Uˬ duˬ 22:18 - Akha

¹⁸ Aˬloˬ-ahˇ maˬ ehˇ, Aˬloˬ-euˬ aˬ li deuˬ-ahˇ maˬ ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ maˬ ehˇ, zahˇ sahˇ kʼoꞈ heu deuˬ biꞈ nehˬ-awˬ. Iˇsaˬleˬlaˆ tsawˇ haˬ maˬ kaˬ, Iˇsaˬleˬlaˆ miˇ kʼahˬ-ahˇ jawˇ-eu boeˇ miˬ siˬ kʼaˬ deuˬ maˬ kaˬ, saˇ jaˇ dzaˬ-eu laꞈ kʼoeˇ lawˇ-eu maˬ ehˇ, nui ma keuˆ-eu miˇ neh lawˇ-eu maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ naˇ, maˇ byawꞈ maˬ baw-eu jeˬ zaˬ ya lawˇ meh.

Uˬ duˬ 22:18 ပူးပေါင်းရင်းမြစ်များ

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 116:18

Nawˬ-euˬ tsawˇ haˬ deuˬ uiˬ leˇ taˬ-euˬ mehˬ shi, Yeˬluˇsaˬlehˬ meuˬ Uˬ duˬ tahˬ nymˇ nymˇ ma-euˬ muiˬ-eu shawˇ-eu jawˇ duˬ-ahˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ damˬ ma. Sahˬpaˬ Miˬyehˇ-ahˇ ja ceuˬ-awˬ.

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 61:5

Miˬyehˇ-oˇ, ngaˇ saˇ jaˇ dzaˬ-euˬ dawˬ-ahˇ nawˇ ya gaˬ gʼaˬ-awˇ, nawˬ-ahˇ taˬ huiˬ-eu deuˬ-ahˇ biꞈ-eu jeˬ, nawˇ ngaˬ-ahˇ biꞈ laꞈ-euˬ meh.

Jaceuq 61:8

Kʼoeˇ naˇ, ngaˬ neh saˇ jaˇ dzaˬ taˬ-euˬ lawˇ-eu jeˬ aˬ yawꞈ nah yawꞈ ngaˇ lawˇ ngeh, nawˬ-ahˇ aˬ myah luꞈ caˇ-awˇ ja ceuˬ ma.

Jaceuq 65:1

Miˬyehˇ-oˇ, Ziˇoˬ meuˬ laꞈ kʼoeˇ nga maꞈ nawˬ-ahˇ ja ceuˬ-awˇ, nawˬ-ahˇ saˇ jaˇ ziꞈ-eu tsaˬ dui dui meh.

Jaceuq 66:13

Miˬ dzaˬ-ahˇ dzah puiˆ-awˇ lawˇ-eu jeˬ, nawˬ-euˬ nymˇ-ahˇ ngaˇ yuˇ laꞈ-awˇ, ngaˬ neh saˇ jaˇ dzaˬ taˬ-euˬ loꞈ-ehˇ lawˇ nehˬ ma.

Doˆ-iˇ 12:5

Ciꞈ myehꞈ maˬ ehˇ, yawˇ maˬ ehˇ, geuꞈ nya tehꞈ-a. Ehˇ kʼawꞈ, tiˬ myaˇ byah laˇ-euˬ yawˇ zaˬ aˬ buˬ maˬ ngeuˇ naˇ, tiˬ myaˇ byah laˇ-euˬ ciꞈ myehꞈ ciꞈ buˬ zaˬ tehꞈ-ehˇ geuꞈ nya-eu meh.

Dawˬ tsoˆ 5:4

Kʼoeˇ miˇ neh, Miˬyehˇ-ahˇ nawˇ saˇ jaˇ dzaˬ gʼaˬ naˇ, yaw kawˇ-ehˇ mˇ byah-awˬ. Aˬ jeˬ miˇ neh ehˇ naˇ, aˬ dzawˬ aˇ gah-ahˇ aˬ yawꞈ nui ma maˬ tsaˬ-a. Nawˬ neh saˇ jaˇ kʼaˇ dzaˬ taˬ-euˬ loꞈ-ehˇ mˇ-awˬ.

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 1:2

Zahˇ sahˇ kʼoꞈ heu deuˬ-aˬ, Iˇsaˬleˬlaˆ tsawˇ haˬ deuˬ lawˇ ngeh shehˇ ngeh, ya caw teh-eu zahˇ sahˇ kʼoꞈ deuˬ pyeuꞈ-eu meh. Tsawˇ haˬ tiˬ gʼaˬ na jeˬ zaˬ lawˇ ngeh lawˇ-eu mawˇ neˇ maˬ ehˇ, yawˇ maˬ ehˇ, ciꞈ myehꞈ maˬ ehˇ, aˬ yawꞈ neh cu taˬ-euˬ jeˬ zaˬ ya bi pyeuꞈ-eu meh.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Uˬ duˬ 17:13

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, bawˇ cah cah-awˇ, bawˇ tsahˬ jeˬ zaˬ aˇ jiˇ yaw shawˇ jeˬ tiˬ mawˇ na mi naˇ, jeˬ zaˬ aˇ jiˇ kʼoeˇ-euˬ shiˬ miˇ tsaˬ-ahˇ ya bi yoeˇ dzeh-awˇ, ya beuˬ pahˬ yaꞈ meh.

Uˬ duˬ 22:17

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh.

Uˬ duˬ 23:38

Bawˬ-iˬ heu deuˬ-aˬ, aˬ myah luꞈ naw maꞈ lah luꞈ-eu jawˇ nah deuˬ uˬ taꞈ, naw maꞈ ya jahˇ-eu bawˬ-iˬ pyeuꞈ-awˇ, lawˇ-eu shehˇ-eu heu deuˬ kʼawꞈ, aˬ myah luꞈ naw maꞈ mˇ luꞈ-eu lawˇ-eu shehˇ-eu jeˬ pyeuꞈ-eu Sahˬpaˬ Miˬyehˇ-ahˇ damˬ nehˬ-eu jeˬ, saˇ jaˇ dzaˬ-awˇ lawˇ-eu jeˬ, nui ma keuˆ-eu laꞈ kʼoeˇ lawˇ-eu jeˬ, heu deuˬ lawˇ-eu uˬ taꞈ, naw maꞈ ya mˇ-eu lawˇ-eu shehˇ-eu jeˬ pyeuꞈ-eu meh.)

Uˬ duˬ 7:16

Saˇ jaˇ mˇ byah-eu gʼaˇ duˬ maˬ ehˇ, yawˬ ha nui ma keuˆ-awˇ lawˇ-eu maˬ ehˇ, tsawˇ haˬ tiˬ gʼaˬ na cawˬ cawˬ taꞈ-eu lawˇ-eu jeˬ lawˇ naˇ, lawˇ gʼaˬ-euˬ dzaˇ-ahˇ aˬ yawꞈ ngeh nah neh dzaˬ jiˇ-eu maˬ loˬ-a. Dzehˬ laˇ-euˬ deuˬ-ahˇ, yawˬ nah yawˬ kʼawꞈ dzaˬ nya meh.

Aˬmoˆ 4:5

Miˬyehˇ-euˬ guiˬ lahˬ-ahˇ noeˬ keuˆ-eu laꞈ kʼoeˇ kaˬ muˇ lawˇ-awˬ. Kʼoeˇ uˬ taꞈ-ehˇ, nui ma keuˆ-eu laꞈ kʼoeˇ lawˇ-eu jeˬ lawˇ-awˇ kʼahˬ sehˇ jehˆ-awˬ. Naw maꞈ kʼoeˇ loꞈ-ehˇ mˇ mawꞈ-eu maˬ ngeuˇ loˇ.

Yawˇnaˆ 1:16

Kʼoeˇ loꞈ-ehˇ pyeuꞈ laˇ-euˬ baˬ da neh, saˇ baoˬ kʼoeˇ taˆ gaˇ mˇ-eu tsawˇ haˬ kʼoeˇ deuˬ Sahˬpaˬ Miˬyehˇ-ahˇ guˆ dui dui-awˇ, aˬ yawꞈ-ahˇ lawˇ nehˬ shehˇ nehˬ-awˇ, aˬ yawꞈ-ahˇ saˇ jaˇ dzaˬ-euˬ meh.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Bawˇtsahˬ 15:3

miˬ dzaˬ dzah puiˆ-awˇ lawˇ-eu jeˬ maˬ kaˬ, saˇ jaˇ dzaˬ-eu lawˇ-eu jeˬ maˬ kaˬ, nui ma keuˆ-awˇ lawˇ-eu jeˬ maˬ kaˬ, aˬ myah myah lawˇ luꞈ-eu zahˇ sahˇ kʼoꞈ-ahˇ taꞈ leˇ-eu lawˇ-eu jeˬ maˬ kaˬ, tiˬ jeˬ paˬ lawˇ ngeh, mawˇ neˇ mawˇ gaw maˬ ehˇ, yawˇ aˬ buˬ maˬ ehˇ, yawˇ maˬ ngeuˇ naˇ ciꞈ myehꞈ maˬ ehˇ, Sahˬpaˬ Miˬyehˇ jawˇ gaˇ ya tsahˇ laꞈ meh. Kʼoeˇ loꞈ-ehˇ lawˇ-euˬ jeˬ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

Dawˬmehˬ 12:17

Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Dawˬmehˬ 16:10

Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ guiˬ lahˬ kʼaˇ biꞈ nehˬ laꞈ-euˬ loꞈ-ehˇ geuˇ ni, nui ma keuˆ-awˇ lawˇ-eu jeˬ aˬ yawꞈ jawˇ gaˇ yuˇ laꞈ-awˇ, aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, Cehˇ laˆ luiˆ-eu Bawˬ-iˬ gʼeh-awˬ.