Uˬ duˬ 11:7 - Akha

⁷ Aˬzaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, naw maꞈ gʼaˇ duˬ maˬ shawˇ-a.

Uˬ duˬ 11:7 ပူးပေါင်းရင်းမြစ်များ

Iˇsaˬyaˇ 65:4

Uˬ ciꞈ sehˇ gʼahˇ lmˬ bymˇ lo kʼahˬ doe ni iˇ-awˇ, shiˇ dzeuˇ-euˬ tsawˇ haˬ-ahˇ mehˬ bawˬ mˇ-iˇ-eu meh. Aˬ yawꞈ maꞈ aˬ zaꞈ shaˬ jiˇ dzaˬ-euˬ meh. Lawˇ ciꞈ zaˬ neh lawˇ-euˬ shaˬ jiˇ puꞈ dawˇ-euˬ meh.

Iˇsaˬyaˇ 66:17

Sahˬpaˬ Miˬyehˇ heu loꞈ-ehˇ ehˇ-eu meh. “Lawˇ ciꞈ zaˬ-euˬ uˬ duˬ tahˬ-eu zahˇ sahˇ kʼoꞈ-ahˇ gʼoe-eu laꞈ kʼoeˇ gʼawˇ mawˇ shawˇ-awˇ, muiˬ-eu shawˇ-eu yaˇ kmˇ-ahˇ aˬ cawˬ-euˬ mehˬ nah caw teh-iˇ-eu uˬ taꞈ, aˬ zaꞈ shaˬ jiˇ, ho caꞈ hawˇ-eu maˬ dzaˬ kʼmˬ-eu dzaˇ deuˬ dzaˬ-eu tsawˇ haˬ deuˬ gʼaˇ duˬ, aˇ saˬ saˬ-eu aˇ nah aˇ yamˬ peh le luꞈ meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Uˬ duˬ 11:3

Kuiˇ sehˬ nyiˬ paˆ baw-awˇ, dzaˇ jiˆ jiˆ-eu jeˬ zaˬ deuˬ dzaˬ kʼmˬ meh.

Uˬ duˬ 11:6

Lahˬ-aˬ, dzaˇ jiˆ jiˆ kʼawꞈ, kuiˇ sehˬ nyiˬ paˆ maˬ baw-eu miˇ neh, naw maꞈ gʼaˇ duˬ maˬ shawˇ-a.

Uˬ duˬ 11:8

Jeˬ zaˬ heu deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, jeˬ zaˬ heu deuˬ shiˇ taˬ-eu gaˇ maˬ toeˬ ciˆ kʼmˬ-a. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh.

Maꞈtehˬ 7:6

“Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Luˇkaꞈ 15:15

Kʼoeˇ ngeh, miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ tiˬ gʼaˬ jawˇ gaˇ jawˇ-iˇ-awˇ, tsawˇ haˬ kʼoeˇ gʼaˬ aˬ yawꞈ-ahˇ deh yaˇ-ahˇ aˬ zaꞈ bi bo-euˬ meh.

Luˇkaꞈ 8:33

Nehꞈ kʼoeˇ deuˬ tsawˇ haˬ kʼoeˇ gʼaˬ-euˬ laꞈ kʼoeˇ neh doˆ-iˇ-awˇ, aˬ zaꞈ kʼoeˇ deuˬ laꞈ kʼoeˇ uˇ-iˇ-euˬ meh. Kʼoeˇ ngeh, aˬ zaꞈ kʼoeˇ maꞈ maꞈ lah-ehˇ, gawˬ jawˬ baˬ gʼa gʼa pyaꞈ-ahˇ sehˇ ka gʼeh-awˇ, lah-ahˇ ga puꞈ sehꞈ jiˇ-euˬ meh.

Dawˬmehˬ 14:8

Aˬ zaꞈ shaˬ jiˇ maˬ dzaˬ kʼmˬ-a. Aˬ zaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, maˬ shawˇ-eu jeˬ zaˬ lehˇ ya sawˇ meh. Jeˬ zaˬ kʼoeˇ deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.