Uˬ duˬ 14:3 - Akha

³ Piˇ ma gʼaˬ aˬ yawꞈ-ahˇ pu pu dzeˇ sheuˬ doˆ gʼeh-awˇ, ya pyehˆ tseˇ haw meh. Naˇ gawˇ taˬ leˇ gʼaˬ-euˬ ya mawˇ naˇ,

Uˬ duˬ 14:3 ပူးပေါင်းရင်းမြစ်များ

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

2 Sahˬpaˬ 5:3

Tiˬ nah keuˆ laˇ ngeh, Iˇsaˬleˬlaˆ zaˬ miˬ aˬ buˇ kʼoeˇ gʼaˬ, Neˬmaˬ-euˬ miˬ zaˬ-ahˇ ehˇ nehˬ-eu, “Ngaˬ-euˬ baw leˬ-ahˇ Saˬmaˬliˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ jawˇ gaˇ bi iˇ haw mawꞈ nya. Tsawˇ haˬ kʼoeˇ gʼaˬ aˬ yawꞈ-euˬ naˇ gawˇ laˆ taˬ nehˬ tehꞈ-a.”

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Uˬ duˬ 13:2

Tsawˇ haˬ tiˬ gʼaˬ na, maˇ naˇ naˇ-eu maˬ ehˇ, shaˬ ciˬ ciˬ-eu maˬ ehˇ, maˇ cuˬ maˇ lu lu-eu maˬ ehˇ, nyawˬ naˇ doˆ laˇ nya paˬ-ehˇ gʼeh naˇ, piˇ ma Aˬloˬ jawˇ gaˇ maˬ ngeuˇ naˇ, Aˬloˬ-euˬ aˬ li piˇ ma tiˬ gʼaˬ na jawˇ gaˇ ya sheuˬ gʼeh meh.

Uˬ duˬ 13:46

Aˬ yawꞈ nyawˬ kʼaˇ naˇ kʼoeˇ keuˆ ni maˬ shawˇ-eu tsawˇ haˬ pyeuꞈ-awˇ, pu pu dzeˇ-ahˇ, aˬ cawˬ nehˬ-ehˇ gaˇ mahˇ kaˬ gaˇ ya jawˇ meh.

Uˬ duˬ 14:48

Piˇ ma paˇ haw le ngeh, nymˇ kʼoeˇ nymˇ-ahˇ laˆ saˆ gʼaˬ naˇ kʼah, nyawˬ naˇ-eu maˇ naˇ paˇ doˆ laˇ taˬ-euˬ maˬ ya mawˇ naˇ, nymˇ kʼoeˇ nymˇ yaw shawˇ meh lehˇ aˬ yawꞈ ya daˇ tsehˆ meh. Aˬ jeˬ miˇ neh ehˇ naˇ, nyawˬ naˇ-eu maˇ naˇ kʼoeˇ byoˆ tsehˆ-euˬ meh.

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Luˇkaꞈ 4:27

Eˇliˇshehˇ-euˬ ziˇ-ahˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ coiˬ doi naˇ-eu tsawˇ haˬ gʼawˬ mya ni jawˇ-eu meh. Ehˇ kʼawꞈ, nui gʼaˬ-ahˇ maˬ bi muiˬ maˬ bi shawˇ laˇ-ehˇ Suˇliˆ tsawˇ jeuˬ Neˬmaˬ tiˬ gʼaˬ-ahˇ tehꞈ-ehˇ bi muiˬ bi shawˇ laˇ-euˬ meh.”

Luˇkaꞈ 7:22

Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.