Uˬ duˬ 27:9 - Akha

⁹ Saˇ jaˇ dzaˬ-eu laꞈ kʼoeˇ, Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ gaˇ geuꞈ nya-eu jeˬ zaˬ tiˬ mawˇ na biꞈ mawꞈ naˇ, Sahˬpaˬ Miˬyehˇ-ahˇ kʼaˇ biꞈ-euˬ jeˬ zaˬ-aˬ, jeˬ shawˇ meh.

Uˬ duˬ 27:9 ပူးပေါင်းရင်းမြစ်များ

Dawqdaq 20:25

Maˬ noeˬ duˬ ni lawˇ-eu shehˇ-eu lahˇ ju kʼmˇ gaˇ duˇ-awˇ, noeˬ paˇ-eu aˇ yamˬ maˬ jaˆ-a.

Dawˬ tsoˆ 5:6

Nawˇ dawˬ ngehˬ ngeh, maˬ ngehˬ maˬ tmˇ bahˬ ni yahˇ-awˬ. Aˇ nah hawˇ-eu Miˬyehˇ-euˬ piˇ ma deuˬ mehˬ shi “Ngaˇ ngehˬ lehˬ-euˬ nya” lehˇ taˬ ehˇ. Aˬ jeˬ miˇ neh Miˬyehˇ nui ma bi pehˇ-eu jeˬ mˇ te. Aˬ jeˬ miˇ neh nawˬ neh mˇ-euˬ gaˇ-ahˇ aˬ yawꞈ bi laˆ cawˆ te.

Yeˬsaˬgeˬlaˇ 48:14

Sahˬpaˬ Miˬyehˇ-ahˇ a nehˬ taˬ-euˬ miˇ tsaˬ kʼoeˇ tsahˇ-aˬ, miˇ kʼahˬ kʼoeˇ kʼahˬ laꞈ kʼoeˇ aˬ cawˬ taꞈ-ehˇ muiˬ dzehˬ-eu miˇ tsaˬ pyeuꞈ-awˇ, ahˬ-eu maˬ ehˇ, dehˬ paˇ geuꞈ-eu maˬ ehˇ, maˬ ya jahˇ-a. Kʼoeˇ-aˬ, muiˬ dui shawˇ dui dui-awˇ, Sahˬpaˬ Miˬyehˇ-ahˇ oꞈ-eu pehˇ tsahˇ meh.

Uˬ duˬ 27:10

Saˇ jaˇ dzaˬ-eu tsawˇ haˬ kʼoeˇ gʼaˬ, jeˬ zaˬ kʼoeˇ mawˇ-euˬ dah zaˇ, yawˬ mawˇ yawˬ maˬ ya biꞈ paˇ-a. Kʼoeˇ loꞈ-ehˇ jahˇ naˇ, jeˬ zaˬ kʼoeˇ nyiˬ mawˇ luꞈ, Sahˬpaˬ Miˬyehˇ-euˬ jeˬ zaˬ pyeuꞈ-iˇ-eu meh.

Uˬ duˬ 27:8

Saˇ jaˇ dzaˬ-eu laꞈ kʼoeˇ, tsawˇ haˬ damˬ nehˬ mawꞈ-eu tsawˇ haˬ tiˬ gʼaˬ na, aˇ dzehˬ-ehˇ shaˬ-eu miˇ neh, aˬ cawˬ neh daˇ tsehˆ taˬ-euˬ aˇ poeˬ maˬ biꞈ keuˆ nya naˇ, aˬ yawꞈ damˬ nehˬ mawꞈ-eu tsawˇ haˬ-ahˇ, piˇ ma jawˇ gaˇ sheuˬ gʼeh-awˇ, piˇ ma gʼaˬ tsawˇ haˬ kʼoeˇ gʼaˬ biꞈ tsehˆ coeˇ ni shaˇ noeˬ-awˇ, aˇ poeˬ yaw yaˇ yaˇ-ehˇ ya daˇ nehˬ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Maꞈtehˬ 15:5

Ehˇ kʼawꞈ, ‘Naw maꞈ-ahˇ biꞈ paˬ-ehˇ gʼeh-eu jeˬ Miˬyehˇ-ahˇ biꞈ dzeuˇ-euˬ ma lehˇ, yawˬ ha-euˬ aˬ da aˬ ma-ahˇ ehˇ nehˬ-eu tsawˇ haˬ-aˬ, aˬ da aˬ ma-ahˇ yaw zeu baw-eu maˬ loˬ-a’ lehˇ, naw maꞈ mehˬ-eu tsoˆ-eu meh.