Uˬ duˬ 21:9 - Akha

⁹ Piˇ ma-euˬ aˬ buˇ tiˬ gʼaˬ na meh maˬ laˇ pyeuꞈ-iˇ naˇ, aˬ yawꞈ-euˬ aˬ da-ahˇ aˬ yawꞈ yehˬ bawˬ sehˇ lu-ehˇ gʼeh-eu meh. Miˬ dzaˬ-ahˇ dzah puiˆ-awˇ sehꞈ nehˬ gaˇ aˬ yawꞈ ya daˬ tehꞈ-a.

Uˬ duˬ 21:9 ပူးပေါင်းရင်းမြစ်များ

Aˇ dahˬ 38:24

Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

Doˆ-iˇ 31:14

Gʼaˬ naˬ naˬ-eu aˇ nah kʼoeˇ nah-ahˇ, naw maꞈ ya lah ya daw meh. Aˬ jeˬ miˇ neh ehˇ naˇ, kʼoeˇ-aˬ, muiˬ-eu shawˇ-eu aˇ nah pyeuꞈ-eu meh. Aˇ nah kʼoeˇ nah-ahˇ maˬ lah maˬ daw-ehˇ gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Yeˬsaˬgeˬlaˇ 9:6

“Tsawˇ mawˬ deuˬ, aˬ li zaˬ guˬ deuˬ, aˬ buˇ zaˬ guˬ deuˬ, aˬ ma deuˬ hawˇ-eu, zaˬ deuˬ dawˬ tawˆ luꞈ-ahˇ sehꞈ jiˇ-awˬ. Ehˇ kʼawꞈ, naˇ kʼawˇ-ahˇ tsaˬ tsoˆ taˬ-euˬ tsawˇ haˬ deuˬ-ahˇ taˬ sehꞈ. Heu gaˇ, ngaˬ-euˬ Uˬ duˬ tahˬ nymˇ nymˇ ma -ahˇ neh aˇ dahˬ beh-awˇ, sehꞈ ka gʼeh-awˬ.” Kʼoeˇ naˇ, Uˬ duˬ tahˬ nymˇ nymˇ ma-ahˇ yawꞈ luꞈ-eu aˬ yuiꞈ aˬ tsu deuˬ-ahˇ neh aˇ dahˬ beh-awˇ, aˬ yawꞈ maꞈ tsawˇ haˬ sehꞈ ka gʼeh-euˬ meh.

Uˬ duˬ 19:29

“Lawˇ ciꞈ zaˬ-euˬ uˬ duˬ tahˬ nymˇ-ahˇ meh maˬ laˇ bi geuꞈ-iˇ-eu laꞈ kʼoeˇ, yawˬ ha-euˬ aˬ buˇ-ahˇ yehˬ bawˬ sehˇ lu-ehˇ maˬ ya gʼeh-a. Naw maꞈ kʼoeˇ loꞈ-ehˇ jahˇ naˇ, miˬyehˇ nui deuˬ-ahˇ naw maꞈ uˬ duˬ tahˬ-awˇ, miˇ kʼahˬ kʼoeˇ kʼahˬ laꞈ kʼoeˇ maˬ muiˬ maˬ jaˬ-eu jeˬ byah jiˇ tehꞈ-a.

Uˬ duˬ 20:14

Tsawˇ haˬ tiˬ gʼaˬ na, aˬ ma hawˇ-eu aˬ buˇ tsaˬ-eu zaˬ miˬ zaˬ nyiˬ gʼaˬ luꞈ-ahˇ sheuˬ naˇ, aˬ yawꞈ maꞈ smˇ gʼaˬ luꞈ miˬ dzaˬ-ahˇ dzah puiˆ sehꞈ gaˇ ya daˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ yehˬ bawˬ sehˇ lu-ehˇ dehꞈ-eu meh. Kʼoeˇ loꞈ-ehˇ gʼeh-eu jeˬ naw maꞈ laꞈ kʼoeˇ maˬ ya bi doˆ laˇ-a.

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.

Dawˬmehˬ 22:21

zaˬ miˬ aˬ buˇ kʼoeˇ gʼaˬ-ahˇ aˬ yawꞈ aˬ da-euˬ nymˇ gʼoˆ kʼehˬ-ahˇ aˬ yawꞈ maꞈ sheuˬ gʼeh-awˇ, zaˬ miˬ aˬ buˇ kʼoeˇ gʼaˬ jawˇ-eu meuˬ-ahˇ jawˇ-eu tsawˇ haˬ deuˬ neh kʼaˬ lo ya bi biˬ sehꞈ meh. Zaˬ miˬ aˬ buˇ kʼoeˇ gʼaˬ-aˬ, maˬ mˇ dzaˬ-iˇ mi naˆ-ehˇ, yawˬ ha aˬ da-euˬ nymˇ-ahˇ jawˇ ngeh neh kʼaˬ dzeˇ zaˬ nehˬ-ehˇ yuꞈ taꞈ-eu laꞈ kʼoeˇ, aˬ dui-euˬ tsawˇ jeuˬ laꞈ kʼoeˇ shaꞈ dawˇ-eu jeˬ doˆ laˇ ni mˇ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Yawˇshuˆ 7:15

Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ kʼoeˇ deuˬ yuˇ-euˬ ngaˬ neh laꞈ noeˇ toeˬ-euˬ tsawˇ haˬ kʼoeˇ gʼaˬ-ahˇ, aˬ yawꞈ-euˬ miˬ sawˇ zaˬ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ, miˬ dzaˬ-ahˇ ya dzah puiˆ nehˬ meh. Aˬ jeˬ miˇ neh ehˇ naˇ, guˆ dui dui laˇ paˬ-ehˇ gʼeh-eu shaꞈ dawˇ-eu jeˬ Iˇsaˬleˬlaˆ tsawˇ haˬ kʼoeˇ taˆ keuˆ le ni aˬ yawꞈ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.”

Yawˇshuˆ 7:25

Kʼoeˇ naˇ, “Aˬ jeˬ miˇ neh nawˇ nga maꞈ kʼoeˇ taˆ shaˬ-eu zahˬ-eu jeˬ bi keuˆ le teˬ. Nymˬ-mˇ, Sahˬpaˬ Miˬyehˇ nawˬ-euˬ kʼoeˇ taˆ shaˬ-eu zahˬ-eu jeˬ bi keuˆ le tehꞈ-a” lehˇ, Yawˇshuˆ ehˇ-eu meh. Kʼoeˇ ngeh, tsawˇ haˬ dawˬ tawˆ luꞈ Aˬkaˬ-ahˇ kʼaˬ lo neh biˬ sehꞈ-euˬ meh. Aˬ yawꞈ-euˬ miˬ sawˇ zaˬ deuˬ hawˇ-eu aˬ yawꞈ-euˬ myawˬ gahˬ dawˬ tawˆ luꞈ-ahˇ kʼawꞈ, aˬ yawꞈ maꞈ kʼaˬ lo neh biˬ-awˇ, miˬ dzaˬ dzah puiˆ-euˬ meh.

1 Saˬmeuˬlaˆ 2:17

Eˇliˆ-euˬ aˬ li deuˬ neh mˇ-euˬ iˬ baˇ kʼoeˇ, Sahˬpaˬ Miˬyehˇ mehˬ shi huiˬ dui dui-eu iˬ baˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ nehˬ shehˇ nehˬ-eu jeˬ-ahˇ aˬ yawꞈ maꞈ yehˬ bawˬ sehˇ lu-ehˇ jahˇ-euˬ meh.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.