Uˬ duˬ 16:12 - Akha

¹² lawˇ duˬ kʼoeˇ taˆ doꞈ luꞈ-eu miˬ dzaˬ miˬ jiˆ tiˬ byah ni pehˆ ahˇ taˬ-euˬ guiˬ gʼawˆ hawˇ-eu, muiˬ dui dui-eu yaw saw jeˬ laꞈ tsuˆ nyiˬ tsuˆ tsuˆ doˆ-awˇ, Muiˬ dui shawˇ dui dui-eu Jawˇ duˬ-ahˇ ya yuˇ leꞈ meh.

Uˬ duˬ 16:12 ပူးပေါင်းရင်းမြစ်များ

Doˆ-iˇ 31:11

tseˇ doˆ-euˬ deuˬ-ahˇ lehꞈ-eu tsiˇ maˬ ehˇ, muiˬ-eu shawˇ-eu jawˇ duˬ laꞈ kʼoeˇ zmˬ-eu doꞈ damˬ-eu tsiˇ yaw saw jeˬ maˬ ehˇ, heu deuˬ-ahˇ jahˇ ngeh, ngaˇ nawˬ-ahˇ dawˬ biꞈ taˬ-euˬ loꞈ-ehˇ, tiˬ pawꞈ-iˬ maˬ bi lehˬ-iˇ ni ya jahˇ meh.”

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Uˬ duˬ 10:1

Aˬloˬ-euˬ aˬ li Naˬdehˇ hawˇ-eu Aˬbiˇhuˬ aˬ nyaꞈ nmˇ-aˬ, miˬ jiˆ pehˆ ahˇ-eu guiˬ gʼawˆ yuˇ-awˇ, miˬ jiˆ pehˆ ahˇ-euˬ meh. Kʼoeˇ naˇ, yaw saw jeˬ dawˆ puiˆ-awˇ, Sahˬpaˬ Miˬyehˇ-ahˇ damˬ nehˬ-euˬ meh. Ehˇ kʼawꞈ, miˬ dzaˬ kʼoeˇ maˬ muiˬ maˬ shawˇ-a. Aˬ jeˬ miˇ neh ehˇ naˇ, kʼoeˇ loꞈ-ehˇ damˬ laˇ-awˬ lehˇ aˬ yawꞈ nyaꞈ-ahˇ Sahˬpaˬ Miˬyehˇ dawˬ biꞈ taˬ-euˬ maˬ jaˆ-a.

Bawˇtsahˬ 16:18

Kʼoeˇ naˇ, yawˬ gʼaˬ na luꞈ yawˬ ha-euˬ miˬ dzaˬ miˬ jiˆ pehˆ ahˇ-eu guiˬ gʼawˆ yuˇ-awˇ, doꞈ luꞈ-eu miˬ dzaˬ miˬ jiˆ hawˇ-eu yaw saw jeˬ dawˆ ahˇ-awˇ, Moˇseˬ hawˇ-eu Aˬloˬ nehˬ-ehˇ Sehˬ gʼawˆ mehˬ shi yawꞈ-euˬ meh .

Bawˇtsahˬ 16:46

Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

HeˬByehˇ 9:7

Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Panmaeq 8:5

Kʼoeˇ naˇ, tsiˇ yaw saw jeˬ doꞈ duˬ kʼoeˇ-ahˇ mˬ taˆ gʼaˬ kʼehˇ kʼoeˇ gʼaˬ yuˇ-awˇ, lawˇ duˬ kʼoeˇ taˆ doꞈ luꞈ-eu miˬ dzaˬ pehˆ ahˇ-awˇ, miˇ tsaˬ kʼoeˇ taˆ biˬ ka gʼeh-euˬ meh. Kʼoeˇ ngeh, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-awˇ, mˬ myawꞈ myawꞈ-awˇ miˇ luˆ luˆ-euˬ meh.