Uˬ duˬ 14:7 - Akha

⁷ Piˇ ma gʼaˬ shiˬ kʼoeˇ yuˇ-awˇ, bi shawˇ laˇ-eu lehˇ gʼeh-eu nyawˬ naˇ-eu tsawˇ haˬ kʼoeˇ gʼaˬ kʼoeˇ taˆ shiꞈ poˆ keuˆ ni byaˆ shehˬ-awˇ, tsawˇ haˬ kʼoeˇ gʼaˬ yaw shawˇ meh lehˇ ya daˇ tsehˆ nehˬ meh. Kʼoeˇ naˇ, aˇ jiˇ yaw dehꞈ kʼoeˇ mawˇ pyehˬ-awˇ, kʼoeˇ taˆ paw ya bi yaw byoˆ gʼeh meh.

Uˬ duˬ 14:7 ပူးပေါင်းရင်းမြစ်များ

2 Sahˬpaˬ 5:10

Neˬmaˬ jawˇ gaˇ Eˇliˇshehˇ zaˬ kʼaˆ tiˬ gʼaˬ pyehˬ gʼeh-awˇ, “Yawˇdaˬ lawˇ baˬ-ahˇ iˇ-awˇ, iˇ cuꞈ shiꞈ poˆ dzuiꞈ-iˇ-awˬ. Nawˬ-euˬ naˇ gawˇ taˬ leˇ tehꞈ-a” lehˇ bi ehˇ gaˬ-iˇ-euˬ meh.

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Jaceuq 51:7

Ngaˇ shawˇ laˇ ni ngaˬ-euˬ iˬ baˇ yuˇ dzeh nehˬ laꞈ-awˬ. Saˬ laˬ saˬ behˆ naˆ maˬ tseˇ pyuˇ laˇ ni, ngaˬ-ahˇ tsiˬ shawˇ nehˬ laꞈ-awˬ.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Uˬ duˬ 13:13

piˇ ma gʼaˬ tiˬ poˆ paˇ ya pyehˆ tseˇ haw meh. Tsawˇ haˬ kʼoeˇ gʼaˬ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ-euˬ gaˇ piˇ ma gʼaˬ ya mawˇ naˇ, tsawˇ haˬ kʼoeˇ gʼaˬ yaw shawˇ meh lehˇ, piˇ ma gʼaˬ ya daˇ tsehˆ meh. Aˬ yawꞈ-euˬ gʼawˇ mawˇ mawˇ lah-ehˇ pyuˇ deuˬ ni pyeuꞈ shaw naˇ, yaw shawˇ meh.

Uˬ duˬ 13:17

Piˇ ma gʼaˬ aˬ yawꞈ-ahˇ paˇ pyehˆ tseˇ haw-awˇ, maˇ naˇ kʼoeˇ pyuˇ deuˬ ni pyeuꞈ-iˇ-euˬ ya mawˇ naˇ, tsawˇ haˬ kʼoeˇ gʼaˬ shawˇ laˇ gʼaˬ-euˬ miˇ neh, yaw shawˇ meh lehˇ piˇ ma gʼaˬ ya daˇ tsehˆ meh.

Uˬ duˬ 14:51

Kʼoeˇ naˇ, siˬ daˬ miˬ shuˬ, hiˇ soˆ baw nmˬ hawˇ-eu, saˬ kahˇ neˇ heu deuˬ-ahˇ, aˇ jiˇ yaw dehꞈ kʼoeˇ mawˇ nehˬ-ehˇ tiˬ kawˆ loꞈ-ehˇ, tsawˬ biˬ-ahˇ kʼawꞈ-euˬ iˇ cuꞈ laꞈ kʼoeˇ sehꞈ duiˆ taˬ-euˬ aˇ jiˇ kʼoeˇ mawˇ-euˬ shiˬ-ahˇ dehˬ duiˆ-awˇ, nymˇ kʼoeˇ nymˇ-ahˇ shiꞈ poˆ keuˆ ni ya byaˆ shehˬ meh.

Uˬ duˬ 16:14

Mawˇ neˇ mawˇ gaw kʼoeˇ mawˇ-euˬ shiˬ ui cuiˆ yuˇ-awˇ, bahˬ keuˆ kʼmˬ pymˬ-ahˇ aˬ yawꞈ-euˬ laꞈ noeˇ neh ya byaˆ shehˬ meh. Kʼoeˇ naˇ, shiˬ kʼoeˇ neh, dawˬ ma saˇ jaˇ bahˬ keuˆ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 16:19

Shiˬ kʼoeˇ yuˇ-awˇ, aˬ yawꞈ-euˬ laꞈ noeˇ neh, lawˇ duˬ-ahˇ shiꞈ poˆ keuˆ ni ya byaˆ shehˬ meh. Iˇsaˬleˬlaˆ tsawˇ haˬ deuˬ-euˬ iˬ baˇ baˬ da neh, aˬ yawꞈ kʼoeˇ loꞈ-ehˇ jahˇ-awˇ, lawˇ duˬ muiˬ laˇ shawˇ laˇ ni ya mˇ meh.

Uˬ duˬ 16:22

Kʼoeˇ naˇ, tseˇ doˆ taˬ-euˬ tsawˇ haˬ tiˬ gʼaˬ neh, ciꞈ myehꞈ kʼoeˇ mawˇ-ahˇ, bawˇ tsahˬ bawˇ dahˇ-ahˇ ya bi teh ha byoˆ meh.

Uˬ duˬ 4:17

Aˬ yawꞈ-euˬ laꞈ noeˇ shiˬ kʼoeˇ-euˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ saˬ paˇ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 4:6

Aˬ yawꞈ-euˬ laꞈ noeˇ shiˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ muiˬ-eu shawˇ-eu saˬ paˇ mehˬ shi, shiꞈ poˆ keuˆ ni ya byaˆ shehˬ meh.

Uˬ duˬ 8:11

Kʼoeˇ naˇ, tsiˇ kʼoeˇ ui cuiˆ paˇ yuˇ-awˇ, lawˇ duˬ hawˇ-eu kʼoeˇ gaˇ taꞈ leˇ-eu keu ka deuˬ-ahˇ maˬ ehˇ, sehˇ byehˇ hawˇ-eu kʼoeˇ-euˬ aˬ kuiˇ-ahˇ maˬ ehˇ, shiꞈ poˆ keuˆ ni byaˆ shehˬ-awˇ, Sahˬpaˬ Miˬyehˇ-ahˇ a nehˬ-euˬ meh.

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Bawˇtsahˬ 19:12

Smˬ nah aˬ yawꞈ nah hawˇ-eu shiꞈ nah aˬ yawꞈ nah-ahˇ, bi shawˇ laˇ-eu iˇ cuꞈ neh yawˬ haˇ yawˬ ha shawˇ gʼaˬ miˇ tsa, aˬ yawꞈ shawˇ laˇ-eu meh. Ehˇ kʼawꞈ, smˬ nah kʼoeˇ nah hawˇ-eu shiꞈ nah kʼoeˇ nah-ahˇ, yawˬ haˇ yawˬ ha maˬ shawˇ naˇ, shawˇ-eu tsawˇ haˬ maˬ pyeuꞈ laˇ-a.

Yoˇhaˬ 19:34

ehˇ kʼawꞈ, yehˇ tiˬ gʼaˬ neh Yeˬsuˇ-euˬ byaˇ gʼaˇ-ahˇ gahˬ tsawˆ-awˇ, shiˬ hawˇ-eu iˇ cuꞈ tiˬ poˆ tehꞈ-ehˇ yoeˇ doˆ le-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

HeˬByehˇ 9:13

Ciˬ myehꞈ hawˇ-eu mawˇ neˇ-euˬ shiˬ hawˇ-eu, mawˇ neˇ mawˇ zaˬ dzah puiˆ-awˇ lawˇ-euˬ lehˇ kuˇ laˆ keuˬ-awˇ, maˬ shawˇ-eu tsawˇ haˬ-ahˇ byaˆ shehˬ naˇ shawˇ laˇ-eu meh.

HeˬByehˇ 9:19

Aˇ dahˬ beh ngeh Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˇ tsawˇ haˬ deuˬ-ahˇ Moˇseˬ ehˇ nehˬ-euˬ meh. Kʼoeˇ naˇ, mawˇ neˇ hawˇ-eu ciꞈ myehꞈ-euˬ shiˬ iˇ cuꞈ nehˬ-ehˇ keuˬ-awˇ, hiˇsoˆ baw nmˬ hawˇ-eu yawˇ caꞈ hm laˆ duiˆ-awˇ, Zahˇ dawˬ kʼoꞈ dawˬ hawˇ-eu Iˇsaˬleˬlaˇ tsawˇ haˬ dawˬ tawˆ luꞈ-ahˇ byaˆ shehˬ-euˬ meh.

HeˬByehˇ 9:21

Kʼoeˇ loꞈ-ehˇ duˇ ni, Dawˬ ma saˇ jaˇ Sehˬ gʼawˆ-ahˇ maˬ ehˇ, uˬ duˬ tahˬ gaˇ zmˬ-eu mˇ myawˬ keu ka deuˬ kʼoeˇ taˆ maˬ ehˇ, shiˬ kʼoeˇ neh Moˇseˬ byaˆ shehˬ-euˬ meh.

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

1 Yoˇhaˬ 5:6

Iˇ cuꞈ hawˇ-eu shiˬ nehˬ-ehˇ oe-euˬ gʼaˬ-aˬ, Yeˬsuˇ Ka li meh. Iˇ cuꞈ nehˬ-ehˇ tehꞈ-ehˇ aˬ yawꞈ oe-euˬ maˬ ngeuˇ-a. Iˇ cuꞈ hawˇ-eu shiˬ heu nyi jeˬ luꞈ nehˬ-ehˇ oe-euˬ meh. Kʼoeˇ loꞈ-ehˇ oe-euˬ maˇ maˇ ni ngeuˇ meh lehˇ Yaw sahˇ Miˬyehˇ saˇ kiˇ kamˬ-eu meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ yaw tsaˬ yaw dawˇ meh.