Uˬ duˬ 17:8 - Akha

⁸ Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, miˬ dzaˬ dzah puiˆ-awˇ lawˇ-eu jeˬ maˬ ehˇ, yawˬ jeˬ yawˬ lawˇ-eu jeˬ maˬ ehˇ,

Uˬ duˬ 17:8 ပူးပေါင်းရင်းမြစ်များ

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Uˬ duˬ 17:9

Sahˬpaˬ Miˬyehˇ-ahˇ lawˇ nehˬ ngeh, Sehˬ gʼawˆ gʼoˆ kʼehˬ-ahˇ maˬ lawˇ-ehˇ yawˬ gaˇ yawˬ lawˇ naˇ, tsawˇ haˬ kʼoeˇ gʼaˬ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Uˬ duˬ 3:7

Tsawˇ haˬ tiˬ gʼaˬ yawˇ lawˇ nehˬ naˇ,

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Yawˇshuˆ 22:11

“Haw sheˇ. Luˇbeˬ tsawˇ jeuˬ, Gaˆ tsawˇ jeuˬ hawˇ-eu nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, Yawˇdaˬ lawˇ baˬ heu paw baˬ-ahˇ, aˬ dui jawˇ-eu paw jaˆ-eu Geˬliˇlawˆ meuˬ-ahˇ, huiˬ dui dui-eu lawˇ duˬ tiˬ hmˬ gawˬ taˬ-euˬ ngaˇ” lehˇ ehˇ gaˇ, Iˇsaˬleˬlaˆ tsawˇ haˬ deuˬ ya gaˬ-euˬ meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.

Yawˇshuˆ 22:16

Sahˬpaˬ Miˬyehˇ-euˬ tsawˇ haˬ aˇ maꞈ aˇ muˇ dawˬ tawˆ luꞈ-euˬ dah zaˇ, aˬ yawꞈ maꞈ heu loꞈ-ehˇ ehˇ-eu meh. “Aˬ jeˬ miˇ neh Iˇsaˬleˬlaˆ-euˬ Miˬyehˇ mehˬ shi heu loꞈ-ehˇ gʼeh-eu maˬ muiˬ maˬ jaˬ-eu jeˬ naw maꞈ mˇ yaꞈ teˬ. Naw maꞈ yawˬ ha gʼaˇ duˬ lawˇ duˬ heu hmˬ gawˬ-euˬ laꞈ kʼoeˇ, Sahˬpaˬ Miˬyehˇ-ahˇ puiˬ-euˬ meh. Aˬ yawꞈ-euˬ mehˬ nah naw maꞈ maˬ caw teh-a.

Yaˇ kʼaˬ daˇ 6:26

Kʼaˬ lo heu siˬ kʼoeˇ taˆ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, ziꞈ dah ni gʼeh-eu lawˇ duˬ tiˬ hmˬ gawˬ-awˬ. Kʼoeˇ naˇ, nawˬ neh deuˆ pyaˆ-euˬ Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ kʼoeˇ miˬ dzaˬ geuꞈ-awˇ, mawˇ neˇ mawˇ gaw nyiˬ mawˇ tiˬ mawˇ yuˇ-awˇ, lawˇ duˬ kʼoeˇ hmˬ kʼoeˇ taˆ mawˇ lah-ehˇ dzah puiˆ-awˇ lawˇ-awˬ.”

1 Saˬmeuˬlaˆ 10:8

Giˇlaˇgaˬlaˇ meuˬ-ahˇ, ngaˬ-euˬ mehˬ hu nawˇ iˇ tawˬ-awˬ. Nawˬ-ahˇ ngaˇ kʼoeˇ gaˇ tahˬ puˬ le-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ lawˇ ma. Nawˇ jawˇ gaˇ ngaˇ oe-awˇ, aˬ joˆ-ehˇ ya jahˇ-eu gaˇ kawˆ maˬ ehˇ nehˬ le kʼoeˇ keuˆ ni, shiꞈ nah keuˆ ni kʼoeˇ gaˇ dawˬ tawˬ-awˬ.”

1 Saˬmeuˬlaˆ 16:2

Saˬmeuˬlaˆ ehˇ-eu, “Ngaˇ teu loꞈ-ehˇ aˬ joˆ-ehˇ mˇ nya nmˇ. Gaˇ kawˆ kʼoeˇ Sawˇluˆ ya gaˬ naˇ, ngaˬ-ahˇ sehꞈ laˇ tehꞈ-a.” Sahˬpaˬ Miˬyehˇ ehˇ-eu, “Nawˇ mawˇ neˇ mawˇ kʼaˇ zaˬ tiˬ mawˇ tsahˇ gʼeh-awˇ, Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ ma lehˇ ehˇ nehˬ-awˬ.

1 Saˬmeuˬlaˆ 7:9

Saˬmeuˬlaˆ yawˇ zaˬ tiˬ mawˇ sehꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ bi caw ba-eu gʼaˇ duˬ Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-euˬ meh.