Uˬ duˬ 22:10 - Akha

¹⁰ “Piˇ ma deuˬ-euˬ nymˇ kʼahˬ zaˬ deuˬ tehꞈ-ehˇ, lawˇ gʼaˬ shehˇ gʼaˬ-euˬ muiˬ-eu shawˇ-eu dzaˇ-ahˇ dzaˬ kʼmˬ-eu meh. Nui deuˬ tiˬ gʼaˬ-iˬ maˬ dzaˬ kʼmˬ-a. Piˇ ma-euˬ nymˇ-ahˇ jawˇ naˬ luꞈ-eu deuˬ hawˇ-eu, piˇ ma-ahˇ gʼaˬ mahˇ mahˇ luꞈ-eu tsawˇ haˬ deuˬ kʼawꞈ maˬ dzaˬ kʼmˬ-a.

Uˬ duˬ 22:10 ပူးပေါင်းရင်းမြစ်များ

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 12:43

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Heu-aˬ, Baˬsaˬkaˬ Bawˬ-iˬ dzaˬ gaˇ taꞈ leˇ-eu zahˇ sahˇ kʼoꞈ pyeuꞈ-eu meh. Baˬsaˬkaˬ Bawˬ-iˬ dzaˬ gaˇ, aˬ cawˬ tsawˇ jeuˬ deuˬ maˬ ya uˇ leˇ-a.

Doˆ-iˇ 12:45

Aˬ cawˬ miˇ kʼahˬ-ahˇ neh tiˬ kʼehˬ tiˬ yamˬ cehˆ jawˇ le-euˬ tsawˇ haˬ deuˬ hawˇ-eu, gʼaˬ mahˇ mahˇ dzaˬ luꞈ-eu zaˬ kʼaˆ deuˬ, Bawˬ-iˬ heu hmˬ dzaˬ gaˇ maˬ ya uˇ leˇ-a.

Doˆ-iˇ 29:33

Iˬ baˇ pyehˬ-eu hawˇ-eu aˇ yaˬ biꞈ-eu zahˇ jahˇ gaˇ geuꞈ-eu dzaˬ dzaˬ dawˇ dawˇ deuˬ aˬ yawꞈ maꞈ dzaˬ nya meh. Piˇ ma deuˬ tehꞈ-ehˇ dzaˇ kʼoeˇ deuˬ dzaˬ kʼmˬ-eu meh. Aˬ jeˬ miˇ neh ehˇ naˇ, kʼoeˇ-aˬ, muiˬ-eu shawˇ-eu dzaˇ pyeuꞈ-eu meh.

Yeˬsaˬgeˬlaˇ 44:8

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ-ahˇ doˇ-eu gaˇ deuˬ-ahˇ aˬ yawꞈ maꞈ maˬ mˇ ni, aˬ cawˬ tsawˇ jeuˬ-ahˇ kʼehˇ doˇ nehˬ-awˇ bi mˇ-euˬ meh.

Uˬ duˬ 21:22

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, ngaˬ-ahˇ lawˇ nehˬ-euˬ muiˬ-eu shawˇ-eu dzaˇ maˬ ehˇ, muiˬ dui shawˇ dui dui-eu dzaˇ maˬ ehˇ, dzaˬ nya meh.

Uˬ duˬ 22:13

Yawˬ ha aˬ da-euˬ nymˇ-ahˇ gʼoꞈ tsehˆ jawˇ tsehˆ laˇ-euˬ, zaˬ maˬ jawˇ-eu miˬ coeˬ miˬ ma pyeuꞈ-eu piˇ ma-euˬ aˬ buˇ-aˬ, yawˬ ha-euˬ aˬ da piˇ ma geuꞈ-awˇ za-euˬ dzaˇ deuˬ dzaˬ nya meh. Piˇ ma-euˬ nymˇ kʼahˬ zaˬ deuˬ tehꞈ-ehˇ dzaˇ kʼoeˇ deuˬ dzaˬ kʼmˬ-eu meh.

Bawˇtsahˬ 3:10

Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”

Maꞈtehˬ 12:4

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Dzaˇ kʼoeˇ-aˬ, aˬ yawꞈ maꞈ dzaˬ kʼmˬ-eu dzaˇ maˬ ngeuˇ-a. Piˇ ma deuˬ tehꞈ-ehˇ dzaˬ kʼmˬ-eu jeˬ meh.

1 Saˬmeuˬlaˆ 21:6

Kʼoeˇ ngeh, muiˬ-eu shawˇ-eu kaˬ muˇ kʼoeˇ, piˇ ma neh Daˬbiˇ-ahˇ biꞈ-euˬ meh. Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu Miˬyehˇ-ahˇ lawˇ nehˬ-euˬ kaˬ muˇ tehꞈ-ehˇ aˬ yawꞈ jawˇ gaˇ jaˆ-eu meh. Kaˬ muˇ kʼoeˇ-aˬ, kaˬ muˇ yaw shuiꞈ yuˇ gʼeh-awˇ dzeˇ paˇ paˇ ngeh, muiˬ-eu shawˇ-eu hawˬ jeh kʼoeˇ taˆ jaˆ gaˇ yuˇ kʼoꞈ laꞈ-euˬ kaˬ muˇ yaw oeˇ meh.

1 Saˬmeuˬlaˆ 21:7

Kʼoeˇ ngeh nah, Sawˇluˆ-euˬ yawˇ bo-eu paw aˬ yuiꞈ geuꞈ-eu gʼaˬ pyeuꞈ-eu Eˬdoˬ tsawˇ jeuˬ Doˇgaˆ lehˇ myahˇ-euˬ gʼaˬ kʼawꞈ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ mˇ paˬ-ehˇ gʼeh-eu jeˬ jaˆ-eu miˇ neh, kʼoeˇ gaˇ laˇ taˬ-awˇ jawˇ-eu meh.