Uˬ duˬ 16:8 - Akha

⁸ Kʼoeˇ gaˇ, Sahˬpaˬ Miˬyehˇ gʼaˇ duˬ hawˇ-eu, Aˬzaˬzeˬlaˇ gʼaˇ duˬ lehˇ boꞈ taˬ-euˬ kʼaˬ lo nyiˬ siˬ yuˇ-awˇ, ciꞈ myehꞈ kʼoeˇ nyiˬ mawˇ-ahˇ ya bi tsaˬ geuꞈ meh.

Uˬ duˬ 16:8 ပူးပေါင်းရင်းမြစ်များ

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Yeˬsaˬgeˬlaˇ 48:29

“Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ jeuˬ deuˬ-ahˇ miˇ kʼahˬ kʼoeˇ kʼahˬ ya biˇ nehˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Uˬ duˬ 16:10

Aˬzaˬzeˬlaˇ gʼaˇ duˬ tsaˬ geuꞈ-euˬ ciꞈ myehꞈ kʼoeˇ mawˇ-ahˇ, yaw dehꞈ-ehˇ Sahˬpaˬ Miˬyehˇ-ahˇ tsahˇ ha nehˬ leˇ-awˇ, Iˇsaˬleˬlaˆ tsawˇ haˬ deuˬ-euˬ iˬ baˇ bi pi dzeh-eu gʼaˇ duˬ, bawˇ tsahˬ bawˇ dahˇ-ahˇ, Aˬzaˬzeˬlaˇ jawˇ gaˇ ya pyehˬ gʼeh meh.

Uˬ duˬ 16:26

Bawˇ tsahˬ bawˇ dahˇ-ahˇ, Aˬzaˬzeˬlaˇ jawˇ gaˇ ciꞈ myehꞈ bi teh ha-iˇ-eu tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ laˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh.

Uˬ duˬ 16:7

Kʼoeˇ naˇ, ciꞈ myehꞈ ciꞈ buˬ kʼoeˇ nyiˬ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ aˬ yawꞈ ya tsahˇ gʼeh meh.

Uˬ duˬ 16:9

Sahˬpaˬ Miˬyehˇ gʼaˇ duˬ, tsaˬ geuꞈ-euˬ ciꞈ myehꞈ kʼoeˇ mawˇ-ahˇ Aˬloˬ yuˇ-awˇ, iˬ baˇ shawˇ-eu lawˇ-eu jeˬ ya lawˇ meh.

Yawˇnaˆ 1:7

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ deuˬ tiˬ gʼaˬ tiˇ gʼaˬ ehˇ-eu, “Aˬ dui maꞈ kʼoeˇ taˆ heu loꞈ-ehˇ gʼeh-eu guˆ-eu gaˆ-eu jeˬ keuˆ le-euˬ heu aˬ geu gʼaˬ baˬ da neh nga lehˇ, pyehˆ tseˇ duˬ haw kaˇ-euˇ.” Aˬ yawꞈ maꞈ pyehˆ tseˇ duˬ haw ngeh, Yawˇnaˆ-ahˇ duˬ leˇ-euˬ meh.

Bawˇtsahˬ 26:55

Ehˇ kʼawꞈ, miˇ kʼahˬ biˇ nehˬ ngeh, tsawˇ jeuˬ kʼoeˇ deuˬ-euˬ aˬ da yaw dzahˇ gʼaˬ-euˬ tsawˇ myahˇ baꞈ-awˇ, shehˆ tsaˬ ya bi tsaˬ geuꞈ meh.

Bawˇtsahˬ 33:54

Miˇ kʼahˬ kʼoeˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biꞈ nehˬ-awˇ, shehˆ tsaˬ bi tsaˬ geuꞈ-awˬ. Tsawˇ haˬ myaˬ dzehˬ-eu tsawˇ jeuˬ-ahˇ huiˬ dzehˬ-eu miˇ kʼahˬ biˇ oꞈ nehˬ-awˇ, tsawˇ haˬ cuiˆ dzehˬ-eu tsawˇ jeuˬ-ahˇ nyiˇ dzehˬ-eu miˇ kʼahˬ biˇ oꞈ nehˬ-awˬ.