Uˬ duˬ 27:3 - Akha

³ Nyiˬ tseˇ kʼoꞈ-ahˇ neh koꞈ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ-euˬ aˇ poeˬ-aˬ, uˬ duˬ tahˬ nymˇ-ahˇ zmˬ-eu pyuˇ maˇ byaˆ ngaˬ tseˇ byaˆ meh.

Uˬ duˬ 27:3 ပူးပေါင်းရင်းမြစ်များ

2 Sahˬpaˬ 12:4

Piˇ ma deuˬ-ahˇ Yawˇshaˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ myah myah luꞈ lawˇ laˇ shehˇ laˇ-eu deuˬ neh damˬ-euˬ pyuˇ maˬ ehˇ, nui ma keuˆ-awˇ damˬ nehˬ laˇ-euˬ pyuˇ maˬ ehˇ, lawˇ gaˇ shehˇ gaˇ taꞈ leˇ-awˇ kʼaˇ za laˇ-euˬ pyuˇ dawˬ tawˆ luꞈ, Uˬ duˬ tahˬ nymˇ nymˇ ma laꞈ kʼoeˇ jeˬ hmˬ taˬ-awˬ.

Doˆ-iˇ 30:13

Tsawˇ seˬ yuˇ ngeh tsawˇ myahˇ kʼaˇ dawˆ-euˬ tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ pyuˇ ya dawˆ meh. Tsawˇ haˬ yawˬ gʼaˬ na luꞈ, kʼoeˇ loꞈ-ehˇ pyuˇ dawˆ-awˇ, ngaˬ-ahˇ ya damˬ meh.

Doˆ-iˇ 38:24

Muiˬ-eu shawˇ-eu Sehˬ gʼawˆ gʼaˇ duˬ, Sahˬpaˬ Miˬyehˇ-ahˇ damˬ nehˬ-eu shuiˇ dawˬ tawˆ luꞈ, kaˇ daˬ-ahˇ tsaˬ ni saˆ haw ngeh, koꞈ yaˇ jawꞈ-i byah-eu meh.

Uˬ duˬ 27:14

Tsawˇ haˬ tiˬ gʼaˬ na, yawˬ ha-euˬ nymˇ Sahˬpaˬ Miˬyehˇ-ahˇ damˬ nehˬ naˇ, piˇ ma gʼaˬ nymˇ kʼoeˇ nymˇ muiˬ-eu maˬ muiˬ-eu haw-awˇ, aˇ poeˬ ya daˇ tsehˆ nehˬ meh. Nymˇ kʼoeˇ nymˇ-euˬ aˇ poeˬ-aˬ, piˇ ma neh daˇ tsehˆ taˬ-euˬ loꞈ-ehˇ ya bi jaˆ meh.

Uˬ duˬ 27:25

Aˇ poeˬ kʼaˇ daˇ tsehˆ-euˬ dawˬ tawˆ luꞈ, kaˇ daˬ-ahˇ ya bi tsaˬ meh.

Uˬ duˬ 27:4

Zaˬ miˬ zaˬ ngeuˇ naˇ, smˬ tseˇ byaˆ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Uˬ duˬ 6:6

Dziˇ dzoˆ tsoeˬ-eu lawˇ-eu jeˬ Sahˬpaˬ Miˬyehˇ-ahˇ lawˇ nehˬ-eu gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ, aˇ poeˬ ya pyehˆ meh.

Bawˇtsahˬ 18:16

Zaˬ dehꞈ le-euˬ ba la tiˬ siˬ byah laˇ naˇ, aˇ poeˬ daˇ tsehˆ taˬ-euˬ jaˆ-eu loꞈ-ehˇ, kaˇ-ahˇ tsaˬ-eu pyuˇ maˇ byaˆ ngaˬ byaˆ biꞈ-awˇ ya zeuˇ kʼoꞈ geuꞈ meh.

Bawˇtsahˬ 3:47

Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh.