Uˬ duˬ 22:3 - Akha

³ Naw maꞈ-euˬ zaˬ deuˬ uˆ deuˬ laꞈ kʼoeˇ, tsawˇ haˬ tiˬ gʼaˬ na yawˬ ha-euˬ gʼawˇ mawˇ maˬ shawˇ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˬ-ahˇ lawˇ -euˬ muiˬ-eu shawˇ-eu lawˇ-eu jeˬ dawˬ peh le naˇ, tsawˇ haˬ kʼoeˇ gʼaˬ-aˬ, lawˇ duˬ-ahˇ ngaˬ-euˬ gaˇ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh. Ngaˇ-aˬ, Sahˬpaˬ Miˬyehˇ ma.

Uˬ duˬ 22:3 ပူးပေါင်းရင်းမြစ်များ

Eˇzaˬlaˬ 8:28

Aˬ yawꞈ maꞈ-ahˇ ngaˇ ehˇ nehˬ-euˬ, “Naw maꞈ-euˬ gʼawˇ mawˇ hawˇ-eu naw maꞈ neh nui ma keuˆ-awˇ damˬ taˬ-euˬ pyuˇ hawˇ-eu shuiˇ myawˬ guˇ heu deuˬ-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi muiˬ-eu shawˇ-eu jeˬ pyeuꞈ-eu meh.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 51:11

Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Doˆ-iˇ 30:33

Tsiˇ kʼoeˇ jeˬ-ahˇ duˇ-eu tsiˇ jahˇ doˆ-euˬ tsawˇ haˬ aˬ geu gʼaˬ maˬ kaˬ, piˇ ma maˬ ngeuˇ-eu tsawˇ haˬ tiˬ gʼaˬ na kʼoeˇ taˆ tsiˇ kʼoeˇ shehˆ daˆ nehˬ-euˬ tsawˇ haˬ aˬ geu gʼaˬ maˬ kaˬ, ngaˬ-euˬ tsawˇ haˬ lehˇ ngaˇ maˬ paˇ sawˇ nehˬ meh’ lehˇ ehˇ nehˬ-awˬ.”

Uˬ duˬ 22:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ tsawˇ myahˇ kʼoeˇ taˆ yehˬ bawˬ sehˇ lu-ehˇ gʼeh-eu jeˬ keuˆ le ni, naw maꞈ maˬ ya jahˇ-a. Kʼoeˇ miˇ neh, Iˇsaˬleˬlaˆ tsawˇ haˬ deuˬ neh, ngaˬ-ahˇ lawˇ-euˬ muiˬ-eu shawˇ-eu lawˇ-eu jeˬ-ahˇ naw maꞈ yaw zeu baw-awˬ.

Bawˇtsahˬ 19:13

Tsawˇ shiˇ-ahˇ toeˬ ciˆ gʼaˬ-awˇ, yawˬ haˇ yawˬ ha maˬ mˇ shawˇ-eu tsawˇ haˬ-aˬ, maˬ shawˇ-eu tsawˇ haˬ pyeuꞈ-eu meh. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Sahˬpaˬ Miˬyehˇ-euˬ Sehˬ gʼawˆ-ahˇ aˬ yawꞈ laˆ jawꞈ-euˬ miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.