Uˬ duˬ 17:6 - Akha

⁶ Piˇ ma gʼaˬ jeˬ zaˬ-euˬ shiˬ yuˇ-awˇ, Sehˬ gʼawˆ-euˬ gʼoˆ kʼehˬ-ahˇ jaˆ-eu lawˇ duˬ-ahˇ ya byaˆ shehˬ meh. Kʼoeˇ naˇ, Sahˬpaˬ Miˬyehˇ nui ma tsaˬ-eu yaw saꞈ bi doˆ laˇ-eu gʼaˇ duˬ, jeˬ zaˬ-euˬ tsiˇ yuˇ-awˇ, miˬ dzaˬ-ahˇ ya dzah puiˆ meh.

Uˬ duˬ 17:6 ပူးပေါင်းရင်းမြစ်များ

Doˆ-iˇ 29:13

Kʼoeˇ naˇ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, yuˇ-awˇ, lawˇ duˬ kʼoeˇ taˆ puiˇ-awˇ, ngaˬ-ahˇ lawˇ-awˬ.

Doˆ-iˇ 29:18

Yawˇ kʼoeˇ mawˇ mawˇ lah-ehˇ, lawˇ duˬ kʼoeˇ taˆ puiˆ-awˬ. Heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, lawˇ-euˬ yaw saꞈ kʼoeˇ-ahˇ ngaˇ nui ma tsaˬ-eu ma.

Yeˬsaˬgeˬlaˇ 44:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ byehˇ dzeh ngeh, Leˬbiˇ tsawˇ jeuˬ laꞈ kʼoeˇ Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ, ngaˬ-ahˇ saˇ jaˇ ziꞈ-eu laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-euˬ meh. Kʼoeˇ miˇ neh, aˬ yawꞈ maꞈ-ahˇ ngaˇ jawˇ gaˇ bi uˇ laˇ-awˇ, shaˬ tsuˇ hawˇ-eu shiˬ lawˇ-eu gaˇ bi mˇ ma.

Uˬ duˬ 17:5

Zahˇ sahˇ kʼoꞈ heu hmˬ-euˬ dawˬ tsuiꞈ-aˬ, heu loꞈ-ehˇ meh. Aˇ hu aˇ nah Iˇsaˬleˬlaˆ tsawˇ haˬ deuˬ jeˬ zaˬ sehꞈ ngeh, yawˬ ha kʼaˇ sehꞈ mawꞈ gaˇ sehꞈ-euˬ kʼawꞈ, nymˬ-mˇ kʼoeˇ loꞈ-ehˇ maˬ sehꞈ ni, Sahˬpaˬ Miˬyehˇ jawˇ gaˇ ya tsahˇ laꞈ meh. Aˬ kaˇ naˇ, aˬ yawꞈ maꞈ-euˬ jeˬ zaˬ-ahˇ, piˇ ma jawˇ gaˇ, Sehˬ gʼawˆ-euˬ gʼoˆ kʼehˬ-ahˇ tsahˇ laꞈ-awˇ, cawˬ cawˬ taꞈ-eu lawˇ-eu jeˬ loꞈ-ehˇ ya sehꞈ meh.

Uˬ duˬ 3:11

Aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ, heu deuˬ dawˬ tawˆ luꞈ-ahˇ lawˇ duˬ kʼoeˇ taˆ dzah puiˆ-awˇ, dzaˬ dzaˬ dawˇ dawˇ lawˇ-eu jeˬ Sahˬpaˬ Miˬyehˇ-ahˇ ya lawˇ meh.

Uˬ duˬ 3:13

ciꞈ myehꞈ kʼoeˇ mawˇ-euˬ uˬ duˬ-ahˇ aˬ yawꞈ-euˬ aˬ laꞈ baꞈ daˆ-awˇ, Sahˬpaˬ Miˬyehˇ jawˇ-eu Sehˬ gʼawˆ-euˬ mehˬ shi ciꞈ myehꞈ kʼoeˇ mawˇ ya sehꞈ meh. Piˇ ma deuˬ ciꞈ myehꞈ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ pyawˬ luꞈ-ahˇ ya byaˆ meh.

Uˬ duˬ 3:16

Sahˬpaˬ Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, heu deuˬ dawˬ tawˆ luꞈ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ dzah puiˆ-awˇ ya lawˇ meh. Shaˬ tsuˇ dawˬ tawˆ luꞈ, Sahˬpaˬ Miˬyehˇ-euˬ pyeuꞈ-eu meh.

Uˬ duˬ 3:2

Mawˇ neˇ kʼoeˇ mawˇ-euˬ uˬ duˬ-ahˇ tsawˇ haˬ kʼoeˇ gʼaˬ aˬ laꞈ baꞈ daˆ-awˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, mawˇ neˇ kʼoeˇ mawˇ ya sehꞈ meh. Aˬloˬ-euˬ aˬ li piˇ ma deuˬ mawˇ neˇ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ ya byaˆ meh.

Uˬ duˬ 3:5

Heu deuˬ-ahˇ piˇ ma yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ nehˬ-ehˇ ya lawˇ keuˬ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 3:8

yawˇ kʼoeˇ mawˇ-euˬ uˬ duˬ-ahˇ aˬ yawꞈ-euˬ aˬ laꞈ baꞈ daˆ-awˇ, sehˬ gʼawˆ-euˬ mehˬ shi yawˇ kʼoeˇ mawˇ-ahˇ ya sehꞈ meh. Piˇ ma deuˬ yawˇ kʼoeˇ mawˇ-euˬ shiˬ yuˇ-awˇ, lawˇ duˬ oeˬ paw pyawˬ luꞈ-ahˇ ya byaˆ meh.

Uˬ duˬ 4:31

Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ deuˬ yuˇ doˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ ni, ciꞈ myehꞈ kʼoeˇ mawˇ-ahˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.

Bawˇtsahˬ 18:17

Ehˇ kʼawꞈ, gʼaw beh beh-euˬ mawˇ neˇ mawˇ zaˬ, yawˇ zaˬ hawˇ-eu ciꞈ myehꞈ ciꞈ zaˬ heu deuˬ-ahˇ maˬ ya zeuˇ kʼoꞈ geuꞈ-a. Kʼoeˇ deuˬ-aˬ, maˇ maˇ ni ngaˬ-euˬ pyeuꞈ-awˇ, ngaˬ-ahˇ ya lawˇ meh. Jeˬ zaˬ kʼoeˇ deuˬ-euˬ shiˬ neh lawˇ duˬ-ahˇ byaˆ shehˬ-awˇ, tsiˇ deuˬ yuˇ-awˇ, ngaˇ nui ma tsaˬ-eu yaw saꞈ bi doˆ laˇ-eu dzaˬ dzaˬ dawˇ dawˇ lawˇ-eu jeˬ ya lawˇ meh.