Uˬ duˬ 10:2 - Akha

² Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, Sahˬpaˬ Miˬyehˇ-euˬ mehˬ shi, aˬ yawꞈ nyaꞈ-ahˇ miˬ dzaˬ puiˆ sehꞈ-euˬ meh.

Uˬ duˬ 10:2 ပူးပေါင်းရင်းမြစ်များ

2 Saˬmeuˬlaˆ 6:7

Sahˬpaˬ Miˬyehˇ pyeuꞈ-eu Miˬyehˇ tiˬ poˆ tehꞈ-ehˇ nui ma pehˇ laˇ-awˇ, Awˇzah-ahˇ bi shiˇ-euˬ meh. Aˬ jeˬ miˇ neh ehˇ naˇ, maˬ toeˬ ciˆ kʼmˬ-eu jeˬ-ahˇ aˬ yawꞈ toeˬ ciˆ-euˬ meh. Awˇzah-aˬ, Dawˬ ma saˇ jaˇ Bahˬ keuˆ dawˬ peh shiˇ taˬ-awˇ ga-eu meh.

1 Sahˬpaˬ 13:28

Aˬ yawꞈ iˇ haw ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ gaˇ ma-ahˇ ga-awˇ, mahˬ tahˬ laˆ hawˇ-eu aˇ laˬ jaˬ shiˇ kʼoeˇ mawˇ aˬ yawꞈ dawˬ peh yawꞈ luꞈ gaˇ ya mawˇ-euˬ meh. Aˇ laˬ jaˬ shiˇ kʼoeˇ mawˇ tsawˇ haˬ kʼoeˇ gʼaˬ-euˬ shaˬ jiˇ maˬ dzaˬ-ehˇ, mahˬ tahˬ laˆ kʼoeˇ mawˇ-ahˇ kʼawꞈ maˬ kawꞈ ni jawˇ-eu meh.

1 Sahˬpaˬ 18:38

Kʼoeˇ ngeh, Sahˬpaˬ Miˬyehˇ miˬ dzaˬ pyehˬ ka leꞈ-awˇ, lawˇ-euˬ jeˬ-ahˇ maˬ ehˇ, miˬ dzaˬ miˬ kawˬ-ahˇ maˬ ehˇ, kʼaˬ lo-ahˇ maˬ ehˇ, miˇ tsaˬ-ahˇ maˬ ehˇ, doꞈ leˇ-awˇ, kʼawˇ lawˬ duˬ caˬ taˬ-euˬ gaˇ dahˬ-eu iˇ cuꞈ gui-iˇ-euˬ meh.

2 Sahˬpaˬ 1:10

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dzaˬ ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ” lehˇ, Eˇliˇyaˆ ehˇ kʼoꞈ nehˬ-euˬ meh. Kʼoeˇ ngeh, ja pyuˬ ni mˬ kʼoeˇ taˆ neh miˬ dzaˬ ga le-awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ haˬ deuˬ-ahˇ puiˆ sehꞈ-euˬ meh.

2 Sahˬpaˬ 1:12

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dza ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, ja pyuˬ ni mˬ kʼoeˇ taˆ neh miˬ dzaˬ ga le -awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ ha deuˬ-ahˇ puiˆ sehꞈ-euˬ meh.

1 Laˬsaˬbaˬ 13:10

Kʼoeˇ ngeh, Sahˬpaˬ Miˬyehˇ ja pyuˬ ni nui ma pehˇ laˇ-awˇ, Awˇzah-ahˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-ahˇ aˬ yawꞈ toeˬ ciˆ-euˬ miˇ neh meh. Kʼoeˇ tsahˇ-ahˇ Miˬyehˇ-euˬ mehˬ shi aˬ yawꞈ shiˇ tsehˆ-euˬ meh.

1 Laˬsaˬbaˬ 15:13

Aˬ jeˬ miˇ neh ehˇ naˇ, yaw beh poˆ nga maꞈ baꞈ-iˇ-awˇ, aˬ yawꞈ-ahˇ uˬ duˬ tahˬ paˬ-ehˇ gʼeh-eu kʼawꞈ, uˬ duˬ maˬ tahˬ-euˬ miˇ neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼehˬ nehˬ laꞈ ngeh poˆ, naw maꞈ maˬ ahˇ-a.”

1 Laˬsaˬbaˬ 24:2

Naˬdehˇ hawˇ-eu Aˬbiˇhuˬ aˬ nyaꞈ nmˇ zaˬ tiˬ gʼaˬ-iˬ maˬ jawˇ le-ehˇ, aˬ da gʼaˬ-euˬ jeˬ hu shiˇ-euˬ miˇ neh, Eˇlaˬzaˬ hawˇ-eu Iˇdaˬmaˬ aˬ nyaꞈ nmˇ piˇ ma pyeuꞈ laˇ-euˬ meh.

Yawˇbaˆ 1:16

Tsawˇ haˬ kʼoeˇ gʼaˬ kʼoeˇ loꞈ-ehˇ ehˇ gʼaˬ-eu maˬ dah ni, zaˬ kʼaˆ tiˬ gʼaˬ paˇ cehˆ keuˆ laꞈ-awˇ ehˇ-eu, “Yawˇ deuˬ hawˇ-eu yawˇ bo-eu deuˬ dawˬ tawˆ luꞈ tsoꞈ bi deh sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Uˬ duˬ 10:5

Kʼoeˇ ngeh, a yawꞈ nyaꞈ laˇ-awˇ, shiˇ taˬ-euˬ tsawˇ haˬ kʼoeˇ nyiˬ gʼaˬ-euˬ mehˬ tsoeˬ-ahˇ tsuˆ tehˬ-awˇ, pu pu dzeˇ sheu doˆ gʼeh-euˬ meh.

Uˬ duˬ 16:1

Aˬloˬ-euˬ aˬ li nyiˬ gʼaˬ maˬ muiˬ maˬ shawˇ-eu jeˬ dzah puiˆ-awˇ Sahˬpaˬ Miˬyehˇ-ahˇ lawˇ-euˬ miˇ neh shiˇ dzeuˇ gʼaˬ-awˇ, Sahˬpaˬ Miˬyehˇ Moˇseˬ-ahˇ dawˬ ngehˬ cawˬ-euˬ meh.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Bawˇtsahˬ 16:49

Kawˇlaˆ puiˬ ngeh poˆ shiˇ-euˬ deuˬ maˬ gui ahˇ-ehˇ, kʼoeˇ gaˇ shiˇ taˬ-euˬ tsawˇ haˬ deuˬ tiˬ muiˇ oeˬ heˇ shiꞈ yaˇ gʼaˬ byah-eu meh.

Bawˇtsahˬ 26:61

Naˬdehˇ hawˇ-eu Aˬbiˇhuˬ aˬ nyaꞈ-aˬ, maˬ muiˬ maˬ shawˇ-eu miˬ dzaˬ yuˇ-awˇ Sahˬpaˬ Miˬyehˇ-ahˇ lawˇ-euˬ miˇ neh ya shiˇ-euˬ meh.

Gʼaˬkʼehˇ 5:10

Kʼoeˇ ngeh, aˬ yawꞈ ja pyuˬ ni coˬ lah-awˇ shiˇ-euˬ meh. Zaˬ guˬ kʼoeˇdeuˬ gʼoꞈ uˇ laˇ ngeh, aˬ yawꞈ shiˇ taˬ-awˇ ga gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ baꞈ doˆ gʼeh-awˇ, aˬ yawꞈ-euˬ kʼaˬ dzeˇ zaˬ gaˇ dzeˇ baꞈ pahˬ nehˬ-euˬ meh.

Gʼaˬkʼehˇ 5:5

Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

1 Saˬmeuˬlaˆ 6:19

Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.