Uˬ duˬ 22:22 - Akha

²² Sahˬpaˬ Miˬyehˇ-ahˇ jeˬ zaˬ lawˇ ngeh, myaˆ behꞈ behꞈ-eu, kuiˇ kuˆ laꞈ kuˆ kuˆ-eu, aˇ sehˇ maˬ byah-eu, baˆ kʼoˆ maˇ naˇ naˇ-eu, maˇ cuˬ maˇ lu lu-eu, kʼoeˇ loꞈ-ehˇ gʼeh-eu jeˬ zaˬ deuˬ maˬ ya lawˇ-a. Lawˇ duˬ kʼoeˇ taˆ dzaˬ dzaˬ dawˇ dawˇ lawˇ-eu jeˬ lawˇ ngeh, kʼoeˇ loꞈ-ehˇ gʼeh-eu jeˬ zaˬ deuˬ maˬ geuꞈ kʼmˬ-a.

Uˬ duˬ 22:22 ပူးပေါင်းရင်းမြစ်များ

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 22:20

Naw maꞈ maˇ byawꞈ baw-eu jeˬ zaˬ lawˇ naˇ, Sahˬpaˬ Miˬyehˇ maˬ ha geuꞈ-a.

Uˬ duˬ 22:21

Tsawˇ haˬ tiˬ gʼaˬ na, saˇ jaˇ dzaˬ-eu laꞈ kʼoeˇ maˬ ehˇ, nui ma keuˆ-eu miˇ neh maˬ ehˇ, cawˬ cawˬ taꞈ-eu lawˇ-eu jeˬ lawˇ ngeh, Sahˬpaˬ Miˬyehˇ neh bi ha geuꞈ mawꞈ naˇ, maˇ byawꞈ maˬ baw-eu jeˬ zaˬ ya lawˇ meh.

Uˬ duˬ 22:23

Nui ma keuˆ-eu miˇ neh lawˇ-eu jeˬ naw maꞈ lawˇ ngeh, maˬ loˆ-eu jeˬ zaˬ deuˬ hawˇ-eu, aˇ sehˇ maˬ byah-eu jeˬ zaˬ deuˬ geuꞈ nya meh. Ehˇ kʼawꞈ, saˇ jaˇ dzaˬ-eu laꞈ kʼoeˇ lawˇ-eu jeˬ lawˇ ngeh, kʼoeˇ loꞈ-ehˇ gʼeh-eu jeˬ zaˬ deuˬ maˬ geuꞈ nya-a.

Uˬ duˬ 3:3

Kʼoeˇ naˇ, Sahˬpaˬ Miˬyehˇ-ahˇ dzaˬ dzaˬ dawˇ dawˇ lawˇ-eu jeˬ lawˇ-eu gʼaˇ duˬ, mawˇ neˇ kʼoeˇ mawˇ-euˬ tsahˬ nahˬ uˇ jiˇ deuˬ-ahˇ kʼaˇ dawꞈ-eu tsiˇ maˬ ehˇ,

Uˬ duˬ 3:5

Heu deuˬ-ahˇ piˇ ma yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ nehˬ-ehˇ ya lawˇ keuˬ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Maˬlaˬkiˇ 1:8

Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”