Uˬ duˬ 2:13 - Akha

¹³ Dzaˬ la gʼo cehˇ lawˇ-eu aˬ geu poˆ maˬ kaˬ, saˬ deuꞈ ya dawˆ meh. Aˬ jeˬ miˇ neh ehˇ naˇ, saˬ deuꞈ-aˬ, naw maꞈ hawˇ-eu Miˬyehˇ-euˬ yaw kaˬ-ahˇ jaˆ-eu dawˬ ma saˇ jaˇ-euˬ dah zaˇ pyeuꞈ-eu meh. Naw maꞈ kʼaˇ lawˇ kʼaˇ shehˇ-eu jeˬ dawˬ tawˆ luꞈ laꞈ kʼoeˇ, saˬ deuꞈ ya bi keuˬ meh.

Uˬ duˬ 2:13 ပူးပေါင်းရင်းမြစ်များ

2 Laˬsaˬbaˬ 13:5

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Daˬbiˇ nehˬ-ehˇ maˬ poˆ maˬ paˇ laˇ nya-eu saˇ jaˇ dzaˬ taꞈ-eu laꞈ kʼoeˇ, Daˬbiˇ hawˇ-eu aˬ yawꞈ-euˬ zaˬ deuˬ uˆ deuˬ Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ ya uˆ lahˇ meh lehˇ ehˇ tsehˆ taˬ-euˬ naw maꞈ maˬ siˬ nya te loˇ.

Eˇzaˬlaˬ 7:22

Pyuˇ nyiˬ heˇ oeˬ tseˇ jawꞈ-i, cehˇ ngaˬ yaˇ daˇ, aˬ gaꞈ dzaˇ uiˇ smˬ heˇ tsaꞈ, saˬ loˬ tsiˇ smˬ heˇ tsaꞈ-ahˇ keuˆ ni hawˇ-eu, saˬ deuꞈ kʼaˇ loˬ-eu myaˆ ni biꞈ-eu gʼaˇ duˬ ngaˇ dawˬ biꞈ-eu ma.

Doˆ-iˇ 30:35

Kʼoeˇ deuˬ yuˇ-awˇ, gʼawˇ mawˇ-ahˇ bi saw-eu tsiˇ yaw saw jeˬ jahˇ-eu loꞈ-ehˇ, doꞈ damˬ-eu yaw saw jeˬ jahˇ doˆ-awˬ. Muiˬ laˇ shawˇ laˇ-awˇ, shawˇ jehˆ ni bi pyeuꞈ-iˇ-eu gʼaˇ duˬ, saˬ deuꞈ ui cuiˆ dawˆ-awˬ.

Yeˬsaˬgeˬlaˇ 43:24

Jeˬ zaˬ kʼoeˇ nyiˬ mawˇ ngaˬ-euˬ mehˬ shi nawˇ ya yuˇ laꞈ meh. Piˇ ma deuˬ jeˬ zaˬ kʼoeˇ nyiˬ mawˇ-ahˇ saˬ deuꞈ byaˆ-awˇ, miˬ dzaˬ dzah puiˆ-awˇ lawˇ-eu jeˬ ngaˬ-ahˇ ya lawˇ meh.

Bawˇtsahˬ 18:19

“Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, ngaˇ biꞈ-eu ma. Heu-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˬ neh dzaˬ taˬ-euˬ, tiˬ jawˇ-iˬ maˬ cawˆ-iˇ nya-eu dawˬ ma saˇ jaˇ pyeuꞈ-eu ma.”

Maꞈtehˬ 5:13

“Naw maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ saˬ deuꞈ pyeuꞈ-eu meh. Ehˇ kʼawꞈ, saˬ deuꞈ kʼoeˇ saˬ ca taˆ-eu byoˆ-iˇ naˇ, aˬ joˆ-ehˇ paˇ taˆ laˇ nya nmˇ. Miˇ tsa tahˬ dzeh-awˇ, tsawˇ haˬ nawˬ nawˬ-ehˇ bi cah-eu uˬ taꞈ, aˬ jeˬ gaˇ dahˇ paˇ tsoeˬ nmˇ.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.