Uˬ duˬ 2:11 - Akha

¹¹ Dzaˬ la gʼo cehˇ lawˇ gaˇ taꞈ leˇ-eu lawˇ-eu jeˬ Sahˬpaˬ Miˬyehˇ-ahˇ naw maꞈ aˬ geu jeˬ lawˇ nehˬ-eu maˬ kaˬ, dehˬ tseˬ maˬ ya bi keuˬ-a. Aˬ jeˬ miˇ neh ehˇ naˇ, dehˬ tseˬ maˬ ehˇ, byaˬ byaˬ uiˇ maˬ ehˇ, miˬ dzaˬ-ahˇ puiˆ-awˇ Sahˬpaˬ Miˬyehˇ-ahˇ maˬ lawˇ nehˬ kʼmˬ-a.

Uˬ duˬ 2:11 ပူးပေါင်းရင်းမြစ်များ

Doˆ-iˇ 23:18

“Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ-eu kaˬ muˇ maˬ ya lawˇ ahˇ-a. Bawˬ-iˬ heu smˇ hmˬ laꞈ kʼoeˇ, naw maꞈ neh ngaˬ-ahˇ lawˇ-euˬ jeˬ zaˬ deuˬ-euˬ tsiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Doˆ-iˇ 29:25

Kʼoeˇ naˇ, aˬ yawꞈ maꞈ yuˇ luꞈ-eu kʼoeˇ deuˬ yuˇ doˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ taˬ-euˬ kʼoeˇ taˆ lawˇ daˆ gʼeh-awˬ. Lawˇ-eu heu jeˬ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ ngaˇ nui ma tsaˬ-eu meh.

Doˆ-iˇ 34:25

“Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ taˬ-euˬ kaˬ muˇ maˬ ya lawˇ-a. Baˬsaˬkaˬ Bawˬ-iˬ gʼeh gaˇ sehꞈ-euˬ jeˬ zaˬ-euˬ shaˬ jiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Dawqdaq 24:13

Ngaˬ li-oˇ, byaˬ byaˬ uiˇ dzaˬ-awˬ. Yaw kuiˇ meh. Byaˬ byaˬ yaˆ-ahˇ dahˬ-eu byaˬ uiˇ nawˬ-eu mehˬ laˇ-ahˇ coeˇ dui dui meh.

Dawqdaq 25:16

Byaˬ byaˬ uiˇ-ahˇ loˬ-eu naˆ maˬ tseˇ maˬ ya dzaˬ-a.

Dawqdaq 25:27

Byaˬ byaˬ uiˇ dzaˬ myaˬ naˇ uˬ pehꞈ doˆ le-eu loꞈ-ehˇ, aˬ cawˬ bi ja ceuˬ-eu gʼaˇ duˬ leh jeh-eu jeˬ yaw muiˬ maˬ ngeuˇ-a.

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 6:10

Kʼoeˇ naˇ, shawˇ jehˆ ni gʼeh-eu pehˇ kʼahˬ pehˇ mahˇ hawˇ-eu, laꞈ kʼoeˇ dm-eu mehˬ tsoeˬ deuˬ-ahˇ piˇ ma gʼaˬ dm-awˇ, lawˇ duˬ kʼoeˇ taˆ jaˆ-eu tsiˇ lehꞈ-eu kʼaˬ lehˇ deuˬ-ahˇ, lawˇ duˬ gaˇ dzeˇ ya tawˆ taˬ meh.

Maꞈtehˬ 16:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Paˬliˬsehˇ hawˇ-eu Saˬduˬgehˇ deuˬ-euˬ dehˬ tseˬ-ahˇ yaw kʼaˆ kʼaˆ-ehˇ yahˇ-awˬ.”

Maˬkuˆ 8:15

Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gaˬlaˬtiˆ 5:9

“Cehˇ meu tiˬ tsmˇ tsmˇ lah-ehˇ bi poˬ laˇ-eu gʼaˇ duˬ dehˬ tseˬ ui cuiˆ tehꞈ-ehˇ ya dawˆ-eu meh” lehˇ ehˇ taˬ-euˬ meh.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.