Uˬ duˬ 22:32 - Akha

³² Ngaˇ-aˬ, Sahˬpaˬ Miˬyehˇ ma. Ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ taˬ gʼeh. Ngaˇ-aˬ, yaw muiˬ yaw shawˇ meh lehˇ, Iˇsaˬleˬlaˆ tsawˇ haˬ dawˬ tawˆ luꞈ siˬ nya-awˬ. Ngaˇ-aˬ, naw maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ ma.

Uˬ duˬ 22:32 ပူးပေါင်းရင်းမြစ်များ

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Iˇsaˬyaˇ 8:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ muiˬ gaˇ shawˇ gaˇ taˬ ngehˇ. Nawˇ ngaˬ-ahˇ ya guˆ meh.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

Uˬ duˬ 20:8

Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, naw maꞈ-ahˇ bi muiˬ bi shawˇ laˇ-eu gʼaˬ pyeuꞈ-eu ma.”

Uˬ duˬ 21:15

Kʼoeˇ loꞈ-ehˇ maˬ ngeuˇ naˇ, yaw muiˬ yaw shawˇ tsawˇ haˬ ya bi pyeuꞈ-eu aˬ yawꞈ-euˬ zaˬ deuˬ-aˬ, maˬ muiˬ maˬ shawˇ ni pyeuꞈ-iˇ tehꞈ-a. Ngaˇ-aˬ, Sahˬpaˬ Miˬyehˇ pyeuꞈ-awˇ, Piˇ ma Yaw huiˬ gʼaˬ bi geuꞈ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, aˬ yawꞈ-ahˇ tseˇ doˆ-euˬ ma.”

Uˬ duˬ 21:8

Piˇ ma-aˬ, yaw muiˬ yaw shawˇ meh lehˇ tsawˇ haˬ dawˬ tawˆ luꞈ ya siˬ nya meh. Aˬ jeˬ miˇ neh ehˇ naˇ, aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ-eu tsawˇ haˬ pyeuꞈ-eu meh. Ngaˇ-aˬ, Sahˬpaˬ Miˬyehˇ ma. Ngaˇ-aˬ, muiˬ-eu shawˇ-eu gʼaˬ pyeuꞈ-awˇ, ngaˬ-euˬ tsawˇ haˬ deuˬ-ahˇ bi muiˬ bi shawˇ-eu ma.

Uˬ duˬ 22:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ tsawˇ myahˇ kʼoeˇ taˆ yehˬ bawˬ sehˇ lu-ehˇ gʼeh-eu jeˬ keuˆ le ni, naw maꞈ maˬ ya jahˇ-a. Kʼoeˇ miˇ neh, Iˇsaˬleˬlaˆ tsawˇ haˬ deuˬ neh, ngaˬ-ahˇ lawˇ-euˬ muiˬ-eu shawˇ-eu lawˇ-eu jeˬ-ahˇ naw maꞈ yaw zeu baw-awˬ.

Uˬ duˬ 22:31

Sahˬpaˬ Miˬyehˇ ehˇ-eu, “Ngaˬ neh biꞈ taˬ-euˬ dawˬ deuˬ-ahˇ naw maꞈ naˇ haˬ geuꞈ-awˬ.

Uˬ duˬ 22:33

Ngaˬ-euˬ gʼawˇ mawˇ naw maꞈ-euˬ Miˬyehˇ pyeuꞈ laˇ ni, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Ngaˇ-aˬ, Sahˬpaˬ Miˬyehˇ ma.”

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Luˇkaꞈ 11:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ. Nawˬ-euˬ Miˇ kʼahˬ keuˆ le luꞈ-uˇ.

Yoˇhaˬ 17:17

Yaw tsaˬ yaw dawˇ jeˬ-ahˇ gʼoe-awˇ, aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ha ahˇ geuꞈ-awˬ. Nawˬ-euˬ dawˬ-aˬ, yaw tsaˬ yaw dawˇ jeˬ meh.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.