Uˬ duˬ 26:7 - Akha

⁷ Naw maꞈ-ahˇ muiˇ-eu tsawˇ haˬ deuˬ-ahˇ naw ma teh-awˇ, naw maꞈ-euˬ mi cehˇ uˬ moˆ, aˬ yawꞈ maꞈ saꞈ gʼawˇ li tehꞈ-a.

Uˬ duˬ 26:7 ပူးပေါင်းရင်းမြစ်များ

1 Laˬsaˬbaˬ 19:15

Suˇliˆ tsawˇ haˬ deuˬ cehˆ byaˆ gaˇ Aˬmoˬ tsawˇ haˬ deuˬ ya mawˇ ngeh, Aˬbiˇshaiˇ-ahˇ aˬ yawꞈ maꞈ guiˇ maˬ deuˆ ni, meuˬ laꞈ kʼoeˇ cehˆ gʼoꞈ uˇ leˇ-euˬ meh. Kʼoeˇ naˇ, Yoˇbaˬ Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Iˇsaˬtaˆ 9:16

Miˇ kʼahˬ nui deuˬ doe ni jawˇ-eu Yuˇdaˆ tsawˇ haˬ deuˬ kʼawꞈ, aˇ muˇ muˇ leˇ muˇ leˇ-ehˇ, aˬ cawˬ tsawˇ jeuˬ neh maˬ bi sehꞈ-eu gʼaˇ duˬ lehˬ hmˬ taˬ-euˬ meh. Tsawˇ haˬ shiꞈ muiˇ ngaˬ heˇ gʼaˬ-ahˇ sehꞈ-eu laꞈ kʼoeˇ, aˬ cawˬ tsawˇ jeuˬ neh aˬ yawꞈ maꞈ-ahˇ maˬ bi sehꞈ ni aˬ yawꞈ maꞈ laˆ dzeuˇ-euˬ meh. Aˬ yawꞈ maꞈ tsawˇ haˬ kʼoeˇ loꞈ-ehˇ sehꞈ kʼawꞈ, myawˬ gahˬ maˬ yuˇ geuꞈ-a.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Uˬ duˬ 26:6

“Miˇ kʼahˬ saˇ-eu jeˬ, naw maꞈ-euˬ miˇ kʼahˬ kʼoeˇ taˆ ngaˇ bi keuˆ le-awˇ, tsawˇ haˬ tiˬ gʼaˬ-ahˇ-iˬ guˆ kʼaˇ maˬ za ni, naw maꞈ ya yuꞈ ya jawˇ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, haiˬ-eu jeˬ zaˬ deuˬ ngaˇ laˆ byoˆ-awˇ, guiˇ deuˆ-eu jeˬ kʼawꞈ maˬ jaˆ ni pyeuꞈ-iˇ tehꞈ-a.

Uˬ duˬ 26:8

Naw maꞈ tsawˇ haˬ ngaˬ gʼaˬ, aˬ cawˬ tiˬ yaˇ gʼaˬ-ahˇ gʼaˬ leˇ-awˇ, naw maꞈ tsawˇ haˬ tiˬ yaˇ gʼaˬ, aˬ cawˬ tiˬ muiˇ gʼaˬ-ahˇ gʼaˬ leˇ tehꞈ-a.

Dawˬmehˬ 28:7

“Muiˇ-eu deuˬ nawˬ-ahˇ guiˇ deuˆ le ngeh, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a. Aˬ yawꞈ maꞈ dawˬ tawˆ luꞈ tiˬ paw dzeˇ neh tehꞈ-ehˇ oe-awˇ guiˇ deuˆ le-eu kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ jiˇ tehꞈ-a.

Dawˬmehˬ 32:30

Yawꞈ maꞈ gʼoe duˬ lo guˇ pyeuꞈ-eu Sahˬpaˬ Miˬyehˇ neh yawꞈ maꞈ-ahˇ maˬ byehˇ dzeh ni haw law nmˇ-aˬ, aˬ cawˬ tsawˇ haˬ tiˬ gʼaˬ tehꞈ-ehˇ, yawꞈ maꞈ tiˬ heˇ gʼaˬ-ahˇ teh-awˇ, aˬ cawˬ tsawˇ haˬ nyiˬ gʼaˬ oe-euˬ, tiˬ muiˇ gʼaˬ-ahˇ gʼaˬ leˇ nmˇ loˇ.

Yawˇshuˆ 23:10

Naw maꞈ tsawˇ haˬ aˬ geu gʼaˬ maˬ kaˬ, aˬ cawˬ tsawˇ haˬ tiˬ heˇ gʼaˬ cehˆ byoˆ ni jahˇ nya tehꞈ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ gʼaˇ duˬ aˬ yawꞈ guiˇ deuˆ luꞈ-eu meh.

Yaˇ kʼaˬ daˇ 15:15

Kʼoeˇ ngeh, shiˇ-euˬ maˬ myahˇ laˇ-euˬ mahˬ tahˬ laˆ tiˬ mawˇ-euˬ mehˬ oꞈ shaˬ yoeˬ tiˬ hmˬ aˬ yawꞈ mawˇ-euˬ meh. Aˬ yawꞈ awˆ kʼoꞈ-awˇ, shaˬ yoeˬ kʼoeˇ yuˇ-awˇ, tsawˇ haˬ tiˬ heˇ gʼaˬ sehꞈ-euˬ meh.

Yaˇ kʼaˬ daˇ 4:16

Baˬyehˇ-aˬ, mahˬ laˆ lawˬ kʼoeˇ deuˬ hawˇ-eu yehˇ kʼoeˇ deuˬ-ahˇ, Gawˇiˆ miˇ kʼahˬ Haˬloˇshehˆ meuˬ-ahˇ keuˆ ni teh-awˇ, Siˇseˬlaˇ-euˬ guiˇ guiˇ maꞈ maꞈ lah-ehˇ, tiˬ gʼaˬ-iˬ maˬ law-iˇ ni bi sehꞈ jiˇ-euˬ meh.

Yaˇ kʼaˬ daˇ 7:23

Naˬtaˬliˇ tsawˇ jeuˬ, Aˬshaˬ tsawˇ jeuˬ hawˇ-eu, Yawˇdaˬ lawˇ baˬ kʼoeˇ baˬ heu baˬ-ahˇ jawˇ-eu Maˬnaˇseˬ tsawˇ haˬ nyiˬ maꞈ luꞈ-ahˇ kuˇ gaˬ-iˇ ngeh, Miˇdiˬyaˬ tsawˇ haˬ deuˬ-euˬ mehˬ nah aˬ yawꞈ maꞈ teh-euˬ meh.

1 Saˬmeuˬlaˆ 14:13

Yawˇnaˆshaˬ-aˬ, pawˬ tsuiꞈ pawˬ dmˬ dmˬ-awˇ laꞈ gaˆ gaˆ gaˆ-ehˇ, gʼaˬ lahˇ-ahˇ neh daˆ leˇ-awˇ, zaˬ guˬ kʼoeˇ gʼaˬ kʼawꞈ aˬ yawꞈ-euˬ mehˬ nah caw teh daˆ leꞈ-euˬ meh. Yawˇnaˆshaˬ gʼaˬ Piˇliˇtiˆ tsawˇ haˬ kʼoeˇ deuˬ-ahˇ teˇ coˬ-awˇ, zaˬ guˬ kʼoeˇ gʼaˬ neh bi sehꞈ-euˬ meh.