Uˬ duˬ 2:10 - Akha

¹⁰ Dzehˬ laˇ-euˬ kaˬ muˇ deuˬ-ahˇ piˇ ma deuˬ ya geuꞈ meh. Kaˬ muˇ kʼoeˇ-aˬ, Sahˬpaˬ Miˬyehˇ-ahˇ lawˇ gʼaˬ-euˬ dzaˇ pyeuꞈ-eu miˇ neh, muiˬ dui shawˇ dui dui-eu meh.

Uˬ duˬ 2:10 ပူးပေါင်းရင်းမြစ်များ

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Yeˬsaˬgeˬlaˇ 44:29

Dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu, dziˇ dzoˆ tsoeˬ-eu lawˇ-eu jeˬ-aˬ, piˇ ma deuˬ-ahˇ oꞈ-eu dzaˇ pyeuꞈ-awˇ, Iˇsaˬleˬlaˆ miˇ kʼahˬ laꞈ kʼoeˇ ngaˬ-ahˇ kʼaˇ damˬ taˬ-eu jeˬ dawˬ tawˆ luꞈ, aˬ yawꞈ maꞈ-ahˇ oꞈ-eu meh.

Yeˬsaˬgeˬlaˇ 46:20

Aˬ yawꞈ ehˇ-eu, “Heu tsahˇ-aˬ, iˬ baˇ shawˇ-eu lawˇ-eu jeˬ hawˇ-eu, dziˇ dzoˆ tsoeˬ-eu lawˇ-eu jeˬ gʼaˇ duˬ, piˇ ma deuˬ shaˬ jiˇ kʼoeˇ gaˇ caꞈ-awˇ, dzaˬ la gʼo cehˇ lawˇ-eu jeˬ-ahˇ kʼoeˇ gaˇ ba jaꞈ-eu meh. Muiˬ-eu shawˇ-eu jeˬ laꞈ nyiˇ pu kaˬ-ahˇ yuˇ nyawˬ gʼeh-awˇ, miˇ kʼahˬ zaˬ deuˬ-ahˇ maˬ bi guˬ leˇ-eu gʼaˇ duˬ, aˬ yawꞈ maꞈ kʼoeˇ gaˇ caꞈ-eu meh.”

Uˬ duˬ 10:12

Aˬloˬ hawˇ-eu aˬ yawꞈ-euˬ aˬ li deuˬ laꞈ kʼoeˇ maˬ shiˇ ni dzeˇ-eu Eˇlaˬzaˬ hawˇ-eu Iˇdaˬmaˬ-ahˇ, Moˇseˬ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ-ahˇ lawˇ-eu dzaˬ dzaˬ dawˇ dawˇ deuˬ laꞈ kʼoeˇ, dzehˬ laˇ-euˬ dzaˬ la gʼo cehˇ lawˇ-eu jeˬ kʼoeˇ yuˇ-awˇ, dehˬ tseˬ maˬ ahˇ-eu kaˬ muˇ jahˇ-awˇ lawˇ duˬ-euˬ dawˬ peh jawˇ-awˇ dzaˬ-awˬ. Aˬ jeˬ miˇ neh ehˇ naˇ, lawˇ-eu jeˬ kʼoeˇ-aˬ, muiˬ dui shawˇ dui dui-eu meh.

Uˬ duˬ 14:13

Iˬ baˇ shawˇ-eu lawˇ-eu jeˬ lawˇ gaˇ hawˇ-eu, miˬ dzaˬ dzah puiˆ-awˇ lawˇ-eu jeˬ lawˇ gaˇ geuꞈ-eu jeˬ zaˬ deuˬ sehꞈ-eu muiˬ-eu shawˇ-eu jawˇ duˬ kʼoeˇ tsahˇ-ahˇ, yawˇ zaˬ kʼoeˇ mawˇ-ahˇ ya sehꞈ meh. Kʼoeˇ loꞈ-ehˇ aˬ yawꞈ ya jahˇ meh. Aˬ jeˬ miˇ neh ehˇ naˇ, dziˇ dzoˆ tsoeˬ-eu lawˇ-eu jeˬ kʼoeˇ-aˬ, iˬ baˇ shawˇ-eu lawˇ-eu jeˬ loꞈ-ehˇ, piˇ ma-ahˇ oꞈ-eu shaˬ bymˇ pyeuꞈ-awˇ, muiˬ dui shawˇ dui dui-eu meh.

Uˬ duˬ 2:3

Dzehˬ laˇ-euˬ cehˇ meu deuˬ-ahˇ, piˇ ma deuˬ ya geuꞈ meh. Cehˇ meu kʼoeˇ-aˬ, Sahˬpaˬ Miˬyehˇ-ahˇ lawˇ nehˬ gʼaˬ-euˬ baˬ da neh, muiˬ dui shawˇ dui dui-eu meh.

Uˬ duˬ 21:22

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, ngaˬ-ahˇ lawˇ nehˬ-euˬ muiˬ-eu shawˇ-eu dzaˇ maˬ ehˇ, muiˬ dui shawˇ dui dui-eu dzaˇ maˬ ehˇ, dzaˬ nya meh.

Uˬ duˬ 5:13

Kʼoeˇ loꞈ-ehˇ, tsawˇ haˬ kʼoeˇ gʼaˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh. Dzaˬ la gʼo cehˇ lawˇ ngeh loꞈ-ehˇ, dzehˬ laˇ-euˬ cehˇ meu kʼoeˇ deuˬ piˇ ma gʼaˬ ya geuꞈ-eu meh.

Uˬ duˬ 6:16

Dzehˬ laˇ-euˬ deuˬ-ahˇ, Aˬloˬ hawˇ-eu aˬ yawꞈ-euˬ aˬ li deuˬ ya dzaˬ meh. Cehˇ meu kʼoeˇ neh, dehˬ tseˬ maˬ keuˬ-eu kaˬ muˇ jahˇ-awˇ, Sahˬpaˬ Miˬyehˇ jawˇ-eu sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh.

Uˬ duˬ 6:23

Piˇ ma neh dzaˬ dzaˬ dawˇ dawˇ lawˇ-euˬ dzaˇ kʼoeˇ ma ya dzaˬ-a. Dawˬ tawˆ luꞈ ya dzah puiˆ jiˇ meh.

Uˬ duˬ 6:9

Miˬ dzaˬ-ahˇ dzah puiˆ-awˇ lawˇ-eu jeˬ ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-awˬ. Miˬ dzaˬ dzah puiˆ-awˇ lawˇ-eu jeˬ kʼoeˇ, lawˇ duˬ kʼoeˇ taˆ uˬ ciꞈ miˇ lah-ehˇ bi jaˆ-awˇ miˬ dzaˬ maˬ ya bi miˆ tsehˆ-a.

Uˬ duˬ 7:7

Iˬ baˇ shawˇ-eu lawˇ-eu hawˇ-eu, dziˇ dzoˆ tsoeˬ-eu lawˇ-eu heu nyiˬ jeˬ luꞈ-ahˇ taꞈ leˇ-eu zahˇ sahˇ kʼoꞈ tiˬ hmˬ jaˆ-eu meh. Lawˇ-eu shehˇ-eu jeˬ mˇ nehˬ-eu piˇ ma gʼaˬ, lawˇ gaˇ shehˇ gaˇ sehꞈ-euˬ jeˬ zaˬ shaˬ jiˇ ya geuꞈ meh.

Bawˇtsahˬ 18:9

Lawˇ duˬ kʼoeˇ taˆ maˬ dzah puiˆ-euˬ muiˬ dui shawˇ dui dui-eu lawˇ-eu jeˬ laꞈ kʼoeˇ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ heu deuˬ-aˬ, nawˬ-ahˇ oꞈ-eu shaˬ bymˇ pyeuꞈ-eu meh. Ngaˇ jawˇ gaˇ kʼaˇ yuˇ laꞈ-euˬ muiˬ-eu shawˇ-eu lawˇ-eu jeˬ dawˬ tawˆ luꞈ, nawˇ hawˇ-eu nawˬ li deuˬ-ahˇ oꞈ-eu shaˬ bymˇ pyeuꞈ-eu meh.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.