Uˬ duˬ 13:23 - Akha

²³ Aˬ yawꞈ-aˬ, nyawˬ naˇ-eu tsawˇ haˬ meh. Ehˇ kʼawꞈ, maˇ naˇ kʼoeˇ maˬ huiˬ dzehˬ laˇ-ehˇ aˬ yawꞈ yaw oeˇ loꞈ-ehˇ tehꞈ-ehˇ jaˆ naˇ, shaˬ ciˬ naˇ-eu taˬ leˇ-euˬ maˇ byawꞈ pyeuꞈ-awˇ, tsawˇ haˬ kʼoeˇ gʼaˬ yaw shawˇ meh lehˇ piˇ ma gʼaˬ ya daˇ tsehˆ nehˬ meh.

Uˬ duˬ 13:23 ပူးပေါင်းရင်းမြစ်များ

Aˇ dahˬ 38:26

Myawˬ kʼoeˇ deuˬ-ahˇ Yuˇdaˆ ya mawˇ ngeh, aˬ yawꞈ-euˬ myawˬ pyeuꞈ-eu tiˬ poˆ tehꞈ-ehˇ haw siˬ-awˇ, “Zaˬ miˬ zaˬ heu gʼaˬ maˬ lehˬ-a. Ngaˇ aˬ yawꞈ-ahˇ mˇ nehˬ paˬ-ehˇ gʼeh-eu jeˬ maˬ mˇ nehˬ-euˬ miˇ neh, ngaˬ-ahˇ neh ahˇ-eu meh. Ngaˇ aˬ yawꞈ-ahˇ ngaˬ li Sheˬlahˬ nehˬ-ehˇ bi sheuˬ dahˬ dzaˬ paˬ-ehˇ gʼeh-eu meh” lehˇ ehˇ-eu meh. Kʼoeˇ naˇ, zaˬ miˬ zaˬ kʼoeˇ gʼaˬ nehˬ-ehˇ Yuˇdaˆ tiˬ jawˇ-iˬ maˬ paˇ yuꞈ taꞈ ni jawˇ-euˬ meh.

2 Saˬmeuˬlaˆ 12:13

Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Uˬ duˬ 13:22

Maˇ naˇ kʼoeˇ paˇ huiˬ dzehˬ laˇ naˇ, tsawˇ haˬ kʼoeˇ gʼaˬ maˬ shawˇ-a lehˇ piˇ ma gʼaˬ ya daˇ tsehˆ nehˬ meh.

Uˬ duˬ 13:24

Tsawˇ haˬ tiˬ gʼaˬ na, miˬ dzaˬ laˆ lahˇ-awˇ, shaˬ jiˇ yaw pyuˇ pyuˇ-ehˇ pyeuꞈ laˇ-euˬ maˬ ehˇ, neˇ ba ba laˇ-euˬ maˬ ehˇ,

Uˬ duˬ 13:26

Ehˇ kʼawꞈ, kʼoeˇ gaˇ tsoꞈ-eu caꞈ hm yaw pyuˇ ma pyuˇ-ehˇ, maˇ naˇ kʼoeˇ baˆ kʼoˆ naˆ maˬ tseˇ maˬ naꞈ ni, ui cuiˆ yaw naˆ naˆ-ehˇ gʼeh naˇ, tsawˇ haˬ kʼoeˇ gʼaˬ-ahˇ, piˇ ma gʼaˬ shiꞈ nah keuˆ ni ya ha lahˇ taˬ meh.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.