Uˬ duˬ 16:14 - Akha

¹⁴ Mawˇ neˇ mawˇ gaw kʼoeˇ mawˇ-euˬ shiˬ ui cuiˆ yuˇ-awˇ, bahˬ keuˆ kʼmˬ pymˬ-ahˇ aˬ yawꞈ-euˬ laꞈ noeˇ neh ya byaˆ shehˬ meh. Kʼoeˇ naˇ, shiˬ kʼoeˇ neh, dawˬ ma saˇ jaˇ bahˬ keuˆ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 16:14 ပူးပေါင်းရင်းမြစ်များ

HeˬByehˇ 9:25

Yuˇdaˆ tsawˇ haˬ-euˬ Piˇma Yaw huiˬ gʼaˬ-aˬ, aˬ yawꞈ kʼoꞈ yawꞈ jeˬ zaˬ-euˬ shiˬ yuˇ-awˇ, Muiˬ dui shawˇ dui dui-eu Jawˇ duˬ-ahˇ uˇ leˇ-eu meh. Ehˇ kʼawꞈ, Ka li-aˬ, aˬ yawꞈ-euˬ gʼawˇ mawˇ gʼawˬ mya poˆ lawˇ-eu maˬ loˬ-a.

HeˬByehˇ 9:13

Ciˬ myehꞈ hawˇ-eu mawˇ neˇ-euˬ shiˬ hawˇ-eu, mawˇ neˇ mawˇ zaˬ dzah puiˆ-awˇ lawˇ-euˬ lehˇ kuˇ laˆ keuˬ-awˇ, maˬ shawˇ-eu tsawˇ haˬ-ahˇ byaˆ shehˬ naˇ shawˇ laˇ-eu meh.

HeˬByehˇ 10:4

Aˬ jeˬ miˇ neh ehˇ naˇ, mawˇ neˇ hawˇ-eu ciꞈ myehꞈ-euˬ shiˬ-aˬ, tsawˇ haˬ zaˬ-ahˇ iˬ baˇ tiˬ jawˇ-iˬ maˬ shawˇ nehˬ nya-a.

HeˬByehˇ 9:7

Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.

Uˬ duˬ 8:11

Kʼoeˇ naˇ, tsiˇ kʼoeˇ ui cuiˆ paˇ yuˇ-awˇ, lawˇ duˬ hawˇ-eu kʼoeˇ gaˇ taꞈ leˇ-eu keu ka deuˬ-ahˇ maˬ ehˇ, sehˇ byehˇ hawˇ-eu kʼoeˇ-euˬ aˬ kuiˇ-ahˇ maˬ ehˇ, shiꞈ poˆ keuˆ ni byaˆ shehˬ-awˇ, Sahˬpaˬ Miˬyehˇ-ahˇ a nehˬ-euˬ meh.

Uˬ duˬ 4:17

Aˬ yawꞈ-euˬ laꞈ noeˇ shiˬ kʼoeˇ-euˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ saˬ paˇ mehˬ shi, shiꞈ poˆ keuˆ ni ya byaˆ shehˬ meh.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

HeˬByehˇ 10:19

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Yeˬsuˇ shiˇ dah-euˬ baˬ da neh Muiˬ dui Shawˇ dui dui-eu Jawˇ duˬ laꞈ kʼoeˇ aˬ dui kʼaˬ duˬ ni uˇ leˇ nya laˇ-euˬ ma.

HeˬByehˇ 9:21

Kʼoeˇ loꞈ-ehˇ duˇ ni, Dawˬ ma saˇ jaˇ Sehˬ gʼawˆ-ahˇ maˬ ehˇ, uˬ duˬ tahˬ gaˇ zmˬ-eu mˇ myawˬ keu ka deuˬ kʼoeˇ taˆ maˬ ehˇ, shiˬ kʼoeˇ neh Moˇseˬ byaˆ shehˬ-euˬ meh.

Uˬ duˬ 16:19

Shiˬ kʼoeˇ yuˇ-awˇ, aˬ yawꞈ-euˬ laꞈ noeˇ neh, lawˇ duˬ-ahˇ shiꞈ poˆ keuˆ ni ya byaˆ shehˬ meh. Iˇsaˬleˬlaˆ tsawˇ haˬ deuˬ-euˬ iˬ baˇ baˬ da neh, aˬ yawꞈ kʼoeˇ loꞈ-ehˇ jahˇ-awˇ, lawˇ duˬ muiˬ laˇ shawˇ laˇ ni ya mˇ meh.

Bawˇtsahˬ 19:4

Kʼoeˇ naˇ, Eˇlaˬzaˬ gʼaˬ mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ neh Sehˬ gʼawˆ jaˆ-eu paw ya byaˆ shehˬ meh.