Uˬ duˬ 11:1 - Akha

¹ Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh zahˇ sahˇ kʼoꞈ heu deuˬ biꞈ nehˬ-euˬ meh.

Uˬ duˬ 11:1 ပူးပေါင်းရင်းမြစ်များ

Aˇ dahˬ 7:2

Zahˇ jahˇ gaˇ geuꞈ nya-eu shawˇ-eu jeˬ zaˬ deuˬ laꞈ kʼoeˇ, tiˬ jeˬ-euˬ shiꞈ gu nawˬ nehˬ-ehˇ saˇ baoˬ laꞈ kʼoeˇ nyehꞈ uˇ gʼeh-awˬ. Ehˇ kʼawꞈ, maˬ shawˇ-eu jeˬ zaˬ deuˬ laꞈ kʼoeˇ, tiˬ jeˬ-euˬ tiˬ gu tehꞈ-ehˇ nyehꞈ uˇ gʼeh-awˬ.

Aˇ dahˬ 8:20

Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ Noˇaˬ tsoˆ-euˬ meh. Zahˇ jahˇ gaˇ geuꞈ nya-eu jeˬ zaˬ aˇ jiˇ yaw shawˇ jeˬ dawˬ tawˆ luꞈ laꞈ kʼoeˇ, tiˬ jeˬ-euˬ tiˬ gu yuˇ-awˇ, gʼawˇ mawˇ mawˇ lah-ehˇ lawˇ duˬ kʼoeˇ taˆ dzah puiˆ-awˇ lawˇ-euˬ meh.

Aˇ dahˬ 9:3

Kʼoeˇ deuˬ-ahˇ maˬ ehˇ, sahˬ lahˬ gʼawˬ daˇ deuˬ-ahˇ maˬ ehˇ, naw maꞈ dzaˬ nya tehꞈ-a. Kʼoeˇ deuˬ dawˬ tawˆ luꞈ naw maꞈ bi dzaˬ-eu gʼaˇ duˬ, naw maꞈ-ahˇ ngaˇ biꞈ-eu ma.

Uˬ duˬ 10:20

Dawˬ kʼoeˇ dawˬ-ahˇ Moˇseˬ ya gaˬ ngeh, nui kʼahˇ shiˇ-euˬ meh.

Uˬ duˬ 11:2

Heu-aˬ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ zaˬ deuˬ laꞈ kʼoeˇ, naw maꞈ dzaˬ nya-eu deuˬ pyeuꞈ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 15:1

Zahˇ sahˇ kʼoꞈ heu deuˬ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ biꞈ-euˬ meh.

Uˬ duˬ 20:25

Kʼoeˇ miˇ neh, jeˬ zaˬ aˇ jiˇ deuˬ laꞈ kʼoeˇ, shawˇ-eu jeˬ hawˇ-eu maˬ shawˇ-eu jeˬ naw maꞈ ya tseˇ paˆ geuꞈ meh. Maˬ shawˇ-eu jeˬ zaˬ aˇ jiˇ deuˬ taˬ dzaˬ. Ngaˬ neh maˬ shawˇ-a lehˇ ehˇ tsehˆ taˬ-euˬ jeˬ-ahˇ naw maꞈ dzaˬ naˇ, naw maꞈ maˬ shawˇ-a.

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Dawˬmehˬ 14:4

Naw maꞈ dzaˬ nya-eu jeˬ zaˬ deuˬ-aˬ, mawˇ neˇ, yawˇ, ciꞈ myehꞈ,

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.