Uˬ duˬ 15:18 - Akha

¹⁸ Kʼaˬ dzeˇ zaˬ hawˇ-eu zaˬ miˬ zaˬ yuꞈ taꞈ jawˇ taꞈ gʼaˬ naˇ, nyiˬ gʼaˬ luꞈ yawˬ ha-euˬ gʼawˇ mawˇ ya dzuiꞈ shawˇ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:18 ပူးပေါင်းရင်းမြစ်များ

2 Saˬmeuˬlaˆ 11:4

Daˬbiˇ tsawˇ haˬ pyehˬ gʼeh-awˇ, zaˬ miˬ zaˬ kʼoeˇ gʼaˬ-ahˇ bi sheuˬ laˬ-iˇ-awˇ, yuꞈ taꞈ jawˇ taꞈ-euˬ meh. (Zaˬ miˬ zaˬ kʼoeˇ gʼaˬ ba la mawˇ le gʼaˬ-awˇ, aˬ yawˇ yawꞈ mˇ shawˇ gʼaˬ-euˬ tiˬ dehˬ pyeuꞈ-eu meh.) Kʼoeˇ loꞈ-ehˇ yuꞈ taꞈ jawˇ taꞈ gʼaˬ-awˇ, zaˬ miˬ zaˬ kʼoeˇ gʼaˬ gʼoꞈ-iˇ-euˬ meh.

Jaceuq 51:5

Ngaˇ dehꞈ le ngeh neh haiˬ-eu tsawˇ haˬ pyeuꞈ-eu ma. Dehꞈ doˆ le ngeh nah neh iˬ baˇ ahˇ-euˬ ma.

Doˆ-iˇ 19:15

“Saˇ pehˬ nah keuˆ laˇ ngeh, yawˬ gʼaˬ na luꞈ lehˬ hmˬ dah jiˇ-awˇ, heu yaw kaˬ-ahˇ, zaˬ miˬ zaˬ hawˇ-eu kʼaˬ dzeˇ zaˬ yaw kaˬ taˬ yuꞈ taꞈ” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Uˬ duˬ 15:16

Tsawˇ haˬ tiˬ gʼaˬ na, aˇ yoeˬ yoeˇ doˆ dzeh naˇ, yawˬ ha-euˬ gʼawˇ mawˇ mawˇ lah-ehˇ ya dzuiꞈ shawˇ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:17

Aˇ yoeˬ kʼoeˇ kʼaˇ yoeˇ lehꞈ-euˬ saˬ paˇ maˬ ehˇ, shaˬ kʼoˆ maˬ ehˇ, ya lehˬ tsiˬ shawˇ-awˇ, uˬ ciꞈ paw keuˆ ni maˬ shawˇ-eu myawˬ pyeuꞈ-eu meh.

Uˬ duˬ 15:5

Aˬ yawꞈ-euˬ yuꞈ zaˇ-ahˇ kʼaˇ toeˬ ciˆ leˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

1 Gawˇliˬtu 6:12

“Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, aˬ geu jeˬ-euˬ laꞈ oˆ maˬ kaˬ, ngaˇ zaˬ kʼaˆ maˬ geuꞈ.

1 Gawˇliˬtu 6:18

Aˬ cawˬ nehˬ-ehˇ joe-eu jeˬ-ahˇ gʼawˬ tsehˆ tsehˆ-awˬ. Tsawˇ haˬ zaˬ neh mˇ-euˬ iˬ baˇ nui deuˬ dawˬ tawˆ luꞈ gʼawˇ mawˇ-ahˇ coeˬ-eu ciˆ-eu maˬ ngeuˇ-a. Ehˇ kʼawꞈ, aˬ cawˬ nehˬ-ehˇ joe-eu jeˬ mˇ-euˬ tsawˇ haˬ-aˬ, yawˬ ha-euˬ gʼawˇ mawˇ-ahˇ coeˬ ni ciˆ ni iˬ baˇ mˇ gaˇ duˇ-eu meh.

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.