Uˬ duˬ 11:40 - Akha

⁴⁰ Tsawˇ haˬ tiˬ gʼaˬ na, shiˇ taˬ-euˬ jeˬ zaˬ kʼoeˇ mawˇ-euˬ shaˬ jiˇ dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ-euˬ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ tiˬ gʼaˬ pyeuꞈ-eu meh. Shiˇ taˬ-euˬ jeˬ zaˬ kʼoeˇ mawˇ laˆ lehꞈ-euˬ tsawˇ haˬ aˬ geu gʼaˬ maˬ kaˬ, aˬ yawꞈ-euˬ mehˬ tsoeˬ ya lehˬ tsiˬ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 11:40 ပူးပေါင်းရင်းမြစ်များ

Doˆ-iˇ 22:31

“Naw maꞈ-aˬ, ngaˬ-euˬ tsawˇ haˬ pyeuꞈ-eu miˇ neh, bawˇ tsahˬ jeˬ zaˬ yaw gʼeh deuˬ neh kawꞈ sehꞈ-euˬ jeˬ zaˬ shaˬ jiˇ maˬ ya dzaˬ-a. Shaˬ jiˇ kʼoeˇ deuˬ aˬ kuiˬ-ahˇ ya bi dzaˬ meh.

Iˇsaˬyaˇ 1:16

Yawˬ haˇ yawˬ ha tsiˬ shawˇ-awˬ. Yawˬ haˇ yawˬ ha mˇ shawˇ-awˬ. Ngaˬ-euˬ mehˬ shi naw maꞈ kʼaˇ mˇ-euˬ yaw haiˬ jeˬ, dawˬ tawˆ luꞈ byehˇ dzeh-awˬ. Yaw haiˬ jeˬ maˬ mˇ ni dehꞈ paˇ-awˬ.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 44:31

Aˇ jiˇ shaˬ jiˇ, aˬ yawˇ yawꞈ shiˇ-euˬ jeˬ zaˬ shaˬ jiˇ hawˇ-eu, jeˬ zaˬ cawˬ cawˬ laˆ sehꞈ-euˬ shaˬ jiˇ, piˇ ma deuˬ maˬ ya dzaˬ-a.”

Uˬ duˬ 11:25

Shiˇ taˬ-euˬ jeˬ zaˬ heu deuˬ laˆ lehꞈ-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 11:28

Shiˇ taˬ-euˬ jeˬ zaˬ kʼoeˇ deuˬ kʼaˇ sheu dzeh-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ pyeuꞈ-eu meh.

Uˬ duˬ 11:39

Dzaˬ kʼmˬ-eu jeˬ zaˬ tiˬ mawˇ na shiˇ taˬ-euˬ gaˇ, tsawˇ haˬ tiˬ gʼaˬ na ya toeˬ ciˆ naˇ, uˬ ciꞈ paw keuˆ ni, tsawˇ haˬ kʼoeˇ gʼaˬ maˬ shawˇ-a.

Uˬ duˬ 14:46

Nymˇ kʼoeˇ nymˇ-ahˇ laˇ gʼoˆ diˬ tehˬ taˬ ngeh, kʼaˇ uˇ leˇ-euˬ tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a.

Uˬ duˬ 15:15

Piˇ ma gʼaˬ aˇ jiˇ kʼoeˇ nyiˬ mawˇ yuˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ nehˬ meh. Tsawˇ haˬ kʼoeˇ gʼaˬ bi shawˇ laˇ-eu gʼaˇ duˬ, piˇ ma gʼaˬ kʼoeˇ loꞈ-ehˇ zahˇ ya jahˇ nehˬ meh.

Uˬ duˬ 15:27

Kʼoeˇ deuˬ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, maˬ shawˇ-eu miˇ neh, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-a.

Uˬ duˬ 16:26

Bawˇ tsahˬ bawˇ dahˇ-ahˇ, Aˬzaˬzeˬlaˇ jawˇ gaˇ ciꞈ myehꞈ bi teh ha-iˇ-eu tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ laˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh.

Uˬ duˬ 16:28

Jeˬ zaˬ kʼoeˇ nyiˬ mawˇ miˬ dzaˬ-ahˇ dzah puiˆ dzeh-euˬ tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ leˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ-awˇ, iˇ cuꞈ ya dzuiꞈ meh.

Uˬ duˬ 22:6

Maˬ shawˇ ni pyeuꞈ-iˇ-euˬ piˇ ma aˬ geu gʼaˬ maˬ kaˬ, uˬ ciꞈ paw keuˆ ni, maˬ shawˇ-a. Uˬ ciꞈ keuˆ le gʼaˬ-euˬ kʼawꞈ, iˇ cuꞈ maˬ dzuiꞈ shawˇ gʼaˬ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a.

Uˬ duˬ 22:8

Aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, aˬ yawꞈ maˬ ya dzaˬ-a. Kʼoeˇ loꞈ-ehˇ dzaˬ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni jahˇ gaˇ duˇ-eu meh. Ngaˇ-aˬ, Sahˬpaˬ Miˬyehˇ ma.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Bawˇtsahˬ 19:19

Smˬ nah aˬ yawꞈ nah hawˇ-eu shiꞈ nah aˬ yawꞈ nah-ahˇ, shawˇ-eu tsawˇ haˬ tiˬ gʼaˬ maˬ shawˇ-eu tsawˇ haˬ kʼoeˇ gʼaˬ-ahˇ iˇ cuꞈ kʼoeˇ neh ya byaˆ shehˬ nehˬ meh. Shiꞈ nah aˬ yawꞈ nah-ahˇ maˬ shawˇ-eu tsawˇ haˬ kʼoeˇ gʼaˬ-ahˇ aˬ yawꞈ maꞈ mˇ shawˇ nehˬ-awˇ, tsawˇ haˬ kʼoeˇ gʼaˬ yawˬ ha-euˬ mehˬ tsoeˬ lehˬ tsiˬ-awˇ, yawˬ haˇ yawˬ ha iˇ cuꞈ ya kuˬ shehˬ meh. Kʼoeˇ naˇ, kʼoeˇ ngeh nah nahˇ ma ga ahˇ ngeh aˬ yawꞈ shawˇ laˇ-eu meh.

1 Gawˇliˬtu 10:21

Sahˬpaˬ Yeˬsuˇ-euˬ kʼmˬ maˬ hawˇ-eu nehꞈ-euˬ kʼmˬ maˬ heu nyiˬ jeˬ luꞈ-ahˇ naw maꞈ maˬ dawˇ nya-a. Sahˬpaˬ Yeˬsuˇ-euˬ hawˬ jeh hawˇ-eu nehꞈ-euˬ hawˬ jeh heu nyiˬ jeˬ luꞈ-ahˇ naw maꞈ maˬ dzaˬ nya-a.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Dawˬmehˬ 14:21

“Aˬ yawˇ yawꞈ shiˇ-euˬ jeˬ zaˬ deuˬ naw maꞈ maˬ dzaˬ kʼmˬ-a. Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ bi dzaˬ nya meh. Maˬ ngeuˇ naˇ, boeˇ miˬ siˬ kʼaˬ nui deuˬ-ahˇ ahˬ nehˬ nya meh. Ehˇ kʼawꞈ, naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taꞈ-awˇ, aˬ yawꞈ-euˬ tsawˇ jeuˬ pyeuꞈ-eu meh. “Yawˇ zaˬ hawˇ-eu ciꞈ myehꞈ ciꞈ zaˬ-ahˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.