Uˬ duˬ 2:14 - Akha

¹⁴ Keuˆ beh beh le-euˬ aˇ siˬ aˇ lu deuˬ naw maꞈ yuˇ laꞈ-awˇ, Sahˬpaˬ Miˬyehˇ-ahˇ lawˇ ngeh, cehꞈ nyawˬ lawˇ-awˬ.

Uˬ duˬ 2:14 ပူးပေါင်းရင်းမြစ်များ

Aˇ dahˬ 4:3

Aˇ yamˬ ui cuiˆ myahˇ laˇ ngeh jawˇ, Gaˬiˇnaˆ gʼaˬ, aˬ yawꞈ neh mˇ za shaˇ za-euˬ aˇ siˬ aˇ lu deuˬ yuˇ laꞈ-awˇ, Sahˬpaˬ Miˬyehˇ-ahˇ lawˇ nehˬ-euˬ meh.

2 Sahˬpaˬ 4:42

Yawˬ poˆ yawˬ-aˬ, tsawˇ haˬ tiˬ gʼaˬ Baˬlaˇshaˬliˇshahˬ meuˬ-ahˇ neh Eˇliˇshehˇ jawˇ gaˇ laˇ-awˇ, yehˬ beh beh-euˬ cehˇ neh jahˇ-euˬ kaˬ muˇ nyiˬ tseˇ siˬ hawˇ-eu, keuˆ beh beh le-euˬ cehˇ ui cuiˆ yuˇ laꞈ nehˬ-euˬ meh. “Dzaˇ kʼoeˇ deuˬ yuˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ bi dzaˬ-awˬ” lehˇ, aˬ yawꞈ-euˬ zaˬ kʼaˆ-ahˇ Eˇliˇshehˇ ehˇ nehˬ-euˬ meh.

Uˬ duˬ 2:15

Cehꞈ nyawˬ kʼoeˇ-ahˇ saˬ loˬ tsiˇ keuˬ-awˇ, dzaˇ muiˇ dzaˇ sawˇ dawˆ-awˬ.

Uˬ duˬ 2:16

Saˬ loˬ tsiˇ keuˬ taˬ-euˬ cehꞈ nyawˬ kʼoeˇ deuˬ dawˬ tawˆ luꞈ-euˬ dah zaˇ, piˇ ma gʼaˬ cehꞈ nyawˬ ui cuiˆ yuˇ doˆ-awˇ, dzaˇ muiˇ dzaˇ sawˇ kʼoeˇ deuˬ dawˬ tawˆ luꞈ nehˬ-ehˇ ya keuˬ puiˆ meh. Heu-aˬ, Sahˬpaˬ Miˬyehˇ-ahˇ lawˇ nehˬ-eu dzaˬ dzaˬ dawˇ dawˇ lawˇ-eu jeˬ pyeuꞈ-eu meh.

Uˬ duˬ 22:29

Sahˬpaˬ Miˬyehˇ-euˬ guiˬ lahˬ-ahˇ noeˬ keuˆ-eu lawˇ-eu jeˬ naw maꞈ lawˇ ngeh, bi ha geuꞈ-eu gʼaˇ duˬ, zahˇ sahˇ kʼoꞈ-ahˇ tsaˬ ni mˇ-awˬ.

Uˬ duˬ 23:10

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˇ naw maꞈ-ahˇ biꞈ-euˬ miˇ kʼahˬ-ahˇ naw maꞈ jawˇ keuˆ leˇ-awˇ, cehˇ yehˬ ngeh, yehˬ beh beh-euˬ cehˇ dzahˬ piˇ ma jawˇ gaˇ yuˇ gʼeh-awˇ.

Uˬ duˬ 23:13

Saˬ loˬ tsiˇ keuˬ taˬ-euˬ cehˇ meu nyiˬ pehˬ yuˇ-awˇ, yawˇ kʼoeˇ mawˇ nehˬ-ehˇ tiˬ kawˆ loꞈ-ehˇ, dzaˬ dzaˬ dawˇ dawˇ lawˇ-eu jeˬ naw maꞈ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. Aˬ gaꞈ dzaˇ uiˇ maˇ tsaꞈ tiˬ tsaꞈ dzehˬ ni naw maꞈ ya lawˇ ahˇ meh.

Uˬ duˬ 23:20

Piˇ ma gʼaˬ, kaˬ muˇ hawˇ-eu yawˇ zaˬ kʼoeˇ nyiˬ mawˇ yuˇ-awˇ, piˇ ma deuˬ gʼaˇ duˬ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Lawˇ-eu heu-aˬ, muiˬ-eu shawˇ-eu meh.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Bawˇtsahˬ 28:2

Lawˇ-eu shehˇ-eu gʼaˇ duˬ tsaˬ tsoˆ taˬ-euˬ aˇ yamˬ-ahˇ, Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ aˬ yawꞈ-ahˇ ya lawˇ meh lehˇ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-awˬ.

1 Gawˇliˬtu 15:20

Ehˇ kʼawꞈ, maˇ maˇ ni ehˇ naˇ, Ka li-ahˇ aˬ diˇ aˬ maˇ bi gʼoꞈ dehꞈ laˇ-euˬ meh. Aˬ yawꞈ-ahˇ bi gʼoꞈ dehꞈ laˇ-euˬ kʼoeˇ-aˬ, shiˇ dzeuˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ yaw duˬ yaw ciˇ bi baw laˇ-euˬ meh.

Dawˬmehˬ 26:2

naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.