Uˬ duˬ 19:4 - Akha

⁴ “Ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ deuˬ-ahˇ naw maꞈ uˬ duˬ taˬ tahˬ. Shmˇ, shuiˇ, pyuˇ, kʼoeˇ loꞈ-ehˇ gʼeh-eu deuˬ neh miˬ yehˇ mawˇ kawˇ tehˆ-awˇ, uˬ duˬ taˬ tahˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 19:4 ပူးပေါင်းရင်းမြစ်များ

1 Sahˬpaˬ 14:9

Nawˬ-euˬ mehˬ hu sahˬ paˬ geuꞈ dzeuˇ yaꞈ-euˬ deuˬ neh mˇ-euˬ iˬ baˇ naˆ maˬ tseˇ, huiˬ dui dui-eu iˬ baˇ nawˇ mˇ-euˬ meh. Nawˇ ngaˬ-ahˇ byehˇ dzeh-awˇ, miˬ yehˇ nui deuˬ hawˇ-eu tahˬ pahˬ aˬ ma mawˇ kawˇ deuˬ tehˆ-awˇ uˬ duˬ tahˬ-eu laꞈ kʼoeˇ, ngaˇ nui ma pehˇ ni mˇ-euˬ meh.

1 Laˬsaˬbaˬ 16:26

Aˬ cawˬ tsawˇ jeuˬ-euˬ miˬ yehˇ deuˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui Sahˬpaˬ Miˬyehˇ, mˬ beh beh-euˬ mˬ sahˇ gʼaˬ meh.

2 Laˬsaˬbaˬ 28:2

Ehˇ kʼawꞈ, Iˇsaˬleˬlaˆ sahˬ paˬ deuˬ-ahˇ aˬ yawꞈ dzaw geuꞈ-eu uˬ taꞈ, Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ tehˆ-euˬ meh.

Jaceuq 96:5

Aˬ cawˬ tsawˇ jeuˬ-euˬ miˬyehˇ deuˬ-aˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui-euˬ Sahˬpaˬ Miˬyehˇ-aˬ, mˬ beh-euˬ yaw sahˇ gʼaˬ meh.

Doˆ-iˇ 20:23

Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.

Doˆ-iˇ 32:4

Shuiˇ naˬ yoˆ kʼoeˇ deuˬ aˬ yawꞈ puiˆ guiˇ-awˇ, mawˇ neˇ mawˇ gaw mawˇ kawˇ kʼaˇ-euˬ meh. Kʼoeˇ ngeh, “Iˇsaˬleˬlaˆ tsawˇ haˬ deuˬ-oˇ, heu-aˬ, Iˇjiˇtuˆ miˇ kʼahˬ laꞈ kʼoeˇ neh aˬ dui-ahˇ sheuˬ doˆ nehˬ laꞈ-euˬ aˬ dui-euˬ miˬ yehˇ meh” lehˇ aˬ yawꞈ maꞈ ehˇ-eu meh.

Doˆ-iˇ 34:17

“Naw maꞈ tahˬ pahˬ aˬ ma mawˇ kawˇ tehˆ-awˇ uˬ duˬ maˬ ya tahˬ-a.

Uˬ duˬ 11:44

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma.

Uˬ duˬ 19:25

Ehˇ kʼawꞈ, ngaˬ kʼoꞈ tiˬ kʼoꞈ keuˆ laˇ ngeh, aˇ siˬ aˇ lu kʼoeˇ deuˬ naw maꞈ dzaˬ nya tehꞈ-a. Naw maꞈ kʼoeˇ loꞈ-ehˇ jahˇ ngeh, aˇ siˬ aˇ lu za dzehˬ le-eu gaˇ ya mawˇ tehꞈ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 19:5

“Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ, naw maꞈ jeˬ zaˬ sehꞈ ngeh, ngaˬ neh biꞈ taˬ-euˬ zahˇ sahˇ kʼoꞈ-ahˇ tsaˬ ni mˇ-awˬ. Kʼoeˇ loꞈ-ehˇ jahˇ naˇ, naw maꞈ neh lawˇ-euˬ jeˬ-ahˇ ngaˇ ha geuꞈ ma.

Uˬ duˬ 26:1

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Haˬgaiˇ 2:18

Iˬ nah ba la gʼoeˬ siˬ tiˬ siˬ nyiˬ tseˇ oeˬ nah heu nah-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ gʼaˬ-euˬ aˇ nah meh. Iˬ nah neh dahˬ beh-awˇ, mehˬ hu paw aˬ joˆ-ehˇ pyeuꞈ laˇ nga lehˇ haw taˬ-awˬ.

1 Gawˇliˬtu 10:14

Kʼoeˇ miˇ neh, ngaˇ gaˬ-eu aˬ yuiꞈ aˬ nyiˇ Ka li zaˬ deuˬ-oˇ, tahˬ pahˬ aˬ ma mawˇ kawˇ-ahˇ uˬ duˬ maˬ tahˬ ni yahˇ-awˬ.

Dawˬmehˬ 27:15

“ ‘Kʼaˬ lo neh maˬ ehˇ, daˇ kawˬ neh maˬ ehˇ, shmˇ, shuiˇ, pyuˇ, guiˬ shuiˇ, heu deuˬ neh maˬ ehˇ, tahˬ pahˬ aˬ ma mawˇ kawˇ tehˆ-awˇ uˬ duˬ tahˬ kʼoeˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ-ahˇ Sahˬpaˬ Miˬyehˇ maˬ haw nahˇ-a’ lehˇ guˇ-awˇ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

1 Yoˇhaˬ 5:21

Ngaˇ gaˬ dui dui-eu zaˬ deuˬ-oˇ, maˬ ngeuˇ-eu miˬ yehˇ deuˬ jawˇ paw maˬ ya pyawˇ-iˇ ni, yawˬ haˇ yawˬ ha yahˇ dui dui-awˬ.