Uˬ duˬ 11:24 - Akha

²⁴ Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 11:24 ပူးပေါင်းရင်းမြစ်များ

Iˇsaˬyaˇ 22:14

Baoˬ huiˬ-eu Sahˬpaˬ Miˬyehˇ ngaˬ-ahˇ ehˇ-eu, “Aˬ yawꞈ maꞈ ziˇ jiˇ ngeh keuˆ ni, iˬ baˇ heu ngaˇ maˬ pyehˬ nehˬ lehˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu ngaˇ Sahˬpaˬ Miˬyehˇ ehˇ-eu ma.”

Uˬ duˬ 11:23

Ehˇ kʼawꞈ, aˬ dahˇ tsoꞈ-awˇ aˬ kuiˇ oeˬ kahˬ tsoꞈ-eu aˬ nah aˬ dzeˇ aˇ mawˇ deuˬ-aˬ, maˬ shawˇ-a.

Uˬ duˬ 11:25

Shiˇ taˬ-euˬ jeˬ zaˬ heu deuˬ laˆ lehꞈ-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 11:31

Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh. Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a.

Uˬ duˬ 11:8

Jeˬ zaˬ heu deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, jeˬ zaˬ heu deuˬ shiˇ taˬ-eu gaˇ maˬ toeˬ ciˆ kʼmˬ-a. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh.

Uˬ duˬ 14:46

Nymˇ kʼoeˇ nymˇ-ahˇ laˇ gʼoˆ diˬ tehˬ taˬ ngeh, kʼaˇ uˇ leˇ-euˬ tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a.

Uˬ duˬ 15:10

Tsawˇ haˬ kʼoeˇ gʼaˬ neh nuiˇ zaˬ-euˬ myawˬ-ahˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a. Tsawˇ haˬ kʼoeˇ gʼaˬ neh nuiˇ zaˬ gʼaˬ-euˬ myawˬ-ahˇ kʼaˇ baꞈ kʼaˇ pi-eu tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:11

Maˇ uiˇ yoeˇ-eu tsawˇ haˬ tiˬ gʼaˬ, yawˬ ha-euˬ aˬ laꞈ maˬ dzuiꞈ shawˇ mi naˆ-ehˇ, tsawˇ haˬ tiˬ gʼaˬ na-ahˇ toeˬ ciˆ naˇ, bi toeˬ ciˆ-euˬ tsawˇ haˬ kʼoeˇ gʼaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:15

Piˇ ma gʼaˬ aˇ jiˇ kʼoeˇ nyiˬ mawˇ yuˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ nehˬ meh. Tsawˇ haˬ kʼoeˇ gʼaˬ bi shawˇ laˇ-eu gʼaˇ duˬ, piˇ ma gʼaˬ kʼoeˇ loꞈ-ehˇ zahˇ ya jahˇ nehˬ meh.

Uˬ duˬ 15:21

Aˬ yawꞈ-euˬ yuꞈ zaˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-a.

Uˬ duˬ 15:22

Zaˬ miˬ zaˬ kʼoeˇ gʼaˬ neh nuiˇ tehˬ-euˬ jeˬ-ahˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:23

Aˬ yawꞈ-euˬ yuꞈ zaˇ-ahˇ maˬ ehˇ, aˬ yawꞈ neh kʼaˇ nuiˇ zaˬ-euˬ aˬ geu jeˬ-ahˇ maˬ ehˇ, toeˬ ciˆ leˇ-eu gʼaˬ-aˬ, uˬ ciꞈ paw keuˆ ni maˬ shawˇ-a.

Uˬ duˬ 15:27

Kʼoeˇ deuˬ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, maˬ shawˇ-eu miˇ neh, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-a.

Uˬ duˬ 15:5

Aˬ yawꞈ-euˬ yuꞈ zaˇ-ahˇ kʼaˇ toeˬ ciˆ leˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:6

Maˇ uiˇ yoeˇ-eu tsawˇ haˬ neh nuiˇ-euˬ tsahˇ-ahˇ nuiˇ zaˬ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:7

Maˇ uiˇ yoeˇ-eu tsawˇ haˬ-euˬ gʼawˇ mawˇ-ahˇ kʼaˇ toeˬ ciˆ leˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 15:8

Maˇ uiˇ yoeˇ-eu tsawˇ haˬ kʼoeˇ gʼaˬ neh duˬ kʼaˬ bi kʼa daˆ-euˬ tsawˇ haˬ yaw shawˇ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, yawˬ ha-euˬ gʼawˇ mawˇ iˇ cuꞈ ya dzuiꞈ shawˇ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 16:26

Bawˇ tsahˬ bawˇ dahˇ-ahˇ, Aˬzaˬzeˬlaˇ jawˇ gaˇ ciꞈ myehꞈ bi teh ha-iˇ-eu tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ laˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh.

Uˬ duˬ 16:28

Jeˬ zaˬ kʼoeˇ nyiˬ mawˇ miˬ dzaˬ-ahˇ dzah puiˆ dzeh-euˬ tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ leˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ-awˇ, iˇ cuꞈ ya dzuiꞈ meh.

Uˬ duˬ 22:4

“Aˬloˬ-euˬ aˬ li deuˬ laꞈ kʼoeˇ, nyawˬ naˇ-eu tsawˇ haˬ deuˬ hawˇ-eu, maˇ uiˇ yoeˇ-eu tsawˇ haˬ deuˬ-aˬ, aˬ yawꞈ maꞈ-euˬ gʼawˇ mawˇ maˬ muiˬ maˬ shawˇ laˇ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a. Piˇ ma tiˬ gʼaˬ, shiˇ taˬ-euˬ jeˬ-ahˇ taꞈ-eu maˬ shawˇ-eu mˇ myawˬ tiˬ jeˬ na-ahˇ toeˬ ciˆ-euˬ maˬ kaˬ, yawˬ ha-euˬ gʼawˇ mawˇ aˇ yoeˬ yoeˇ doˆ-eu maˬ kaˬ, maˬ shawˇ-eu piˇ ma pyeuꞈ-eu meh.

Uˬ duˬ 22:5

Maˬ shawˇ-eu tsawˇ haˬ hawˇ-eu jeˬ zaˬ-ahˇ, aˬ yawꞈ toeˬ ciˆ naˇ, maˬ shawˇ-eu piˇ ma pyeuꞈ-iˇ-eu meh.

Uˬ duˬ 22:6

Maˬ shawˇ ni pyeuꞈ-iˇ-euˬ piˇ ma aˬ geu gʼaˬ maˬ kaˬ, uˬ ciꞈ paw keuˆ ni, maˬ shawˇ-a. Uˬ ciꞈ keuˆ le gʼaˬ-euˬ kʼawꞈ, iˇ cuꞈ maˬ dzuiꞈ shawˇ gʼaˬ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a.

Uˬ duˬ 5:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, zahˇ sahˇ kʼoꞈ laꞈ kʼoeˇ maˬ shawˇ-eu jeˬ lehˇ myahˇ taˬ-euˬ tiˬ jeˬ paˬ-ahˇ ya toeˬ ciˆ naˇ, yaw jeˬ ma jeˬ, shiˇ taˬ-eu jeˬ zaˬ tiˬ mawˇ na-ahˇ ya toeˬ ciˆ naˇ, aˬ yawꞈ kʼoeˇ loꞈ-ehˇ ya toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu maˬ shawˇ-eu tsawˇ haˬ pyeuꞈ laˇ-euˬ meh.

Uˬ duˬ 7:21

Tsawˇ haˬ tiˬ gʼaˬ na, tsawˇ haˬ zaˬ-ahˇ taꞈ-eu maˬ ehˇ, jeˬ zaˬ-ahˇ taꞈ-eu maˬ ehˇ, zahˇ sahˇ kʼoꞈ-ahˇ maˬ tsaˬ-eu maˬ shawˇ-eu tiˬ jeˬ na-ahˇ toeˬ ciˆ gʼaˬ-awˇ, lawˇ gʼaˬ shehˇ gʼaˬ-euˬ jeˬ zaˬ-euˬ shaˬ jiˇ dzaˬ naˇ, Miˬyehˇ-euˬ tsawˇ haˬ lehˇ maˬ paˇ sawˇ nya meh.

Bawˇtsahˬ 19:7

Kʼoeˇ naˇ, yawˬ ha-euˬ mehˬ tsoeˬ lehˬ tsiˬ-awˇ, aˬ yawˇ yawꞈ iˇ cuꞈ kuˬ shehˬ gʼaˬ ngeh, pu-ahˇ ya gʼoꞈ uˇ le meh. Ehˇ kʼawꞈ, aˬ yawꞈ-aˬ, uˬ ciꞈ uˬ taw paw keuˆ ni maˬ shawˇ-eu tsawˇ haˬ pyeuꞈ-eu meh.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Eˇpeˇsu 5:11

A cawˬ mˇ luꞈ-eu yaw zahˇ-ahˇ taꞈ leˇ-eu gaˇ dahˇ maˬ tsoeˬ-eu jeˬ-ahˇ tiˬ pawꞈ-iˬ maˬ mˇ ni, yaw shehꞈ laꞈ kʼoeˇ yuˇ doˆ laꞈ-awˬ.

Gawˇlawˇsehˇ 2:20

Naw maꞈ Ka li nehˬ-ehˇ shiˇ-awˇ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ-euˬ laꞈ-ahˇ ya buˬ ya law-iˇ-euˬ meh. Toˆ-ehˇ ngeuˇ naˇ, aˬ jeˬ miˇ neh naw maꞈ miˇ tsaˬ heu-ahˇ taꞈ-eu tsawˇ haˬ loꞈ-ehˇ dehꞈ te. Aˬ jeˬ miˇ neh naw maꞈ zahˇ sahˇ kʼoꞈ heu deuˬ-ahˇ caw teh-awˇ,

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.