Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Uˬ duˬ 11:13 - Akha

13 Aˇ jiˇ deuˬ laꞈ kʼoeˇ heu deuˬ-aˬ, maˬ shawˇ-eu aˇ jiˇ deuˬ pyeuꞈ-eu miˇ neh, naw maꞈ maˬ dzaˬ kʼmˬ-a. Kʼaˬ dzeˇ dzeˇ ma, kʼaˬ dzeˇ jeˬ shiˇ, kʼaˬ dzeˇ bu,

အခန်းကိုကြည့်ပါ။ ကော်ပီ




Uˬ duˬ 11:13
18 ပူးပေါင်းရင်းမြစ်များ  

Kʼaˬ lo duˬ kʼahˬ-ahˇ iˇ-eu gaˇ ma-ahˇ kʼaˬ dzeˇ pyawˆ maˬ haw mawˇ nya-ehˇ, jeˬ shiˇ kʼaˬ dzeˇ deuˬ kʼoeˇ-euˬ kʼoeˇ taˆ tiˬ jawˇ-iˬ maˬ zaw tsehˆ haw-aˬ.


Awꞈ-aꞈ deuˬ dzaˇ mehꞈ mehꞈ-ehˇ zaw-awˇ, aˬ yawꞈ maꞈ-euˬ zaˬ deuˬ dzaˇ bi dzaˬ laꞈ lehˇ ngaˬ-ahˇ shaˇ ngeh, awꞈ-aꞈ kʼoeˇ deuˬ-ahˇ aˬ suˇ gʼaˬ dzaˇ biꞈ nehˬ ta.


Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.


Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”


Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, Mawˇbaˆ miˇ kʼahˬ kʼoeˇ taˆ tsawˇ jeuˬ tiˬ jeuˬ ga dawꞈ le tehꞈ-a.


Nga maꞈ-euˬ mehˬ nah teh-eu deuˬ, mˬ taˆ kʼaˬ dzeˇ maˬ tseˇ kawˇ-awˇ, gawˬ jawˬ kʼoeˇ taˆ teh ka leꞈ-awˇ, bawˇ tsahˬ-ahˇ jawˇ-awˇ loꞈ luꞈ meh.


Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.


Kʼoeˇ loꞈ-ehˇ gʼeh-eu deuˬ-aˬ, maˬ muiˬ maˬ shawˇ-a lehˇ naw maꞈ ya sawˇ meh. Kʼoeˇ deuˬ-ahˇ naw maꞈ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a.


Dahˇ teˇ hawˇ-eu ngaˬ gʼaw maˬ tsoꞈ-eu iˇ cuꞈ laꞈ kʼoeˇ kʼaˇ jawˇ-eu jeˬ-ahˇ naw maꞈ taˬ dzaˬ.


“Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.


Ngaˇ paˇ haw daˆ leꞈ ngeh, hahˬ byaꞈ-euˬ aˬ dahˇ loꞈ-ehˇ gʼaˬ kʼaˆ dui dui-eu aˬ dahˇ tsoꞈ-eu zaˬ miˬ zaˬ nyiˬ gʼaˬ, ngaˇ jawˇ paw zaw ka leꞈ gaˇ ya mawˇ-euˬ ma. Aˬ yawꞈ nyaꞈ pawˬ tuˇ kʼoeˇ siˬ tsi-awˇ paˇ zaw daˆ kʼoꞈ leꞈ-euˬ meh.


“Tsawˇ shiˇ kʼaˇ ga gaˇ kʼaˬ dzeˇ jeˬ shiˇ uiˬ le tehꞈ-a.


Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ