Uˬ duˬ 20:8 - Akha

⁸ Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, naw maꞈ-ahˇ bi muiˬ bi shawˇ laˇ-eu gʼaˬ pyeuꞈ-eu ma.”

Uˬ duˬ 20:8 ပူးပေါင်းရင်းမြစ်များ

Doˆ-iˇ 31:13

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ gʼaˬ naˬ naˬ-eu aˇ nah pyeuꞈ-eu jawˇ nah ngeh nah, naw maꞈ lah-awˬ daw-awˬ. Aˬ jeˬ miˇ neh ehˇ naˇ, lah-eu daw-eu kʼoeˇ-aˬ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ ngaˬ-euˬ tsawˇ haˬ bi pyeuꞈ laˇ-euˬ gaˇ kawˆ, mˬ maˬ maˬ byaˆ zaˇ ziˇ jiˇ ni saˇ kiˇ pyeuꞈ-eu meh.

Yeˬsaˬgeˬlaˇ 20:12

Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ bi muiˬ bi shawˇ laˇ-euˬ gaˇ kawˆ, ngaˇ hawˇ-eu aˬ yawꞈ maꞈ yaw kaˬ-ahˇ saˇ kiˇ pyeuꞈ ni, jawˇ nah tawˬ-awˇ bi lah bi daw-euˬ ma.

Yeˬsaˬgeˬlaˇ 37:28

Ngaˬ-euˬ Uˬ duˬ tahˬ nymˇ nymˇ ma aˬ yawꞈ maꞈ jawˇ gaˇ mˬ maˬ maˬ byaˆ zaˇ ziˇ bi jaˆ ngeh, Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ tsawˇ jeuˬ-ahˇ ngaˬ-euˬ tsawˇ haˬ bi geuꞈ-eu lehˇ tseˇ doˆ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ siˬ duˬ leˇ tehꞈ-a.”

Uˬ duˬ 19:19

“Ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Aˇ jeuˬ maˬ duˇ leˇ-eu jeˬ zaˬ yaw kaˬ, zaˬ taˬ bi caw taꞈ. Yaˇ tiˬ kawˬ laꞈ kʼoeˇ, maˬ duˇ leˇ-eu siˬ yoeˬ nuiˆ yoeˬ nyiˬ jeˬ taˬ ka keuˬ. Saˬ kahˇ hawˇ-eu yawˇ zaˬ caꞈ hm zaꞈ keuˬ-awˇ, mehˬ tsoeˬ taˬ guꞈ dm.

Uˬ duˬ 19:37

Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ hawˇ-eu, ngaˬ neh dawˬ kʼaˇ biꞈ taˬ-euˬ dawˬ tawˆ luꞈ-ahˇ naˇ haˬ geuꞈ-awˬ. Ngaˇ-aˬ, Sahˬpaˬ Miˬyehˇ ma.”

Uˬ duˬ 20:26

Naw maꞈ-aˬ, ngaˬ-ahˇ tehꞈ-ehˇ taꞈ leˇ-eu muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, yaw muiˬ yaw shawˇ ma. Naw maꞈ ngaˬ-ahˇ tehꞈ-ehˇ taꞈ-eu tsawˇ jeuˬ pyeuꞈ laˇ ni, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ ngaˇ tseˇ doˆ taˬ-euˬ ma.

Uˬ duˬ 21:8

Piˇ ma-aˬ, yaw muiˬ yaw shawˇ meh lehˇ tsawˇ haˬ dawˬ tawˆ luꞈ ya siˬ nya meh. Aˬ jeˬ miˇ neh ehˇ naˇ, aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ-eu tsawˇ haˬ pyeuꞈ-eu meh. Ngaˇ-aˬ, Sahˬpaˬ Miˬyehˇ ma. Ngaˇ-aˬ, muiˬ-eu shawˇ-eu gʼaˬ pyeuꞈ-awˇ, ngaˬ-euˬ tsawˇ haˬ deuˬ-ahˇ bi muiˬ bi shawˇ-eu ma.

Uˬ duˬ 22:32

Ngaˇ-aˬ, Sahˬpaˬ Miˬyehˇ ma. Ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ taˬ gʼeh. Ngaˇ-aˬ, yaw muiˬ yaw shawˇ meh lehˇ, Iˇsaˬleˬlaˆ tsawˇ haˬ dawˬ tawˆ luꞈ siˬ nya-awˬ. Ngaˇ-aˬ, naw maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ ma.

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Maꞈtehˬ 23:17

Myaˆ behꞈ behꞈ-eu aˬ dzawˬ aˇ gah deuˬ-oˇ, aˬ geu jeˬ huiˬ dzehˬ ta. Shuiˇ huiˬ dzehˬ ta loˇ. Shuiˇ-ahˇ Miˬyehˇ gʼaˇ duˬ bi muiˬ bi shawˇ laˇ-euˬ Uˬ duˬ tahˬ nymˇ nymˇ ma huiˬ dzehˬ ta loˇ.

Maꞈtehˬ 5:19

Kʼoeˇ miˇ neh, zahˇ dawˬ kʼoꞈ dawˬ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ dzehˬ-eu tiˬ dawˬ na-ahˇ yawˬ ha maˬ caw teh-eu uˬ taꞈ, aˬ cawˬ maˬ bi caw teh ni mehˬ-eu tsoˆ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ teˬ dui nyiˇ dui dui tehꞈ-a. Ehˇ kʼawꞈ, zahˇ dawˬ kʼoꞈ dawˬ kʼoeˇ deuˬ-euˬ mehˬ nah yawˬ ha caw teh-awˇ, aˬ cawˬ kʼawꞈ caw teh ni mehˬ nehˬ tsoˆ nehˬ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ dzehˬ mahˇ dzehˬ tehꞈ-a.

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

Yaˬkoˆ 1:22

Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.