Uˬ duˬ 13:3 - Akha

³ Piˇ ma kʼoeˇ gʼaˬ maˇ naˇ-ahˇ pyehˆ tseˇ haw ngeh, kʼoeˇ gaˇ tsoꞈ-eu caꞈ hm deuˬ yaw pyuˇ pyuˇ-ehˇ pyeuꞈ laˇ-awˇ, maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ naˇ, nyawˬ naˇ-eu maˇ naˇ pyeuꞈ-eu miˇ neh, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ meh.

Uˬ duˬ 13:3 ပူးပေါင်းရင်းမြစ်များ

Aˇ dahˬ 13:3

Jawˇ duˬ kʼoeˇ tsahˇ-ahˇ aˬ yawꞈ paˇ byehˇ dzeh yaꞈ-awˇ, tiˬ gaˇ saˇ-iˬ tiˬ gaˇ jawˇ jawˇ-ehˇ, Beˬdeˬlaˇ meuˬ paw le daˆ gʼeh leꞈ-euˬ meh. Beˬdeˬlaˇ meuˬ hawˇ-eu Aˬiˇ meuˬ yaw kaˬ-ahˇ jaˆ-eu, yaw beh aˬ yawꞈ sehˬ gʼawˆ gʼawˆ-awˇ tiˬ poˆ jawˇ haw-euˬ jawˇ duˬ-ahˇ, aˬ yawꞈ le keuˆ-euˬ meh.

Yeˬsaˬgeˬlaˇ 16:30

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Shaꞈ dawˇ maˬ baw-eu meh maˬ laˇ loꞈ-ehˇ kʼoeˇ deuˬ dawˬ tawˆ luꞈ nawˇ mˇ jiˇ-euˬ meh.

Yeˬsaˬgeˬlaˇ 44:23

“Piˇ ma deuˬ-aˬ, miˇ kʼahˬ zaˬ deuˬ-ahˇ muiˬ-eu shawˇ-eu jeˬ hawˇ-eu maˬ muiˬ maˬ shawˇ-eu jeˬ tseˇ paˆ nya ni maˬ ehˇ, zahˇ sahˇ kʼoꞈ-ahˇ tsaˬ ni shawˇ-eu jeˬ hawˇ-eu maˬ shawˇ-eu jeˬ tseˇ paˆ geuꞈ nya ni maˬ ehˇ, ya mehˬ ya tsoˆ nehˬ-eu meh.

Hawˇseˬ 7:9

Aˬ cawˬ-ahˇ gʼoe-eu baˬ da neh, yawˬ ha-euˬ gʼaˬ-ahˇ teuꞈ laˇ-eu, aˬ yawꞈ maꞈ-ahˇ maˬ siˬ leˇ-a. Aˬ yawꞈ maꞈ-euˬ aˇ nah aˇ yamˬ, gʼawˬ myahˇ maˬ jaˆ ehˇ pyeuꞈ laˇ-euˬ, aˬ yawꞈ maꞈ maˬ noeˬ mawˇ nya-a.

Uˬ duˬ 10:10

Miˬyehˇ-ahˇ taꞈ-eu jeˬ hawˇ-eu tsawˇ haˬ zaˬ-ahˇ taꞈ-eu jeˬ maˬ ehˇ, shawˇ-eu jeˬ hawˇ-eu maˬ shawˇ-eu jeˬ maˬ ehˇ, naw maꞈ ya tseˇ paˆ geuꞈ meh.

Uˬ duˬ 13:10

Piˇ ma gʼaˬ aˬ yawꞈ-ahˇ pyehˆ tseˇ haw ngeh, maˇ naˇ yaw pyuˇ pyuˇ-awˇ, caꞈ hm-ahˇ yaw pyuˇ pyuˇ-ehˇ bi pyeuꞈ laˇ-eu uˬ taꞈ maˇ byahˇ gʼawˬ mya ni doˆ naˇ,

Uˬ duˬ 13:2

Tsawˇ haˬ tiˬ gʼaˬ na, maˇ naˇ naˇ-eu maˬ ehˇ, shaˬ ciˬ ciˬ-eu maˬ ehˇ, maˇ cuˬ maˇ lu lu-eu maˬ ehˇ, nyawˬ naˇ doˆ laˇ nya paˬ-ehˇ gʼeh naˇ, piˇ ma Aˬloˬ jawˇ gaˇ maˬ ngeuˇ naˇ, Aˬloˬ-euˬ aˬ li piˇ ma tiˬ gʼaˬ na jawˇ gaˇ ya sheuˬ gʼeh meh.

Uˬ duˬ 13:20

Piˇ ma gʼaˬ aˬ yawꞈ-ahˇ pyehˆ tseˇ haw-awˇ, maˇ cuˬ maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ gaˇ ya mawˇ-awˇ, kʼoeˇ gaˇ tsoꞈ-eu caꞈ hm deuˬ pyuˇ laˇ taˬ-euˬ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ nehˬ meh. Kʼoeˇ-aˬ, shaˬ ciˬ ciˬ gaˇ neh pyeuꞈ doˆ laˇ-euˬ nyawˬ naˇ-eu maˇ naˇ meh.

Uˬ duˬ 13:4

Ehˇ kʼawꞈ, maˇ naˇ kʼoeˇ yaw pyuˇ pyuˇ-ehˇ gʼeh-awˇ, baˆ kʼoˆ naˆ maˬ tseˇ maˬ naꞈ-ehˇ, kʼoeˇ gaˇ tsoꞈ-eu caꞈ hm yaw pyuˇ maˬ pyuˇ naˇ, piˇ ma gʼaˬ, maˇ naˇ naˇ-eu tsawˇ haˬ kʼoeˇ gʼaˬ-ahˇ shiꞈ nah keuˆ ni ya ha lahˇ taˬ meh.

Uˬ duˬ 13:8

Piˇ ma gʼaˬ aˬ yawꞈ-ahˇ tiˬ poˆ paˇ pyehˆ tseˇ haw-awˇ, maˇ naˇ huiˬ laˇ taˬ-eu gaˇ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ paˇ ya daˇ tsehˆ meh. Kʼoeˇ-aˬ, nyawˬ naˇ-eu maˇ naˇ meh.

Uˬ duˬ 14:37

nyawˬ naˇ-eu maˇ naˇ-ahˇ ya pyehˆ tseˇ haw meh. Nyoeˇ la la-eu, maˬ ngeuˇ naˇ, neˇ la la-eu maˇ naˇ deuˬ, nymˇ kaˇ pyawˇ-ahˇ dzaˬ naꞈ taˬ-euˬ gaˇ ya mawˇ naˇ,

Uˬ duˬ 14:54

Heu-aˬ, nyawˬ naˇ-eu jeˬ-ahˇ taꞈ leˇ-eu zahˇ dawˬ kʼoꞈ dawˬ meh.

Uˬ duˬ 5:3

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, tsawˇ haˬ zaˬ-euˬ gʼawˇ mawˇ-ahˇ taꞈ leˇ-eu maˬ shawˇ-eu tiˬ jeˬ na-ahˇ ya toeˬ ciˆ naˇ, aˬ geu jeˬ-ahˇ ya toeˬ ciˆ-euˬ maˬ kaˬ, aˬ yawꞈ kʼoeˇ loꞈ-ehˇ toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu meh.

Haˬgaiˇ 2:11

Sahˬpaˬ Miˬyehˇ ehˇ-eu, “Piˇ ma deuˬ-ahˇ dawˬ heu dawˬ naˇ haˬ-awˇ bi shaˇ noeˬ-awˬ.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Maꞈtehˬ 16:19

Mˬtaˆ Miˇkʼahˬ laˇ gʼoˆ-euˬ mawˬ tawꞈ kahˬ nawˬ-ahˇ ngaˇ biꞈ ma. Miˇ tsaˬ kʼoeˇ taˆ nawˬ neh kʼaˇ laˆ tsoeˬ-euˬ jeˬ, mˬ kʼoeˇ taˆ kʼawꞈ laˆ tsoeˬ-awˇ, miˇ tsaˬ kʼoeˇ taˆ nawˬ neh kʼaˇ bi mˇ-euˬ jeˬ, mˬ kʼoeˇ taˆ kʼawꞈ bi mˇ tehꞈ-a.”

Yoˇhaˬ 20:23

Naw maꞈ neh iˬ baˇ pyehˬ nehˬ-euˬ tsawˇ haˬ-ahˇ Miˬyehˇ iˬ baˇ pyehˬ nehˬ tehꞈ-a. Naw maꞈ neh iˬ baˇ maˬ pyehˬ nehˬ-euˬ tsawˇ haˬ-ahˇ Miˬyehˇ iˬ baˇ maˬ pyehˬ nehˬ-aˇ.”

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.