Uˬ duˬ 26:11 - Akha

¹¹ Muiˬ-eu shawˇ-eu Sehˬ gʼawˆ laꞈ kʼoeˇ, naw maꞈ nehˬ-ehˇ ngaˇ jawˇ-awˇ, naw maꞈ-ahˇ ngaˇ maˬ byehˇ dzeh.

Uˬ duˬ 26:11 ပူးပေါင်းရင်းမြစ်များ

2 Saˬmeuˬlaˆ 7:7

Iˇsaˬleˬlaˆ tsawˇ jeuˬ nehˬ-ehˇ ngaˇ cah cah-ehˇ jawˇ-euˬ aˇ yamˬ kʼoeˇ myah ni gʼeh-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu tiˬ gʼaˬ-ahˇ-iˬ, aˬ jeˬ miˇ neh ngaˬ-euˬ gʼaˇ duˬ shuˬ liˇ neh uˬ duˬ tahˬ nymˇ tiˬ nymˇ maˬ tsoˆ nehˬ laꞈ te lehˇ ngaˇ maˬ ehˇ nehˬ haw-aˬ’ lehˇ ehˇ-eu meh lehˇ ehˇ nehˬ-awˬ.

1 Sahˬpaˬ 6:13

Nawˇ tsoˆ luꞈ-eu Uˬ duˬ tahˬ nymˇ nymˇ ma heu nymˇ laꞈ kʼoeˇ, Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ ngaˇ maˬ byehˇ dzeh.”

1 Sahˬpaˬ 8:13

Mˬ maˬ maˬ byaˆ zaˇ ziˇ nawˇ bi jawˇ-eu gʼaˇ duˬ, muiˬ dui dui-eu Uˬ duˬ tahˬ nymˇ nymˇ ma tiˬ nymˇ, nymˬ-mˇ ngaˇ tsoˆ gʼaˬ-euˬ ma.”

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

Jaceuq 106:40

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ nui daˆ daˆ-euˬ meh.

Jaceuq 76:2

Aˬ yawꞈ-euˬ nymˇ Yeˬluˇsaˬlehˬ meuˬ-ahˇ jaˆ-awˇ, Ziˇoˬ gawˬ jawˬ kʼoeˇ taˆ aˬ yawꞈ jawˇ-eu meh.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Doˆ-iˇ 25:8

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-eu gʼaˇ duˬ, ngaˬ-euˬ gʼaˇ duˬ muiˬ-eu shawˇ-eu sehˬ gʼawˆ tiˬ gʼawˆ aꞈ yawꞈ maꞈ ya tsoˆ meh.

Doˆ-iˇ 29:45

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Doˆ-iˇ 29:46

Aˬ yawꞈ maꞈ nehˬ-ehˇ ngaˇ ya jawˇ ni, ngaˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ aˬ yawꞈ maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ lehˇ, aˬ yawꞈ maꞈ siˬ nya tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Ngoeˇ dawˬ 2:7

Aˬ yawꞈ-ahˇ lawˇ-euˬ lawˇ duˬ-ahˇ, Sahˬpaˬ Miˬyehˇ byehˇ dzeh nehˬ-awˇ, yawꞈ-euˬ hawˇ nymˇ lahˇ gawˬ taˬ-euˬ, bi laˆ cawˆ byoˆ jiˇ-eu gʼaˇ duˬ, muiˇ-eu deuˬ-ahˇ a nehˬ-euˬ meh. Uˬ duˬ tahˬ-eu zahˇ sahˇ kʼoꞈ bawˬ-iˬ, gʼeh ngeh guˇ-euˬ teˇ saˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ, yawꞈ maꞈ gʼaˬ leˇ-euˬ guˇ-eu meh.

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.

Uˬ duˬ 20:23

Kʼoeˇ gaˇ jawˇ-eu tsawˇ haˬ deuˬ-euˬ zahˇ sahˇ kʼoꞈ-ahˇ naw maꞈ taˬ caw teh. Miˇ kʼahˬ kʼoeˇ kʼahˬ-ahˇ naw maꞈ uˇ leˇ nya ni, lawˇ ciꞈ zaˬ kʼoeˇ deuˬ-ahˇ ngaˇ teh dzeh-eu lehˇ gʼeh-eu ma. Aˬ yawꞈ maꞈ maˬ muiˬ maˬ jaˬ-eu jeˬ tehꞈ-ehˇ mˇ-eu miˇ neh, aˬ yawꞈ maꞈ-ahˇ ngaˇ nui ma byuˇ laˇ taˬ-euˬ ma.

Uˬ duˬ 26:15

Ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ ni, ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ naˇ,

Uˬ duˬ 26:43

Ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ maˬ jawˇ ni, miˇ tsaˬ-ahˇ gʼaˬ naˬ ya bi naˬ meh. Aˬ yawꞈ maꞈ ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni ngaˬ-ahˇ puiˬ-euˬ miˇ neh, iˬ baˇ aˇ poeˬ dziˇ dzoˆ tiˬ byah tiˬ loꞈ ya tsoeˬ meh.

Uˬ duˬ 26:44

Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-euˬ miˇ kʼahˬ-ahˇ aˬ yawꞈ maꞈ jawˇ luꞈ ngeh, aˬ yawꞈ maꞈ-ahˇ byehˇ tsehˆ tsehˆ-awˇ, laˆ cawˆ byoˆ nehˬ-eu jeˬ ngaˇ maˬ mˇ. Kʼoeˇ loꞈ-ehˇ jahˇ naˇ, ngaˬ neh aˬ yawꞈ maꞈ nehˬ-ehˇ saˇ jaˇ dzaˬ taˬ-euˬ jeˬ aˇ saˬ saˬ gaˇ duˇ tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Eˇpeˇsu 2:22

Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ jawˇ-eu jawˇ duˬ pyeuꞈ laˇ ni, naw maꞈ-ahˇ kʼawꞈ aˬ cawˬ nehˬ-ehˇ tiˬ kawˆ loꞈ-ehˇ Ka li laꞈ kʼoeˇ bi gawˬ ahˇ luꞈ-eu meh.

Dawˬmehˬ 32:19

“Sahˬpaˬ Miˬyehˇ kʼoeˇ gaˇ mawˇ ngeh, nui ma pehˇ dui dui -eu laꞈ kʼoeˇ, yawꞈ-euˬ aˬ buˇ aˬ li deuˬ-ahˇ, myaˆ maˬ haw cawˬ ni byehˇ-euˬ meh.

Yawˇshuˆ 22:19

Naw maꞈ-euˬ miˇ kʼahˬ maˬ muiˬ maˬ shawˇ-eu miˇ neh, uˬ duˬ tahˬ kʼaˇ maˬ za naˇ, Sahˬpaˬ Miˬyehˇ-euˬ Sehˬ gʼawˆ jaˆ-eu aˬ yawꞈ-euˬ miˇ kʼahˬ-ahˇ laˇ-awˇ, nga maꞈ-ahˇ miˇ tsaˬ shaˇ laˇ-awˬ. Ehˇ kʼawꞈ, Sahˬpaˬ Miˬyehˇ-ahˇ puiˬ-eu maˬ ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ uˬ taꞈ-ehˇ, lawˇ duˬ nui hmˬ gawˬ-eu laꞈ kʼoeˇ, nga maꞈ-ahˇ Sahˬpaˬ Miˬyehˇ-ahˇ puiˬ-eu tsawˇ haˬ bi pyeuꞈ-iˇ ni mˇ-eu maˬ ehˇ, taˬ gʼeh nehˬ laꞈ.

Yawˇshuˆ 22:31

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ haˬ deuˬ-ahˇ piˇ ma Eˇlaˬzaˬ-euˬ aˬ li Piˇnaˬhaˇ ehˇ nehˬ-eu, “Sahˬpaˬ Miˬyehˇ aˬ dui nehˬ-ehˇ jawˇ luꞈ-eu iˬ nah nga maꞈ siˬ duˬ-eu ma. Aˬ jeˬ miˇ neh ehˇ naˇ, naw maꞈ Sahˬpaˬ Miˬyehˇ-ahˇ puiˬ-eu ma ngeuˇ law hawˇ ngaˬ. Sahˬpaˬ Miˬyehˇ-euˬ kʼehˬ-eu kʼaˆ-eu jeˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ naw maꞈ iˬ nah ka kʼoꞈ-euˬ meh.”

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.

Panmaeq 7:15

Kʼoeˇ miˇ neh, Miˬyehˇ-euˬ dzoeˬ dzaˬ nuiˇ mahˬ mehˬ shi aˬ yawꞈ maꞈ yawꞈ-awˇ, uˬ ciꞈ nah gʼahˇ maˬ ehˇ, aˬ yawꞈ-euˬ uˬ duˬ tahˬ nymˇ nymˇ ma laꞈ kʼoeˇ aˬ yawꞈ-euˬ gaˇ mˇ-eu meh.