Uˬ duˬ 26:16 - Akha

¹⁶ naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Uˬ duˬ 26:16 ပူးပေါင်းရင်းမြစ်များ

1 Sahˬpaˬ 8:37

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ-iˇ ngeh maˬ ehˇ, muiˇ-eu deuˬ nawˬ-euˬ tsawˇ haˬ deuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Yawˇbaˆ 20:25

Kaˆ myaˬ neh aˬ yawꞈ-euˬ gʼawˇ mawˇ-ahˇ deh byoe-awˇ, guiˇ nyiˬ ni gʼeh-eu kaˆ myaˬ uˬ duˬ-ahˇ aˬ yawꞈ-euˬ shiˬ jaˆ ka-eu miˇ neh, aˬ yawꞈ guˆ dui dui-eu meh.

Yawˇbaˆ 31:8

ngaˬ-euˬ dzaˬ la gʼo cehˇ deuˬ cawˆ-iˇ jiˇ-awˇ, ngaˬ neh kʼaˇ ka-euˬ jeˬ aˬ cawˬ dzaˬ luꞈ-uˇ.

Jaceuq 109:6

Ngaˬ-ahˇ muiˇ-eu gʼaˬ-ahˇ yaˇ kʼaˬ bi daˇ-eu gʼaˇ duˬ haiˬ-eu yaˇ kʼaˬ daˇ-eu gʼaˬ tseˇ doˆ-awˇ, aˬ yawꞈ-ahˇ muiˇ-eu tsawˇ haˬ neh, aˬ yawꞈ-ahˇ yaˇ kʼaˬ bi ja-awˬ.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Jaceuq 78:33

Kʼoeˇ miˇ neh, aˬ yawꞈ maꞈ-euˬ aˇ nah aˇ yamˬ-ahˇ saꞈ tiˬ poˆ gʼawˇ daˆ-eu myah ni tehꞈ-ehˇ bi myahˇ-awˇ, guˆ-eu gaˆ-eu jeˬ ja pyuˬ ni bi keuˆ le-awˇ, ziˇ bi dehꞈ jiˇ-euˬ meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Dawqdaq 3:33

Haiˬ-eu tsawˇ haˬ deuˬ-euˬ nymˇ jiˇ-ahˇ Sahˬpaˬ Miˬyehˇ yaˬ kʼehˇ yaˬ-awˇ, yaw tsaˬ yaw dawˇ tsawˇ haˬ deuˬ-euˬ nymˇ jiˇ-ahˇ aˬ yawꞈ guiˬ lahˬ biꞈ-eu meh.

Iˇsaˬyaˇ 10:4

Aˬ cawˬ neh bi deuˆ sehꞈ-eu jeˬ hawˇ-eu, aˬ cawˬ miˇ kʼahˬ-ahˇ bi nyehꞈ gʼeh-eu nyiˬ jeˬ uˬ taꞈ, gaˇ ma yawˬ kahˇ yawˬ maˬ dahˇ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 15:8

Laˆ shaˆ lawˇ deh jaˆ-eu kʼaˇ shuiꞈ maˬ tseˇ, naw maꞈ miˇ kʼahˬ miˬ coeˬ miˬ ma myaˬ meh. Loˆ laˇ-euˬ zaˬ yo deuˬ-ahˇ ngaˇ sehꞈ-awˇ, aˬ ma deuˬ-ahˇ shaˬ zahˬ bi naꞈ-euˬ ma. Guˆ dui dui-iˇ-awˇ laˇ baˇ-iˇ paˬ-ehˇ, aˬ yawꞈ maꞈ kʼoeˇ taˆ ngaˇ shaˆ shiˇ pyehˬ gʼeh-euˬ ma.

Yeˬlaˬmiˇ 20:4

Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Ngaˇ nawˬ-ahˇ, yawˬ haˇ yawˬ ha ya guˆ-eu tsawˇ haˬ hawˇ-eu, nawˬ-euˬ cawˬ deuˬ ya guˆ-eu tsawˇ haˬ bi pyeuꞈ laˇ ma. Aˬ yawꞈ maꞈ dawˬ tawˆ luꞈ muiˇ-eu deuˬ-euˬ mi cehˇ kʼehˬ-ahˇ shiˇ jiˇ gaˇ nawˇ ya mawˇ tehꞈ-a. Yuˇdaˆ tsawˇ haˬ dawˬ tawˆ luꞈ-ahˇ, Baˬbuˇloˬ sahˬ paˬ-euˬ baoˬ uˬ moˆ ngaˇ bi dehꞈ ma. Tiˬ paˆ na deuˬ-ahˇ aˬ yawꞈ maꞈ-euˬ miˇ kʼahˬ-ahˇ paꞈ kʼoꞈ gʼeh-awˇ, tiˬ paˆ na deuˬ-ahˇ sehꞈ dzeh yaꞈ tehꞈ-a.

Yeˬlaˬmiˇ 5:17

Naw maꞈ-euˬ dzaˬ la gʼo cehˇ aˬ yawꞈ maꞈ dzaˬ-awˇ, naw maꞈ-euˬ aˬ buˇ aˬ li deuˬ-ahˇ aˬ yawꞈ maꞈ sehꞈ tehꞈ-a. Naw maꞈ-euˬ yawˇ hawˇ-eu mawˇ neˇ sehꞈ dzaˬ-awˇ, aˬ gaꞈ yaˇ kmˇ, siˬ guˬ guˬ yaˇ, aˬ yawꞈ maꞈ laˆ cawˆ jiˇ tehꞈ-a. Naw maꞈ nui kʼaˬ tsmˬ-eu ziꞈ dah ni gʼeh-eu meuˬ deuˬ kʼawꞈ, aˬ yawꞈ maꞈ-euˬ guiˇ maꞈ neh bi laˆ cawˆ tehꞈ-a.

Yeˬsaˬgeˬlaˇ 24:23

Naw maꞈ uˬ jehˆ maˬ jehˆ dzeh-ehˇ, sehˬ nawˆ lehˆ-awˇ maˬ cah-eu uˬ taꞈ, tsawˇ ngoeˇ maˬ ngoeˇ ni jawˇ tehꞈ-a. Naw maꞈ-euˬ iˬ baˇ baˬ da neh naw maꞈ liˬ-iˇ koˆ-iˇ-awˇ, tiˬ gʼaˬ tiˇ gʼaˬ mahˇ cawˬ mahˇ cawˬ-ehˇ ya jawˇ tehꞈ-a.

Yeˬsaˬgeˬlaˇ 33:10

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ neh ngehˬ-euˬ dawˬ paˇ ehˇ poˆ nehˬ-awˬ. ‘Nga maꞈ neh mˇ-euˬ iˬ baˇ hawˇ-eu yaw lehˬ jeˬ-ahˇ nga maꞈ maˬ paˇ pi coeˇ miˇ-a. Nga maꞈ yaw dehꞈ dehꞈ-eu byoˆ le miˇ-a’ lehˇ aˬ yawꞈ maꞈ ehˇ-euˬ meh.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Zaˬkaˬliˇ 14:12

Yeˬluˇsaˬlehˬ meuˬ-ahˇ guiˇ kʼaˇ deuˆ laˇ-euˬ miˇ kʼahˬ dawˬ tawˆ luꞈ kʼoeˇ taˆ, guˆ dui dui laˇ paˬ-ehˇ gʼeh-eu naˇ gawˇ Sahˬpaˬ Miˬyehˇ bi keuˆ le tehꞈ-a. Aˬ yawꞈ maꞈ yaw dehꞈ-ehˇ jawˇ luꞈ ngeh shaˬ jiˇ buꞈ shoˆ jiˇ-awˇ, myaˆ nuiˆ hawˇ-eu mehˬ laˇ buꞈ-iˇ tehꞈ-a.

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.

HeˬByehˇ 10:31

Dehꞈ luꞈ-eu Miˬyehˇ-euˬ laꞈ-ahˇ ya uˇ keuˆ-iˇ-eu jeˬ-aˬ, guˆ dui dui laˇ paˬ-ehˇ gʼeh-eu meh.

Yaˇ kʼaˬ daˇ 6:11

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ Awˇpaˬlaˇ pu-ahˇ oe-awˇ, Aˬbyeˇzaˬ aˇ jeuˬ Yawˇshaˆ-euˬ tsuiꞈ kaˆ aˇ bawˇ dawˬ pehˬ-ahˇ nuiˇ-euˬ meh. Yawˇshaˆ-euˬ aˬ li Giˇdoˬ-aˬ, Miˇdiˬyaˬ tsawˇ haˬ maˬ bi mawˇ-eu gʼaˇ duˬ, aˬ gaꞈ dzaˇ uiˇ lehˬ duˬ-ahˇ cehˇ diˬ diˬ kʼoeˬ luꞈ-eu meh.

1 Saˬmeuˬlaˆ 2:33

Ehˇ kʼawꞈ, nawˬ-euˬ zaˬ deuˬ uˆ deuˬ heu myaˆ ni gʼeh-eu laꞈ kʼoeˇ, tiˬ gʼaˬ bi dehꞈ-awˇ, kʼoeˇ gʼaˬ-ahˇ ngaˬ-euˬ gaˇ mˇ-eu piˇ ma bi geuꞈ ma. Kʼoeˇ gʼaˬ kʼawꞈ, myaˆ behꞈ paˇ behꞈ-iˇ-awˇ noeˬ tmˬ duˬ ma jaˆ-ehˇ pyeuꞈ-iˇ-eu uˬ taꞈ, nawˬ-euˬ zaˬ nawˬ-euˬ uˆ nui deuˬ dawˬ tawˆ luꞈ, shaˆ shiˇ shiˇ jiˇ tehꞈ-a.