Uˬ duˬ 26:20 - Akha

²⁰ Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Uˬ duˬ 26:20 ပူးပေါင်းရင်းမြစ်များ

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

Yawˇbaˆ 31:40

cehˇ hawˇ-eu lawˬ loeˇ ka taˬ-euˬ gaˇ, yaˇ moꞈ hawˇ-eu aˬ gah dehꞈ laˇ luꞈ-uˇ.” Yawˇbaˆ-euˬ dawˬ heu gaˇ aˇ saˬ saˬ-euˬ meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Jaceuq 127:1

Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

Iˇsaˬyaˇ 17:10

Iˇsaˬleˬlaˆ tsawˇ haˬ deuˬ-oˇ, naw maꞈ gʼaˇ duˬ lo guˇ loꞈ-ehˇ ziꞈ-euˬ, naw maꞈ-ahˇ ka kʼoꞈ-euˬ miˬ yehˇ-ahˇ, naw maꞈ byehˇ dzeh yaꞈ-awˇ, aˬ cawˬ tsawˇ jeuˬ-euˬ Miˬyehˇ-ahˇ uˬ duˬ tahˬ-eu gʼaˇ duˬ, muiˬ-eu shawˇ-eu yaˇ kmˇ mˇ-euˬ miˇ neh,

Iˇsaˬyaˇ 17:11

ka ngeh nah neh mehˇ laˇ-awˇ, aˇ yoeˬ sehˬ ngeh shawˬ neh aˇ yehˆ yehˆ kʼawꞈ, yehˬ dzaˬ diˬ dzaˬ-eu maˬ oꞈ-ehˇ, tiˬ jawˇ-iˬ maˬ ngehˇ leˇ coeˇ ni ya noeˬ shaˬ tehꞈ-a.

Iˇsaˬyaˇ 49:4

Ehˇ kʼawꞈ, ngaˇ heu loꞈ-ehˇ ehˇ nehˬ-euˬ ma. “Ngaˇ gaˇ mˇ-euˬ noeˬ tmˬ kʼaˇ maˬ za-a. Ngaˬ-euˬ gʼaˬ jiˇ-euˬ kʼawꞈ gaˇ dahˇ maˬ tsoeˬ leˇ-a.” Ehˇ kʼawꞈ Sahˬpaˬ Miˬyehˇ noeˬ muiˬ nehˬ laꞈ gaˇ noeˬ tmˬ ma. Ngaˬ neh mˇ-euˬ aˇ poeˬ aˬ yawꞈ haw tsaˬ nehˬ laꞈ tehꞈ-a.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Haˬbaˬkuˆ 2:13

miˇkʼahˬ tsawˇjeuˬ shaˬdoeˇ-euˬ kʼoeˇ, gaˇ dahˇ tsoeˬ leˇ duˬ maˬ jaˆ ni, Baoˬ huiˬ-eu Sahˬpaˬ Miˬyehˇ neh, noeˬ tsehˆ daˇ tsehˆ jiˇ taˬ-euˬ meh.

Haˬgaiˇ 2:16

Cehˇ pyuˇ nyiˬ muiˇ ahˇ ma lehˇ naw maꞈ noeˬ-euˬ kʼawꞈ, tiˬ muiˇ tehꞈ-ehˇ ahˇ-eu maˬ ngeuˇ-a loˇ. Aˬ gaꞈ dzaˇ uiˇ tiˬ yaˇ tsaꞈ dahˬ ma lehˇ noeˬ-euˬ kʼawꞈ, oeˬ tseˇ tsaꞈ tehꞈ-ehˇ dahˬ-eu maˬ ngeuˇ-a loˇ.

1 Gawˇliˬtu 3:6

Ngaˇ-aˬ, ka-eu gʼaˬ pyeuꞈ-awˇ, Aˬpawˇluˆ-aˬ, iˇ cuꞈ shehˬ-eu gʼaˬ pyeuꞈ-eu meh. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ-aˬ, Miˬyehˇ meh.

Gaˬlaˬtiˆ 4:11

Naw maꞈ gʼaˇ duˬ ngaˬ neh kʼaˇ mˇ kʼaˇ shaˇ-euˬ jeˬ yawꞈ ngehꞈ-ehˇ pyeuꞈ jiˇ gaˇ kʼahˬ lahˇ dui dui nya.

Dawˬmehˬ 11:17

Naw maꞈ kʼoeˇ loꞈ-ehˇ mˇ naˇ, Sahˬpaˬ Miˬyehˇ naw maꞈ-ahˇ nui ma pehˇ laˇ-awˇ, uˬ yehˇ maˬ bi yehˇ le-eu miˇ neh, naw maꞈ-euˬ miˇ tsaˬ gui-iˇ-awˇ, maˬ ka dzaˬ maˬ ka dawˇ nya ni pyeuꞈ-iˇ tehꞈ-a. Kʼoeˇ ngeh, aˬ yawꞈ naw maꞈ-ahˇ muiˬ-eu miˇ kʼahˬ biꞈ laꞈ-euˬ kʼawꞈ, gʼawˬ myahˇ maˬ gʼeh-ehˇ naw maꞈ ya luˬ ya seˇ-iˇ tehꞈ-a.

Dawˬmehˬ 28:18

“Nawˬ-euˬ zaˬ ui cuiˆ tehꞈ-ehˇ bi jawˇ le-eu laꞈ kʼoeˇ maˬ ehˇ, nawˬ-euˬ dzaˬ la gʼo cehˇ bi za cuiˆ le-eu laꞈ kʼoeˇ maˬ ehˇ, nawˬ-euˬ jeˬ zaˬ deuˬ bi teˬ le-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ nehˬ tehꞈ-a.

Dawˬmehˬ 28:42

Nawˬ-euˬ sahˬ lahˬ aˇ bawˇ deuˬ hawˇ-eu, dzaˬ la gʼo cehˇ dawˬ tawˆ luꞈ-ahˇ, aˇ mawˇ neh bi laˆ cawˆ jiˇ tehꞈ-a.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.