Uˬ duˬ 27:12 - Akha

¹² Piˇ ma gʼaˬ, jeˬ zaˬ kʼoeˇ mawˇ muiˬ-eu maˬ muiˬ-eu haw-awˇ, aˇ poeˬ ya daˇ tsehˆ nehˬ meh. Jeˬ zaˬ kʼoeˇ mawˇ-euˬ aˇ poeˬ-aˬ, piˇ ma neh pyehˆ tsehˆ taˬ-euˬ loꞈ-ehˇ ya bi jaˆ meh.

Uˬ duˬ 27:12 ပူးပေါင်းရင်းမြစ်များ

2 Sahˬpaˬ 12:4

Piˇ ma deuˬ-ahˇ Yawˇshaˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ myah myah luꞈ lawˇ laˇ shehˇ laˇ-eu deuˬ neh damˬ-euˬ pyuˇ maˬ ehˇ, nui ma keuˆ-awˇ damˬ nehˬ laˇ-euˬ pyuˇ maˬ ehˇ, lawˇ gaˇ shehˇ gaˇ taꞈ leˇ-awˇ kʼaˇ za laˇ-euˬ pyuˇ dawˬ tawˆ luꞈ, Uˬ duˬ tahˬ nymˇ nymˇ ma laꞈ kʼoeˇ jeˬ hmˬ taˬ-awˬ.

Uˬ duˬ 27:11

Ehˇ kʼawꞈ, saˇ jaˇ dzaˬ-eu laꞈ kʼoeˇ, Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ gaˇ maˬ geuꞈ nya-eu maˬ shawˇ-eu jeˬ zaˬ biꞈ mawꞈ naˇ, biꞈ-euˬ tsawˇ haˬ kʼoeˇ gʼaˬ, piˇ ma jawˇ gaˇ jeˬ zaˬ kʼoeˇ mawˇ ya tsahˇ gʼeh meh.

Uˬ duˬ 27:13

Yaw sahˇ gʼaˬ jeˬ zaˬ kʼoeˇ mawˇ paˇ zeuˇ kʼoꞈ geuꞈ mawꞈ naˇ, jeˬ zaˬ kʼoeˇ mawˇ-euˬ aˇ poeˬ uˬ taꞈ, ngaˬ bymˇ tiˬ bymˇ paˇ ya biꞈ dzehˬ meh.

Uˬ duˬ 27:23

Juˬbiˬliˬ Aˇ kʼoꞈ keuˆ le-eu gʼaˇ duˬ dzeˇ-eu aˇ kʼoꞈ deuˬ-ahˇ piˇ ma gʼaˬ sawˇ doˆ-awˇ, aˇ poeˬ ya daˇ tsehˆ nehˬ meh. Kʼoeˇ ngeh nah, aˬ yawꞈ aˇ poeˬ ya biꞈ tsehˆ-awˇ, pyuˇ kʼoeˇ Sahˬpaˬ Miˬyehˇ-euˬ pyeuꞈ-iˇ-eu meh.