꞈ maꞈ lawˇ-euˬ meh.

Yaˇ kʼaˬ daˇ 21:4

Yawˬ nah yawˬ uˬ shawˬ yaw naꞈ-ehˇ, Iˇsaˬleˬlaˆ tsawˇ haˬ deuˬ kʼoeˇ gaˇ lawˇ duˬ tiˬ tsahˇ gawˬ-awˇ, cawˬ cawˬ taꞈ-eu lawˇ-eu jeˬ hawˇ-eu, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-euˬ meh.