Uˬ duˬ 11:2 - Akha

² Heu-aˬ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ zaˬ deuˬ laꞈ kʼoeˇ, naw maꞈ dzaˬ nya-eu deuˬ pyeuꞈ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 11:2 ပူးပေါင်းရင်းမြစ်များ

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Daˬyeˬlaˇ 1:8

Sahˬ paˬ-euˬ hawˇ nymˇ-ahˇ jaˆ-eu dzaˇ hawˇ-eu aˬ gaꞈ dzaˇ uiˇ deuˬ-ahˇ dzaˬ-eu dawˇ-eu laꞈ kʼoeˇ, aˬ yawꞈ-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ jahˇ lehˇ, Daˬyeˬlaˇ noeˬ tsehˆ-euˬ meh. Kʼoeˇ miˇ neh, aˬ yawꞈ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, sahˬ paˬ hawˇ nymˇ-ahˇ dzaˬ-eu dzaˇ deuˬ maˬ dzaˬ ni ya jawˇ-eu gʼaˇ duˬ, Aˬshaˇpeˬnaˆ-ahˇ aˬ yawꞈ shaˇ-euˬ meh.

Uˬ duˬ 11:1

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh zahˇ sahˇ kʼoꞈ heu deuˬ biꞈ nehˬ-euˬ meh.

Uˬ duˬ 11:11

Kʼoeˇ loꞈ-ehˇ gʼeh-eu deuˬ-aˬ, maˬ muiˬ maˬ shawˇ-a lehˇ naw maꞈ ya sawˇ meh. Kʼoeˇ deuˬ-ahˇ naw maꞈ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.

Uˬ duˬ 11:13

Aˇ jiˇ deuˬ laꞈ kʼoeˇ heu deuˬ-aˬ, maˬ shawˇ-eu aˇ jiˇ deuˬ pyeuꞈ-eu miˇ neh, naw maꞈ maˬ dzaˬ kʼmˬ-a. Kʼaˬ dzeˇ dzeˇ ma, kʼaˬ dzeˇ jeˬ shiˇ, kʼaˬ dzeˇ bu,

Uˬ duˬ 11:21

Ehˇ kʼawꞈ, aˬ dahˇ tsoꞈ-eu aˇ mawˇ deuˬ laꞈ kʼoeˇ, bawˇ teuˆ tsoꞈ-awˇ teuˆ gahˇ nya-eu aˇ mawˇ deuˬ dzaˬ kʼmˬ meh.

Uˬ duˬ 11:29

Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, naw maꞈ gʼaˇ duˬ maˬ shawˇ-eu jeˬ zaˬ deuˬ-aˬ, kʼahˬ sehˇ laꞈ pyaˆ, ho caꞈ, uiˇ zawˇ nyoeˇ,

Uˬ duˬ 11:3

Kuiˇ sehˬ nyiˬ paˆ baw-awˇ, dzaˇ jiˆ jiˆ-eu jeˬ zaˬ deuˬ dzaˬ kʼmˬ meh.

Uˬ duˬ 11:34

Aˬ myah luꞈ dzaˬ luꞈ-eu dzaˇ deuˬ kʼoeˇ taˆ, mui deuˇ oeˬ lahˬ kʼoeˇ siˬ-ahˇ dahˬ-eu iˇ cuꞈ dzaˆ shehˬ naˇ, maˬ shawˇ-eu dzaˇ pyeuꞈ-iˇ-euˬ meh. Mui deuˇ oeˬ lahˬ kʼoeˇ siˬ-ahˇ kʼaˇ dahˬ-eu dawˇ nya-eu dzaˇ uiˇ dawˬ tawˆ luꞈ, maˬ shawˇ-eu dzaˇ uiˇ pyeuꞈ jiˇ-eu meh.

Uˬ duˬ 11:39

Dzaˬ kʼmˬ-eu jeˬ zaˬ tiˬ mawˇ na shiˇ taˬ-euˬ gaˇ, tsawˇ haˬ tiˬ gʼaˬ na ya toeˬ ciˆ naˇ, uˬ ciꞈ paw keuˆ ni, tsawˇ haˬ kʼoeˇ gʼaˬ maˬ shawˇ-a.

Uˬ duˬ 11:4

Ehˇ kʼawꞈ, dzaˇ jiˆ jiˆ-awˇ kuiˇ sehˬ maˬ paˆ-eu jeˬ zaˬ deuˬ maˬ ehˇ, kuiˇ sehˬ paˆ-awˇ dzaˇ jiˆ maˬ jiˆ-eu jeˬ zaˬ deuˬ maˬ ehˇ, maˬ dzaˬ kʼmˬ-a. Law taw-aˬ, dzaˇ jiˆ jiˆ kʼawꞈ, kuiˇ sehˬ maˬ paˆ-eu miˇ neh, naw maꞈ gʼaˇ duˬ maˬ shawˇ-a.

Uˬ duˬ 11:9

Yehˇ ma hawˇ-eu ngaˬ gʼaw kʼaˇ tsoꞈ-eu aˬ geu jeˬ ngaˬ shaˬ maˬ kaˬ, dzaˬ kʼmˬ meh.

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.