Uˬ duˬ 26:34 - Akha

³⁴ Naw maꞈ-euˬ miˇ kʼahˬ-aˬ, ciˬ cuˇ ni jaˆ-eu laꞈ kʼoeˇ gʼaˬ doeˇ naˬ dah tehꞈ-a. Naw maꞈ-ahˇ muiˇ-eu tsawˇ haˬ deuˬ-euˬ miˇ kʼahˬ laꞈ kʼoeˇ naw maꞈ jawˇ luꞈ ngeh, naw maꞈ-euˬ miˇ kʼahˬ laˬ kʼaˬ cehˇ taˆ ni gʼaˬ naˬ naˬ tehꞈ-a.

Uˬ duˬ 26:34 ပူးပေါင်းရင်းမြစ်များ

1 Sahˬpaˬ 8:46

“Nawˬ-euˬ tsawˇ haˬ deuˬ nawˬ-ahˇ mˇ lehˬ-awˇ, iˬ baˇ maˬ ahˇ-eu tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh, nawˇ nui ma pehˇ laˇ-awˇ muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-eu laꞈ kʼoeˇ, aˬ cawˬ-euˬ miˇ kʼahˬ-ahˇ aˬ yawꞈ maꞈ-ahˇ bi nyehꞈ gʼeh ngeh, kaˬ dui dui-eu miˇ kʼahˬ-ahˇ aˬ yawꞈ maꞈ ya iˇ keuˆ kʼawꞈ,

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Uˬ duˬ 25:10

Kʼoeˇ loꞈ-ehˇ jahˇ-awˇ, kʼoꞈ tsaˬ tsoˆ taˬ-euˬ aˇ kʼoꞈ pyeuꞈ-eu ngaˬ tseˇ kʼoꞈ tiˬ kʼoꞈ-ahˇ, naw maꞈ miˇ kʼahˬ laꞈ kʼoeˇ kʼaˇ jawˇ-eu jeˬ, ya buˬ ya law-iˇ-eu aˇ kʼoꞈ pyeuꞈ-eu gaˇ kawˆ bi tsaꞈ gaˬ doe-iˇ-awˬ. Kʼaˇ ahˬ dzaˬ-euˬ jeˬ dawˬ tawˆ luꞈ, aˇ kʼoꞈ kʼoeˇ kʼoꞈ keuˆ laˇ ngeh, ahˬ sahˇ gʼaˬ-ahˇ maˬ ngeuˇ naˇ, aˬ yawꞈ-euˬ zaˬ deuˬ uˆ deuˬ-ahˇ ya biꞈ kʼoꞈ-awˇ, ahˬ nehˬ-euˬ zaˬ kʼaˆ deuˬ kʼawꞈ, yawˬ ha-euˬ nymˇ-ahˇ paˇ ya bi gʼoꞈ-iˇ meh.

Uˬ duˬ 26:35

Naw maꞈ jawˇ ngeh, naw maꞈ-euˬ miˇ kʼahˬ gʼaˬ naˬ maˬ ya naˬ-euˬ kʼawꞈ, aˬ yawˇ yawꞈ ciˬ cuˇ ni jaˆ ngeh, gʼaˬ naˬ ya naˬ dehˆ tehꞈ-a.

Uˬ duˬ 26:43

Ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ maˬ jawˇ ni, miˇ tsaˬ-ahˇ gʼaˬ naˬ ya bi naˬ meh. Aˬ yawꞈ maꞈ ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni ngaˬ-ahˇ puiˬ-euˬ miˇ neh, iˬ baˇ aˇ poeˬ dziˇ dzoˆ tiˬ byah tiˬ loꞈ ya tsoeˬ meh.