Uˬ duˬ 24:9 - Akha

⁹ Kaˬ muˇ kʼoeˇ-aˬ, Aˬloˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ shaˬ bymˇ pyeuꞈ-awˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh. Aˬ jeˬ miˇ neh ehˇ naˇ, kaˬ muˇ kʼoeˇ-aˬ, piˇ ma deuˬ gʼaˇ duˬ Sahˬpaˬ Miˬyehˇ-ahˇ lawˇ nehˬ-euˬ muiˬ dui shawˇ dui dui-eu dzaˬ dzaˬ dawˇ dawˇ pyeuꞈ-eu meh.

Uˬ duˬ 24:9 ပူးပေါင်းရင်းမြစ်များ

Doˆ-iˇ 27:21

Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

Uˬ duˬ 10:12

Aˬloˬ hawˇ-eu aˬ yawꞈ-euˬ aˬ li deuˬ laꞈ kʼoeˇ maˬ shiˇ ni dzeˇ-eu Eˇlaˬzaˬ hawˇ-eu Iˇdaˬmaˬ-ahˇ, Moˇseˬ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ-ahˇ lawˇ-eu dzaˬ dzaˬ dawˇ dawˇ deuˬ laꞈ kʼoeˇ, dzehˬ laˇ-euˬ dzaˬ la gʼo cehˇ lawˇ-eu jeˬ kʼoeˇ yuˇ-awˇ, dehˬ tseˬ maˬ ahˇ-eu kaˬ muˇ jahˇ-awˇ lawˇ duˬ-euˬ dawˬ peh jawˇ-awˇ dzaˬ-awˬ. Aˬ jeˬ miˇ neh ehˇ naˇ, lawˇ-eu jeˬ kʼoeˇ-aˬ, muiˬ dui shawˇ dui dui-eu meh.

Uˬ duˬ 10:17

“Aˬ jeˬ miˇ neh iˬ baˇ shawˇ-eu lawˇ-eu jeˬ-ahˇ muiˬ-eu shawˇ-eu jawˇ duˬ laꞈ kʼoeˇ naw maꞈ maˬ dzaˬ te. Kʼoeˇ-aˬ, muiˬ dui shawˇ dui dui-awˇ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ shawˇ dzeh-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ taˬ-euˬ jeˬ pyeuꞈ-eu meh.

Uˬ duˬ 21:22

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, ngaˬ-ahˇ lawˇ nehˬ-euˬ muiˬ-eu shawˇ-eu dzaˇ maˬ ehˇ, muiˬ dui shawˇ dui dui-eu dzaˇ maˬ ehˇ, dzaˬ nya meh.

Uˬ duˬ 24:10

Tsawˇ haˬ tiˬ gʼaˬ jawˇ-eu meh. Aˬ yawꞈ-euˬ aˬ da-aˬ, Iˇjiˇtuˆ tsawˇ jeuˬ pyeuꞈ-awˇ, aˬ yawꞈ-euˬ aˬ ma-aˬ, Iˇsaˬleˬlaˆ tsawˇ jeuˬ pyeuꞈ-eu meh. Tsawˇ haˬ kʼoeˇ gʼaˬ Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ dawˬ deh gʼa luꞈ ngeh, Iˇsaˬleˬlaˆ tsawˇ haˬ tiˬ gʼaˬ nehˬ-ehˇ, pu laꞈ kʼoeˇ ceh dzaˬ-euˬ meh.

Uˬ duˬ 3:17

Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 6:11

Kʼoeˇ naˇ, aˬ yawꞈ mehˬ tsoeˬ dm paˇ-awˇ, kʼaˬ lehˇ kʼoeˇ deuˬ-ahˇ, pu pu dzeˇ jaˆ-eu muiˬ-eu shawˇ-eu jawˇ duˬ-ahˇ ya tawˆ taˬ-iˇ meh.

Uˬ duˬ 6:16

Dzehˬ laˇ-euˬ deuˬ-ahˇ, Aˬloˬ hawˇ-eu aˬ yawꞈ-euˬ aˬ li deuˬ ya dzaˬ meh. Cehˇ meu kʼoeˇ neh, dehˬ tseˬ maˬ keuˬ-eu kaˬ muˇ jahˇ-awˇ, Sahˬpaˬ Miˬyehˇ jawˇ-eu sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh.

Uˬ duˬ 6:9

Miˬ dzaˬ-ahˇ dzah puiˆ-awˇ lawˇ-eu jeˬ ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-awˬ. Miˬ dzaˬ dzah puiˆ-awˇ lawˇ-eu jeˬ kʼoeˇ, lawˇ duˬ kʼoeˇ taˆ uˬ ciꞈ miˇ lah-ehˇ bi jaˆ-awˇ miˬ dzaˬ maˬ ya bi miˆ tsehˆ-a.

Uˬ duˬ 8:3

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ kʼoeˇ gaˇ kuˇ uiˬ-awˬ.”

Uˬ duˬ 8:31

Aˬloˬ hawˇ-eu aˬ yawꞈ-euˬ aˬ li deuˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ shaˬ jiˇ yuˇ gʼeh-awˇ caꞈ-eu laꞈ kʼoeˇ, a nehˬ-eu lawˇ-eu jeˬ gʼaˇ duˬ kaˬ muˇ dawˆ ahˇ taˬ-euˬ kʼa sa laꞈ kʼoeˇ ahˇ-eu kaˬ muˇ nehˬ-ehˇ kʼoeˇ gaˇ dzaˬ-awˬ.

Maˬlaˬkiˇ 1:12

Ehˇ kʼawꞈ, naw maꞈ ngaˬ-ahˇ yaw zeu maˬ baw-a. Ngaˬ-euˬ lawˇ duˬ gaˇ dahˇ maˬ tsoeˬ-a lehˇ naw maꞈ ehˇ-awˇ, naw maꞈ maˬ haw nahˇ-eu dzaˇ deuˬ lawˇ luꞈ-eu meh.

Maꞈtehˬ 12:4

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Dzaˇ kʼoeˇ-aˬ, aˬ yawꞈ maꞈ dzaˬ kʼmˬ-eu dzaˇ maˬ ngeuˇ-a. Piˇ ma deuˬ tehꞈ-ehˇ dzaˬ kʼmˬ-eu jeˬ meh.

Maˬkuˆ 2:26

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Aˬbyaˬdaˬ Piˇ ma Yaw huiˬ gʼaˬ geuꞈ ngeh ziˇ-ahˇ, kʼoeˇ loꞈ-ehˇ pyeuꞈ yaꞈ-euˬ meh. Aˬ dui-euˬ Zahˇ dawˬ kʼoꞈ dawˬ laꞈ kʼoeˇ, piˇ ma deuˬ tehꞈ-ehˇ kʼoeˇ loꞈ-ehˇ gʼeh-eu dzaˇ deuˬ dzaˬ kʼmˬ-eu meh. Ehˇ kʼawꞈ, Daˬbiˇ aˬ yawꞈ dzaˬ-euˬ u taꞈ, aˬ yawꞈ-euˬ tsawˇ haˬ deuˬ-ahˇ kʼawꞈ biꞈ nehˬ-awˇ bi dzaˬ-euˬ meh.”

Luˇkaꞈ 6:4

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ maˬ ngeuˇ-a loˇ. Dzaˇ kʼoeˇ piˇ ma deuˬ maˬ ngeuˇ naˇ maˬ dzaˬ kʼmˬ-eu maˬ ngeuˇ-a loˇ.”

1 Saˬmeuˬlaˆ 21:6

Kʼoeˇ ngeh, muiˬ-eu shawˇ-eu kaˬ muˇ kʼoeˇ, piˇ ma neh Daˬbiˇ-ahˇ biꞈ-euˬ meh. Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu Miˬyehˇ-ahˇ lawˇ nehˬ-euˬ kaˬ muˇ tehꞈ-ehˇ aˬ yawꞈ jawˇ gaˇ jaˆ-eu meh. Kaˬ muˇ kʼoeˇ-aˬ, kaˬ muˇ yaw shuiꞈ yuˇ gʼeh-awˇ dzeˇ paˇ paˇ ngeh, muiˬ-eu shawˇ-eu hawˬ jeh kʼoeˇ taˆ jaˆ gaˇ yuˇ kʼoꞈ laꞈ-euˬ kaˬ muˇ yaw oeˇ meh.