Uˬ duˬ 10:1 - Akha

¹ Aˬloˬ-euˬ aˬ li Naˬdehˇ hawˇ-eu Aˬbiˇhuˬ aˬ nyaꞈ nmˇ-aˬ, miˬ jiˆ pehˆ ahˇ-eu guiˬ gʼawˆ yuˇ-awˇ, miˬ jiˆ pehˆ ahˇ-euˬ meh. Kʼoeˇ naˇ, yaw saw jeˬ dawˆ puiˆ-awˇ, Sahˬpaˬ Miˬyehˇ-ahˇ damˬ nehˬ-euˬ meh. Ehˇ kʼawꞈ, miˬ dzaˬ kʼoeˇ maˬ muiˬ maˬ shawˇ-a. Aˬ jeˬ miˇ neh ehˇ naˇ, kʼoeˇ loꞈ-ehˇ damˬ laˇ-awˬ lehˇ aˬ yawꞈ nyaꞈ-ahˇ Sahˬpaˬ Miˬyehˇ dawˬ biꞈ taˬ-euˬ maˬ jaˆ-a.

Uˬ duˬ 10:1 ပူးပေါင်းရင်းမြစ်များ

1 Sahˬpaˬ 18:38

Kʼoeˇ ngeh, Sahˬpaˬ Miˬyehˇ miˬ dzaˬ pyehˬ ka leꞈ-awˇ, lawˇ-euˬ jeˬ-ahˇ maˬ ehˇ, miˬ dzaˬ miˬ kawˬ-ahˇ maˬ ehˇ, kʼaˬ lo-ahˇ maˬ ehˇ, miˇ tsaˬ-ahˇ maˬ ehˇ, doꞈ leˇ-awˇ, kʼawˇ lawˬ duˬ caˬ taˬ-euˬ gaˇ dahˬ-eu iˇ cuꞈ gui-iˇ-euˬ meh.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Doˆ-iˇ 24:9

Moˇseˬ, Aˬloˬ, Naˬdehˇ, Aˬbiˇhuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ, gawˬ jawˬ kʼoeˇ jawˬ-ahˇ daˆ leˇ-euˬ meh.

Doˆ-iˇ 27:3

Tsiˇ keuˬ-eu kʼaˬ lehˇ tawˆ ahˇ duˬ mui za deuˬ maˬ ehˇ, kʼaˬ lehˇ tawˆ-eu gʼaˇ duˬ laꞈ yoeˬ tsoꞈ-eu kuˬ tseuˆ deuˬ maˬ ehˇ, iˇ cuꞈ byaˆ shehˬ-eu gʼaˇ duˬ naˬ bo deuˬ maˬ ehˇ, shaˬ jiˇ kuˆ seuˬ deuˬ maˬ ehˇ, miˬ dzaˬ kʼmˬ maˬ deuˬ maˬ ehˇ, guiˬ shuiˇ neh jahˇ-awˬ.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 31:11

tseˇ doˆ-euˬ deuˬ-ahˇ lehꞈ-eu tsiˇ maˬ ehˇ, muiˬ-eu shawˇ-eu jawˇ duˬ laꞈ kʼoeˇ zmˬ-eu doꞈ damˬ-eu tsiˇ yaw saw jeˬ maˬ ehˇ, heu deuˬ-ahˇ jahˇ ngeh, ngaˇ nawˬ-ahˇ dawˬ biꞈ taˬ-euˬ loꞈ-ehˇ, tiˬ pawꞈ-iˬ maˬ bi lehˬ-iˇ ni ya jahˇ meh.”

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Doˆ-iˇ 38:3

Lawˇ duˬ-ahˇ zmˬ-eu keu ka deuˬ pyeuꞈ-eu mui za, laꞈ yoeˬ tsoꞈ-eu kuˬ tseuˆ, naˬ bo, shaˬ jiˇ kuˆ seuˬ hawˇ-eu, miˬ dzaˬ kʼmˬ maˬ heu deuˬ dawˬ tawˆ luꞈ-ahˇ, guiˬ shuiˇ neh jahˇ-euˬ meh.

Doˆ-iˇ 40:27

Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, yaw saw jeˬ doꞈ damˬ-euˬ meh.

Doˆ-iˇ 6:23

Aˬloˬ-aˬ, Aˇmiˇnaˬdehˇ-euˬ aˬ buˇ pyeuꞈ-eu Naˬshoˬ-euˬ dmˇ ma Eˇliˇsheˬba-ahˇ sheuˬ-awˇ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ jawˇ le-euˬ meh.

Doˆ-iˇ 8:27

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ ehˇ taˬ-euˬ loꞈ-ehˇ, smˬ nah gaˇ ma kaˬ-eu bawˇ tsahˬ bawˇ dahˇ laꞈ kʼoeˇ nga maꞈ iˇ-awˇ, aˬ yawꞈ-ahˇ ya lawˇ ya shehˇ meh.”

Yeˬlaˬmiˇ 19:5

Aˬ yawꞈ maꞈ-euˬ zaˬ deuˬ-ahˇ miˬ dzaˬ dzah puiˆ-awˇ lawˇ-eu lehˇ, Baˬlaˇ miˬ yehˇ gʼaˇ duˬ lawˇ duˬ gʼawˬ mya ni jahˇ taˬ-eu meh. Aˬ yawꞈ maꞈ kʼoeˇ loꞈ-ehˇ jahˇ ni ngaˇ dawˬ maˬ biꞈ haw-aˬ. Kʼoeˇ loꞈ-ehˇ jahˇ-eu lehˇ, nui ma laꞈ kʼoeˇ tehꞈ-ehˇ kʼawꞈ maˬ shaˇ noeˬ haw-aˬ.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Yeˬlaˬmiˇ 44:15

Kʼoeˇ naˇ, yawˬ ha-euˬ miˬ zaˬ deuˬ miˬ yehˇ nui deuˬ-ahˇ lawˇ-eu shehˇ-eu jeˬ mˇ-euˬ gaˇ kawˆ kʼaˇ siˬ nya-eu kʼaˬ dzeˇ zaˬ deuˬ maˬ ehˇ, kʼoeˇ gaˇ kʼaˇ yawꞈ luꞈ-eu zaˬ miˬ zaˬ deuˬ maˬ ehˇ, Iˇjiˇtuˆ miˇ kʼahˬ laꞈ oˆ dzaˬ-ahˇ jawˇ-eu Iˇsaˬleˬlaˆ tsawˇ haˬ deuˬ ahˇ leˇ-ehˇ, tsawˇ haˬ aˇ maꞈ maꞈ ma kʼoeˇ maꞈ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Yeˬlaˬmiˇ 7:31

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ lawˇ-eu gʼaˇ duˬ, Hiˬnoˬ deh kʼawꞈ-ahˇ Tawˇpehˆ lehˇ myahˇ-euˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ bi mˇ-eu gʼaˇ duˬ, aˬ yawꞈ maꞈ-ahˇ ngaˇ dawˬ biꞈ-euˬ maˬ ngeuˇ. Noeˬ-euˬ tehꞈ-ehˇ kʼawꞈ maˬ shaˇ noeˬ haw-aˬ.

Uˬ duˬ 16:1

Aˬloˬ-euˬ aˬ li nyiˬ gʼaˬ maˬ muiˬ maˬ shawˇ-eu jeˬ dzah puiˆ-awˇ Sahˬpaˬ Miˬyehˇ-ahˇ lawˇ-euˬ miˇ neh shiˇ dzeuˇ gʼaˬ-awˇ, Sahˬpaˬ Miˬyehˇ Moˇseˬ-ahˇ dawˬ ngehˬ cawˬ-euˬ meh.

Uˬ duˬ 16:12

lawˇ duˬ kʼoeˇ taˆ doꞈ luꞈ-eu miˬ dzaˬ miˬ jiˆ tiˬ byah ni pehˆ ahˇ taˬ-euˬ guiˬ gʼawˆ hawˇ-eu, muiˬ dui dui-eu yaw saw jeˬ laꞈ tsuˆ nyiˬ tsuˆ tsuˆ doˆ-awˇ, Muiˬ dui shawˇ dui dui-eu Jawˇ duˬ-ahˇ ya yuˇ leꞈ meh.

Uˬ duˬ 22:9

“Piˇ ma dawˬ tawˆ luꞈ, ngaˬ neh biꞈ taˬ-eu zahˇ sahˇ kʼoꞈ deuˬ-ahˇ ya caw teh meh. Kʼoeˇ loꞈ-ehˇ maˬ jahˇ naˇ, iˬ baˇ naꞈ-awˇ ya shiˇ tehꞈ-a. Aˬ jeˬ miˇ neh ehˇ naˇ, muiˬ-eu shawˇ-eu zahˇ sahˇ kʼoꞈ-ahˇ aˬ yawꞈ maꞈ maˬ caw teh-a. Ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Bawˇtsahˬ 16:46

Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”

Bawˇtsahˬ 26:61

Naˬdehˇ hawˇ-eu Aˬbiˇhuˬ aˬ nyaꞈ-aˬ, maˬ muiˬ maˬ shawˇ-eu miˬ dzaˬ yuˇ-awˇ Sahˬpaˬ Miˬyehˇ-ahˇ lawˇ-euˬ miˇ neh ya shiˇ-euˬ meh.

Bawˇtsahˬ 4:18

“Kawˇhaˆ aˇ jeuˬ-ahˇ, Leˬbiˇ tsawˇ jeuˬ laꞈ kʼoeˇ neh paˬ dzeh maˬ ya dzeh ni yaw kʼaˆ-ehˇ yahˇ-awˬ.

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

Dawˬmehˬ 4:2

Ngaˬ neh naw maꞈ-ahˇ dawˬ biꞈ taˬ-eu gaˇ, dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a. Ngaˬ neh naw maꞈ-ahˇ biꞈ taˬ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, naw maꞈ naˇ haˬ geuꞈ-awˬ.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.