Uˬ duˬ 14:54 - Akha

⁵⁴ Heu-aˬ, nyawˬ naˇ-eu jeˬ-ahˇ taꞈ leˇ-eu zahˇ dawˬ kʼoꞈ dawˬ meh.

Uˬ duˬ 14:54 ပူးပေါင်းရင်းမြစ်များ

Uˬ duˬ 11:46

Ehˇ dzeuˇ yaꞈ-euˬ gaˇ kawˆ heu deuˬ-aˬ, jeˬ zaˬ aˇ jiˇ deuˬ, iˇ cuꞈ laꞈ kʼoeˇ kʼaˇ dehꞈ kʼaˇ jawˇ-eu jeˬ hawˇ-eu, miˇ tsaˬ-ahˇ joe joe-ehˇ kʼaˇ cah-eu jeˬ zaˬ aˇ mawˇ dawˬ tawˆ luꞈ-ahˇ taꞈ leˇ-eu zahˇ dawˬ kʼoꞈ dawˬ pyeuꞈ-eu ma.

Uˬ duˬ 13:3

Piˇ ma kʼoeˇ gʼaˬ maˇ naˇ-ahˇ pyehˆ tseˇ haw ngeh, kʼoeˇ gaˇ tsoꞈ-eu caꞈ hm deuˬ yaw pyuˇ pyuˇ-ehˇ pyeuꞈ laˇ-awˇ, maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ naˇ, nyawˬ naˇ-eu maˇ naˇ pyeuꞈ-eu miˇ neh, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ meh.

Uˬ duˬ 14:2

Heu-aˬ, nyawˬ naˇ gʼaˬ-euˬ tsawˇ haˬ tiˬ gʼaˬ-ahˇ bi muiˬ bi shawˇ laˇ-eu aˇ nah-ahˇ, taꞈ leˇ-eu zahˇ sahˇ kʼoꞈ meh. Tsawˇ haˬ kʼoeˇ gʼaˬ yaw shawˇ meh lehˇ bi daˇ tsehˆ-eu aˇ nah-ahˇ piˇ ma aˬ yawꞈ-ahˇ ya sheuˬ laꞈ meh.

Uˬ duˬ 14:32

Heu-aˬ, yawˬ ha-euˬ gʼawˇ mawˇ bi shawˇ laˇ-eu gʼaˇ duˬ, zahˇ sahˇ kʼoꞈ jaˆ-eu loꞈ-ehˇ maˬ lawˇ maˬ shehˇ byah nehˬ nya-eu yaw shaˬ zaˬ deuˬ-ahˇ taꞈ-eu zahˇ sahˇ kʼoꞈ meh.

Uˬ duˬ 14:53

Kʼoeˇ naˇ, aˇ jiˇ yaw dehꞈ kʼoeˇ mawˇ-ahˇ aˬ yawꞈ pyehˬ-awˇ, meuˬ meuˬ dzeˇ paw ya bi zaw byoˆ gʼeh meh. Kʼoeˇ loꞈ-ehˇ nymˇ kʼoeˇ nymˇ bi shawˇ laˇ-eu zahˇ aˬ yawꞈ jahˇ ngeh, nymˇ kʼoeˇ nymˇ shawˇ laˇ-eu meh.

Uˬ duˬ 15:32

Zahˇ sahˇ kʼoꞈ heu deuˬ-aˬ, maˇ uiˇ yoeˇ-eu kʼaˬ dzeˇ zaˬ-ahˇ maˬ ehˇ, aˇ yoeˬ yoeˇ doˆ dzeh-euˬ tsawˇ haˬ-ahˇ maˬ ehˇ,

Uˬ duˬ 6:14

Heu-aˬ, dzaˬ la gʼo cehˇ lawˇ-eu gʼaˇ duˬ zahˇ sahˇ kʼoꞈ pyeuꞈ-eu meh. Aˬloˬ-euˬ aˬ li piˇ ma tiˬ gʼaˬ, lawˇ duˬ mehˬ shi Sahˬpaˬ Miˬyehˇ jawˇ gaˇ, dzaˬ la gʼo cehˇ lawˇ-eu jeˬ ya yuˇ laꞈ meh.

Uˬ duˬ 6:25

Iˬ baˇ shawˇ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ nehˬ-awˬ. Miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ kʼoeˇ tsahˇ-ahˇ, iˬ baˇ shawˇ-eu lawˇ-eu jeˬ zaˬ ya sehꞈ meh. Heu-aˬ, muiˬ dui shawˇ dui dui-eu lawˇ-eu jeˬ pyeuꞈ-eu meh.

Uˬ duˬ 6:9

Miˬ dzaˬ-ahˇ dzah puiˆ-awˇ lawˇ-eu jeˬ ahˇ taꞈ leˇ-eu zahˇ sahˇ kʼoꞈ heu deuˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ biꞈ-awˬ. Miˬ dzaˬ dzah puiˆ-awˇ lawˇ-eu jeˬ kʼoeˇ, lawˇ duˬ kʼoeˇ taˆ uˬ ciꞈ miˇ lah-ehˇ bi jaˆ-awˇ miˬ dzaˬ maˬ ya bi miˆ tsehˆ-a.

Uˬ duˬ 7:1

Heu-aˬ, dziˇ dzoˆ tsoeˬ-eu lawˇ-eu jeˬ-ahˇ taꞈ leˇ-eu, muiˬ dui shawˇ dui dui-eu zahˇ sahˇ kʼoꞈ deuˬ pyeuꞈ-eu meh.

Uˬ duˬ 7:37

Laꞈ taˆ paw ehˇ gʼaˬ-euˬ gaˇ kawˆ heu deuˬ-aˬ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ, dziˇ dzoˆ tsoeˬ-eu lawˇ-eu jeˬ, aˇ yaˬ biꞈ-eu lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh.

Bawˇtsahˬ 19:14

“Sehˬ gʼawˆ tiˬ gʼawˆ na laꞈ kʼoeˇ tsawˇ haˬ tiˬ gʼaˬ na shiˇ naˇ, tsawˇ haˬ shiˇ ngeh sehˬ gʼawˆ kʼoeˇ gʼawˆ laꞈ kʼoeˇ kʼaˇ jawˇ-euˬ tsawˇ haˬ dawˬ tawˆ luꞈ maˬ ehˇ, sehˬ gʼawˆ kʼoeˇ gʼawˆ laꞈ kʼoeˇ le uˇ-euˬ tsawˇ haˬ maˬ ehˇ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 5:29

Heu-aˬ, kʼaˬ dzeˇ zaˬ tiˬ gʼaˬ yawˬ ha-euˬ miˬ zaˬ aˬ cawˬ nehˬ-ehˇ bahˬ-euˬ meh lehˇ noeˬ-awˇ, maˬ jah coeˇ-eu laꞈ kʼoeˇ myaˆ naˆ-eu gaˇ kawˆ-ahˇ taꞈ leˇ-eu zahˇ dawˬ kʼoꞈ dawˬ meh. Zaˬ miˬ zaˬ gʼaˬ-ahˇ lawˇ duˬ mehˬ shi bi yawꞈ-awˇ, piˇ ma gʼaˬ kʼoeˇ loꞈ-ehˇ zahˇ ya jahˇ meh.

Bawˇtsahˬ 6:13

Naˬzaˬliˇ tsawˇ haˬ tiˬ gʼaˬ saˇ jaˇ mˇ byah gʼaˬ ngeh, heu loꞈ-ehˇ ya jahˇ meh. Sehˬ gʼawˆ-euˬ gʼoˆ kʼehˬ-ahˇ aˬ yawꞈ ya le meh.

Dawˬmehˬ 24:8

“Nawˇ nyawˬ naˇ laˇ naˇ, Leˬbiˇ tsawˇ haˬ piˇ ma deuˬ neh kʼaˇ ehˇ nehˬ laꞈ-eu loꞈ-ehˇ, tiˬ dawˬ-iˬ maˬ leuˇ ni mˇ-awˬ. Ngaˬ neh aˬ yawꞈ maꞈ-ahˇ biꞈ taˬ-euˬ mehˬ-eu tsoˆ-eu jeˬ mehˬ nah caw teh-awˬ.