Uˬ duˬ 22:4 - Akha

⁴ “Aˬloˬ-euˬ aˬ li deuˬ laꞈ kʼoeˇ, nyawˬ naˇ-eu tsawˇ haˬ deuˬ hawˇ-eu, maˇ uiˇ yoeˇ-eu tsawˇ haˬ deuˬ-aˬ, aˬ yawꞈ maꞈ-euˬ gʼawˇ mawˇ maˬ muiˬ maˬ shawˇ laˇ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a. Piˇ ma tiˬ gʼaˬ, shiˇ taˬ-euˬ jeˬ-ahˇ taꞈ-eu maˬ shawˇ-eu mˇ myawˬ tiˬ jeˬ na-ahˇ toeˬ ciˆ-euˬ maˬ kaˬ, yawˬ ha-euˬ gʼawˇ mawˇ aˇ yoeˬ yoeˇ doˆ-eu maˬ kaˬ, maˬ shawˇ-eu piˇ ma pyeuꞈ-eu meh.

Uˬ duˬ 22:4 ပူးပေါင်းရင်းမြစ်များ

Uˬ duˬ 11:39

Dzaˬ kʼmˬ-eu jeˬ zaˬ tiˬ mawˇ na shiˇ taˬ-euˬ gaˇ, tsawˇ haˬ tiˬ gʼaˬ na ya toeˬ ciˆ naˇ, uˬ ciꞈ paw keuˆ ni, tsawˇ haˬ kʼoeˇ gʼaˬ maˬ shawˇ-a.

Uˬ duˬ 15:17

Aˇ yoeˬ kʼoeˇ kʼaˇ yoeˇ lehꞈ-euˬ saˬ paˇ maˬ ehˇ, shaˬ kʼoˆ maˬ ehˇ, ya lehˬ tsiˬ shawˇ-awˇ, uˬ ciꞈ paw keuˆ ni maˬ shawˇ-eu myawˬ pyeuꞈ-eu meh.

Uˬ duˬ 2:10

Dzehˬ laˇ-euˬ kaˬ muˇ deuˬ-ahˇ piˇ ma deuˬ ya geuꞈ meh. Kaˬ muˇ kʼoeˇ-aˬ, Sahˬpaˬ Miˬyehˇ-ahˇ lawˇ gʼaˬ-euˬ dzaˇ pyeuꞈ-eu miˇ neh, muiˬ dui shawˇ dui dui-eu meh.

Uˬ duˬ 2:3

Dzehˬ laˇ-euˬ cehˇ meu deuˬ-ahˇ, piˇ ma deuˬ ya geuꞈ meh. Cehˇ meu kʼoeˇ-aˬ, Sahˬpaˬ Miˬyehˇ-ahˇ lawˇ nehˬ gʼaˬ-euˬ baˬ da neh, muiˬ dui shawˇ dui dui-eu meh.

Uˬ duˬ 21:1

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh. “Aˬloˬ-euˬ aˬ li piˇ ma deuˬ-ahˇ heu loꞈ-ehˇ ehˇ nehˬ-awˬ. Piˇ ma geuꞈ-eu gʼaˬ-aˬ, yawˬ ha-euˬ aˇ jeuˬ aˇ ca shiˇ ngeh, tsawˇ shiˇ-ahˇ taꞈ leˇ-eu gaˇ mˇ-eu laꞈ kʼoeˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ ya jahˇ-a.

Uˬ duˬ 21:22

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, ngaˬ-ahˇ lawˇ nehˬ-euˬ muiˬ-eu shawˇ-eu dzaˇ maˬ ehˇ, muiˬ dui shawˇ dui dui-eu dzaˇ maˬ ehˇ, dzaˬ nya meh.

Haˬgaiˇ 2:13

Kʼoeˇ naˇ, Haˬgaiˇ heu loꞈ-ehˇ paˇ naˇ haˬ-euˬ meh. “Tsawˇ haˬ tiˬ gʼaˬ na shiˇ taˬ-euˬ jeˬ-ahˇ toeˬ ciˆ naˇ, maˬ shawˇ-eu tsawˇ haˬ pyeuꞈ-iˇ-eu meh. Tsawˇ haˬ kʼoeˇ gʼaˬ dzaˇ kʼoeˇ deuˬ-ahˇ toeˬ ciˆ naˇ, dzaˇ kʼoeˇ deuˬ maˬ shawˇ-eu dzaˇ pyeuꞈ-iˇ meh loˇ” lehˇ naˇ haˬ ngeh, “Ngeuˇ meh” lehˇ piˇ ma deuˬ ehˇ-eu meh.

Bawˇtsahˬ 18:19

“Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, ngaˇ biꞈ-eu ma. Heu-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˬ neh dzaˬ taˬ-euˬ, tiˬ jawˇ-iˬ maˬ cawˆ-iˇ nya-eu dawˬ ma saˇ jaˇ pyeuꞈ-eu ma.”

Bawˇtsahˬ 18:9

Lawˇ duˬ kʼoeˇ taˆ maˬ dzah puiˆ-euˬ muiˬ dui shawˇ dui dui-eu lawˇ-eu jeˬ laꞈ kʼoeˇ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ heu deuˬ-aˬ, nawˬ-ahˇ oꞈ-eu shaˬ bymˇ pyeuꞈ-eu meh. Ngaˇ jawˇ gaˇ kʼaˇ yuˇ laꞈ-euˬ muiˬ-eu shawˇ-eu lawˇ-eu jeˬ dawˬ tawˆ luꞈ, nawˇ hawˇ-eu nawˬ li deuˬ-ahˇ oꞈ-eu shaˬ bymˇ pyeuꞈ-eu meh.

Bawˇtsahˬ 19:20

“Tsawˇ haˬ tiˬ gʼaˬ na zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ pyeuꞈ laˇ ngeh, yawˬ haˇ yawˬ ha maˬ mˇ shawˇ naˇ, maˬ shawˇ-a. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Aˬ yawꞈ-aˬ, Sahˬpaˬ Miˬyehˇ-euˬ Sehˬ gʼawˆ-ahˇ laˆ jawꞈ-euˬ tsawˇ haˬ pyeuꞈ-eu miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nehˬ nya meh.