Uˬ duˬ 17:13 - Akha

¹³ Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, bawˇ cah cah-awˇ, bawˇ tsahˬ jeˬ zaˬ aˇ jiˇ yaw shawˇ jeˬ tiˬ mawˇ na mi naˇ, jeˬ zaˬ aˇ jiˇ kʼoeˇ-euˬ shiˬ miˇ tsaˬ-ahˇ ya bi yoeˇ dzeh-awˇ, ya beuˬ pahˬ yaꞈ meh.

Uˬ duˬ 17:13 ပူးပေါင်းရင်းမြစ်များ

Yawˇbaˆ 16:18

Miˇ tsaˬ tahˬ kʼawˇ-oˇ, ngaˬ-euˬ kʼoeˇ taˆ mˇ lehˬ laꞈ-euˬ jeˬ-ahˇ taˬ zaꞈ taˬ. Yaw tsaˬ yaw dawˇ jeˬ bi keuˆ le-awˬ lehˇ ngaˬ neh guˇ-euˬ dawˬ taˬ bi byoˆ-iˇ nehˬ laꞈ.

Dawqdaq 6:26

Meh maˬ laˇ-ahˇ kaˬ muˇ tiˬ siˬ biꞈ-awˇ ja juˬ nya kʼawꞈ, aˬ cawˬ aˬ ma nawˬ-euˬ uˬ kʼawˇ poeˬ gaˇ taˬ ngehˇ.

Yeˬsaˬgeˬlaˇ 24:7

Meuˬ laꞈ kʼoeˇ tsawˇ haˬ sehꞈ-awˇ, nyiꞈ-iˇ byoˆ-iˇ nya-eu miˇ tsaˬ kʼaˬ lehˇ kʼoeˇ taˆ shiˬ maˬ yoeˇ kʼaˇ-ehˇ, kʼaˬ lo uˬ du yoeˇ daˆ taˬ-euˬ meh.

Uˬ duˬ 17:12

Kʼoeˇ miˇ neh, aˬ yawꞈ maꞈ maˬ ehˇ, aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ-iˬ shiˬ ma dzeˇ-eu shaˬ jiˇ maˬ ya dzaˬ-a lehˇ Iˇsaˬleˬlaˆ tsawˇ haˬ-ahˇ Sahˬpaˬ Miˬyehˇ dawˬ biꞈ taˬ-euˬ meh.

Uˬ duˬ 7:26

Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-eu maˬ kaˬ, aˇ jiˇ hawˇ-eu jeˬ zaˬ-euˬ shiˬ aˬ yawꞈ maꞈ maˬ ya jahˇ dzaˬ-a.

Dawˬmehˬ 12:16

Ehˇ kʼawꞈ, jeˬ zaˬ kʼoeˇ deuˬ-euˬ shiˬ naw maꞈ maˬ dzaˬ ni, iˇ cuꞈ shehˆ dzeh-eu loꞈ-ehˇ miˇ tsaˬ-ahˇ ya shehˆ dzeh meh.

Dawˬmehˬ 12:24

Shiˬ maˬ dzaˬ ni, iˇ cuꞈ shehˆ dzeh-eu loꞈ-ehˇ miˇ tsa shehˆ dzeh-awˬ.

Dawˬmehˬ 15:23

Ehˇ kʼawꞈ, jeˬ zaˬ kʼoeˇ-euˬ shiˬ maˬ dzaˬ ni, iˇ cuꞈ shehˆ dzeh-eu loꞈ-ehˇ, miˇ tsa ya shehˆ dzeh meh.