Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Uˬ duˬ 19:7 - Akha

7 Aˬ jeˬ miˇ neh ehˇ naˇ, shaˬ jiˇ kʼoeˇ-aˬ, maˬ shawˇ-eu shaˬ jiˇ pyeuꞈ-iˇ-euˬ meh. Tsawˇ haˬ tiˬ gʼaˬ na shaˬ jiˇ kʼoeˇ dzaˬ naˇ, lawˇ-eu jeˬ-ahˇ ngaˇ maˬ paˇ ha geuꞈ nya meh.

အခန်းကိုကြည့်ပါ။ ကော်ပီ




Uˬ duˬ 19:7
9 ပူးပေါင်းရင်းမြစ်များ  

Gaˇ dahˇ maˬ tsoeˬ-eu lawˇ-eu shehˇ-eu jeˬ taˬ paˇ yuˇ laꞈ. Tsiˇ yaw saw jeˬ doꞈ damˬ gaˇ ngaˇ nui daˆ daˆ nya. Naw maꞈ la shuiꞈ lah-eu, jawˇ nah tawˬ-eu, yaw bui bui-eu, iˬ baˇ mˇ-eu uiˬ leˇ bymˇ leˇ gaˇ duˇ-awˇ, ngaˬ-ahˇ maˬ haw nahˇ nya.


Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.


“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.


Shiˇ taˬ-euˬ tsawˇ haˬ loꞈ-ehˇ saꞈ maˬ gʼawˇ nya-eu tahˬ pahˬ aˬ ma mawˇ kawˇ deuˬ neh ngaˬ-euˬ miˇ kʼahˬ-ahˇ aˬ yawꞈ maꞈ laˆ jawꞈ-awˇ, maˬ ngeuˇ-eu miˬ yehˇ deuˬ hehˇ byah leꞈ taˬ-euˬ miˇ neh, aˬ yawꞈ maꞈ neh mˇ-euˬ iˬ baˇ aˇ poeˬ aˬ yawꞈ maꞈ-ahˇ ngaˇ nyiˬ bymˇ paˇ kʼehˬ poˆ nehˬ ma.”


Jeˬ zaˬ kʼoeˇ mawˇ sehꞈ ngeh nah maˬ ngeuˇ naˇ, yawˬ nah yawˬ laꞈ kʼoeˇ, jeˬ zaˬ kʼoeˇ mawˇ-euˬ shaˬ jiˇ deuˬ ya dzaˬ jiˇ meh. Smˬ nah jaˆ keuˆ-euˬ shaˬ jiˇ deuˬ ya keuˬ dzeh jiˇ meh.


Shaˬ jiˇ kʼoeˇ dzaˬ-eu tsawˇ haˬ iˬ baˇ ahˇ-eu meh. Aˬ jeˬ miˇ neh ehˇ naˇ, ngaˬ-ahˇ damˬ gʼaˬ-eu yaw muiˬ yaw shawˇ jeˬ-ahˇ, maˬ muiˬ maˬ shawˇ-eu jeˬ loꞈ-ehˇ sawˇ-awˇ dzaˬ-euˬ meh. Tsawˇ haˬ kʼoeˇ gʼaˬ-ahˇ, ngaˬ-euˬ tsawˇ haˬ lehˇ maˬ paˇ sawˇ nehˬ nya meh.


Nui ma keuˆ-eu miˇ neh lawˇ-eu jeˬ naw maꞈ lawˇ ngeh, maˬ loˆ-eu jeˬ zaˬ deuˬ hawˇ-eu, aˇ sehˇ maˬ byah-eu jeˬ zaˬ deuˬ geuꞈ nya meh. Ehˇ kʼawꞈ, saˇ jaˇ dzaˬ-eu laꞈ kʼoeˇ lawˇ-eu jeˬ lawˇ ngeh, kʼoeˇ loꞈ-ehˇ gʼeh-eu jeˬ zaˬ deuˬ maˬ geuꞈ nya-a.


Dzaˬ dzaˬ dawˇ dawˇ lawˇ-eu jeˬ lawˇ ngeh, boeˇ miˬ siˬ kʼaˬ deuˬ-euˬ laꞈ-ahˇ neh doˆ le-euˬ jeˬ zaˬ maˬ geuꞈ kʼmˬ-a. Kʼoeˇ loꞈ-ehˇ gʼeh-eu jeˬ zaˬ-aˬ, iˬ baˇ taˬ kʼaˇ za-eu maˬ geuꞈ kʼmˬ-eu jeˬ zaˬ pyeuꞈ-eu meh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ