Uˬ duˬ 14:12 - Akha

¹² Kʼoeˇ naˇ, piˇ ma gʼaˬ yawˇ zaˬ aˬ buˬ tiˬ mawˇ tsahˇ-awˇ, maˇ tsaꞈ-ahˇ dahˬ-eu tsiˇ smˬ bymˇ tiˬ bymˇ nehˬ-ehˇ, dziˇ dzoˆ tsoeˬ-eu lawˇ-eu jeˬ ya lawˇ meh. Lawˇ-eu jeˬ kʼoeˇ, muiˬ-eu laꞈ sawˬ loꞈ-ehˇ, piˇ ma deuˬ gʼaˇ duˬ Sahˬpaˬ Miˬyehˇ-ahˇ ya damˬ nehˬ meh.

Uˬ duˬ 14:12 ပူးပေါင်းရင်းမြစ်များ

Doˆ-iˇ 29:22

“Yawˇ aˬ buˬ kʼoeˇ mawˇ-euˬ tsiˇ maˬ ehˇ, tsiˇ dawꞈ myaˬ-eu dawˬ miˬ maˬ ehˇ, tsahˬ nahˬ uˇ jiˇ deuˬ-ahˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, saˬ pyaˬ aˇ maˇ paw pyaˬ maˬ ehˇ, yehˬ doˆ-awˬ.

Doˆ-iˇ 29:24

Dzaˬ dzaˬ dawˇ dawˇ heu deuˬ dawˬ tawˆ luꞈ, Aˬloˬ hawˇ-eu aˬ yawꞈ-euˬ aˬ li deuˬ bi yuˇ-awˇ, muiˬ dui dui-eu laꞈ sawˬ damˬ-eu loꞈ-ehˇ ngaˬ-ahˇ damˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ.

Doˆ-iˇ 29:26

“Yawˇ heu mawˇ-euˬ kʼahˬ yuˇ-awˇ, muiˬ dui dui-eu laꞈ sawˬ loꞈ-ehˇ, ngaˬ-ahˇ damˬ-awˬ. Heu-aˬ, nawˬ-euˬ shaˬ bymˇ meh.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Uˬ duˬ 14:10

Yehꞈ nah tiˬ nah-ahˇ, maˇ byawꞈ maˬ baw-eu yawˇ zaˬ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ ma tiˬ mawˇ tsahˇ laꞈ-awˇ, saˬ loˬ tsiˇ keuˬ-euˬ cehˇ meu smˇ pehˬ hawˇ-eu, saˬ loˬ tsiˇ maˇ tsaꞈ tiˬ kʼoeˆ dzehˬ ni, tsawˇ haˬ kʼoeˇ gʼaˬ ya yuˇ laꞈ meh.

Uˬ duˬ 14:11

Tsawˇ haˬ kʼoeˇ gʼaˬ hawˇ-eu aˬ yawꞈ neh yuˇ laꞈ-euˬ lawˇ-eu jeˬ kʼoeˇ ahˇ, Sahˬpaˬ Miˬyehˇ jawˇ-eu sehˬ gʼawˆ-euˬ gʼoˆ kʼehˬ-ahˇ piˇ ma gʼaˬ ya yuˇ gʼeh-eu meh.

Uˬ duˬ 14:19

Kʼoeˇ naˇ, piˇ ma gʼaˬ iˬ baˇ shawˇ-eu lawˇ-eu jeˬ lawˇ-awˇ, bi shawˇ laˇ-eu zahˇ ya jahˇ meh. Kʼoeˇ sawˇ miˇ tsa, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, jeˬ zaˬ ya sehꞈ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.