Uˬ duˬ 1:5 - Akha

⁵ Aˬ yawꞈ-euˬ mawˇ neˇ kʼoeˇ mawˇ-ahˇ, kʼoeˇ gaˇ aˬ yawꞈ ya sehꞈ meh. Kʼoeˇ naˇ, Aˬloˬ-euˬ aˬ li piˇ ma deuˬ, Sahˬpaˬ Miˬyehˇ jawˇ gaˇ mawˇ neˇ kʼoeˇ mawˇ-euˬ shiˬ yuˇ gʼeh-awˇ, sehˬ gʼawˆ gʼoˆ kʼehˬ-ahˇ jaˆ-eu lawˇ duˬ kʼoeˇ hmˬ-euˬ oeˬ paw pyawˬ luꞈ-ahˇ ya byaˆ shehˬ meh.

Uˬ duˬ 1:5 ပူးပေါင်းရင်းမြစ်များ

2 Laˬsaˬbaˬ 35:11

Yawˇ zaˬ hawˇ-eu ciꞈ myehꞈ ciꞈ zaˬ deuˬ sehꞈ gʼaˬ ngeh jawˇ, piˇ ma deuˬ lawˇ duˬ-ahˇ shiˬ byaˆ-awˇ, Leˬbiˇ tsawˇ haˬ deuˬ baˆ kʼoˆ yawˆ-euˬ meh.

Doˆ-iˇ 29:11

Muiˬ-eu shawˇ-eu ngaˬ-euˬ jawˇ duˬ pyeuꞈ-eu sehˬ gʼawˆ gʼoˆ kʼehˬ kʼoeˇ tsahˇ-ahˇ, mawˇ neˇ mawˇ gaw kʼoeˇ mawˇ sehꞈ-awˬ.

Doˆ-iˇ 29:16

Yawˇ kʼoeˇ mawˇ sehꞈ-awˇ, lawˇ duˬ-euˬ oeˬ paw pyawˬ luꞈ-ahˇ, yawˇ zaˬ shiˬ shehˆ-awˬ.

Doˆ-iˇ 40:6

Miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ kʼoeˇ hmˬ, sehˬ gʼawˆ mehˬ shi baꞈ taˬ-awˬ.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬsaˬgeˬlaˇ 43:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, ngaˇ ehˇ gaˇ naˇ haˬ-awˬ. Lawˇ duˬ tsoˆ gʼaˬ ngeh, miˬ dzaˬ dzah puiˆ-awˇ lawˇ-eu jeˬ kʼoeˇ-euˬ kʼoeˇ taˆ lawˇ-awˇ, lawˇ-eu jeˬ zaˬ-euˬ shiˬ kʼoeˇ gaˇ byaˆ shehˬ-eu laꞈ kʼoeˇ, lawˇ duˬ kʼoeˇ ngaˬ-ahˇ a nehˬ-eu zahˇ nawˇ ya jahˇ meh.

Uˬ duˬ 1:11

Jeˬ zaˬ kʼoeˇ mawˇ-ahˇ, lawˇ duˬ-euˬ laꞈ taˆ paw pyawˬ-ahˇ aˬ yawꞈ ya sehꞈ-awˇ, piˇ ma deuˬ jeˬ zaˬ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ ya byaˆ shehˬ meh.

Uˬ duˬ 1:15

Piˇ ma gʼaˬ, aˇ jiˇ kʼoeˇ mawˇ-ahˇ lawˇ duˬ jaˆ gaˇ yuˇ gʼeh-awˇ, kawˬ lahˇ ya yeuꞈ tsehˆ meh. Kʼoeˇ naˇ, uˬ duˬ yuˇ-awˇ, lawˇ duˬ kʼoeˇ taˆ ya puiˆ meh. Aˇ jiˇ kʼoeˇ mawˇ-euˬ shiˬ nyehꞈ dzeˇ-awˇ, lawˇ duˬ-euˬ gaˇ dzeˇ paw ya bi yoeˇ lehꞈ meh.

Uˬ duˬ 16:15

Kʼoeˇ naˇ, Iˇsaˬleˬlaˆ tsawˇ haˬ deuˬ gʼaˇ duˬ iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ kʼoeˇ mawˇ aˬ yawꞈ ya sehꞈ meh. Ciꞈ myehꞈ kʼoeˇ mawˇ-euˬ shiˬ Muiˬ dui Shawˇ dui dui-eu Jawˇ duˬ laꞈ kʼoeˇ yuˇ ahˇ gʼeh-awˇ, mawˇ neˇ kʼoeˇ mawˇ-euˬ shiˬ byaˆ shehˬ-eu loꞈ-ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ mehˬ shi ya byaˆ shehˬ meh.

Uˬ duˬ 17:11

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Teu baˬ da neh, tsawˇ haˬ zaˬ-euˬ iˬ baˇ sha dzeh-eu gʼaˇ duˬ, shiˬ kʼaˇ ngeuˇ-eu dawˬ tawˆ luꞈ lawˇ duˬ kʼoeˇ taˆ ya shehˆ daˆ meh lehˇ Sahˬpaˬ Miˬyehˇ dawˬ biꞈ taˬ-euˬ meh. Saꞈ laˇ pyeuꞈ-eu shiˬ-aˬ, iˬ baˇ yuˇ dzeh nya-eu meh.

Uˬ duˬ 3:13

ciꞈ myehꞈ kʼoeˇ mawˇ-euˬ uˬ duˬ-ahˇ aˬ yawꞈ-euˬ aˬ laꞈ baꞈ daˆ-awˇ, Sahˬpaˬ Miˬyehˇ jawˇ-eu Sehˬ gʼawˆ-euˬ mehˬ shi ciꞈ myehꞈ kʼoeˇ mawˇ ya sehꞈ meh. Piˇ ma deuˬ ciꞈ myehꞈ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ pyawˬ luꞈ-ahˇ ya byaˆ meh.

Uˬ duˬ 3:2

Mawˇ neˇ kʼoeˇ mawˇ-euˬ uˬ duˬ-ahˇ tsawˇ haˬ kʼoeˇ gʼaˬ aˬ laꞈ baꞈ daˆ-awˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, mawˇ neˇ kʼoeˇ mawˇ ya sehꞈ meh. Aˬloˬ-euˬ aˬ li piˇ ma deuˬ mawˇ neˇ kʼoeˇ mawˇ-euˬ shiˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ ya byaˆ meh.

Uˬ duˬ 3:8

yawˇ kʼoeˇ mawˇ-euˬ uˬ duˬ-ahˇ aˬ yawꞈ-euˬ aˬ laꞈ baꞈ daˆ-awˇ, sehˬ gʼawˆ-euˬ mehˬ shi yawˇ kʼoeˇ mawˇ-ahˇ ya sehꞈ meh. Piˇ ma deuˬ yawˇ kʼoeˇ mawˇ-euˬ shiˬ yuˇ-awˇ, lawˇ duˬ oeˬ paw pyawˬ luꞈ-ahˇ ya byaˆ meh.

Uˬ duˬ 4:29

Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, lawˇ duˬ-eu laꞈ taˆ paw jaˆ-eu miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh.

Uˬ duˬ 4:33

Yawˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ-ahˇ jaˆ-eu jawˇ duˬ kʼoeˇ tsahˇ-ahˇ, yawˇ kʼoeˇ mawˇ-ahˇ aˬ yawꞈ ya sehꞈ meh.

Uˬ duˬ 4:7

Kʼoeˇ naˇ, Sehˬ gʼawˆ laꞈ coeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ ui cuiˆ yuˇ-awˇ ya lehꞈ meh. Dzehˬ laˇ-euˬ shiˬ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu lawˇ duˬ-euˬ dawˬ pehˬ-ahˇ ya shehˆ meh.

Miˇkaˬ 6:6

Mˬ taˆ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ laˇ ngeh, aˬ yawꞈ gʼaˇ duˬ aˬ jeˬ ya hehˇ laꞈ nmˇ. Muiˬ dui dui-eu mawˇ neˇ mawˇ zaˬ tsahˇ laꞈ-awˇ, miˬ dzaˬ-ahˇ dzah puiˆ-awˇ ya lawˇ nehˬ nmˇ loˇ.

Bawˇtsahˬ 18:17

Ehˇ kʼawꞈ, gʼaw beh beh-euˬ mawˇ neˇ mawˇ zaˬ, yawˇ zaˬ hawˇ-eu ciꞈ myehꞈ ciꞈ zaˬ heu deuˬ-ahˇ maˬ ya zeuˇ kʼoꞈ geuꞈ-a. Kʼoeˇ deuˬ-aˬ, maˇ maˇ ni ngaˬ-euˬ pyeuꞈ-awˇ, ngaˬ-ahˇ ya lawˇ meh. Jeˬ zaˬ kʼoeˇ deuˬ-euˬ shiˬ neh lawˇ duˬ-ahˇ byaˆ shehˬ-awˇ, tsiˇ deuˬ yuˇ-awˇ, ngaˇ nui ma tsaˬ-eu yaw saꞈ bi doˆ laˇ-eu dzaˬ dzaˬ dawˇ dawˇ lawˇ-eu jeˬ ya lawˇ meh.

HeˬByehˇ 10:11

Yuˇdaˆ tsawˇ haˬ piˇ ma aˬ yawꞈ gʼaˬ yawꞈ, yawˬ nah na luꞈ piˇ ma-euˬ gaˇ ya mˇ-awˇ, aˬ yawꞈ tiˬ jeˬ-ahˇ gʼawˬ mya poˆ ya lawˇ ya shehˇ poˆ-eu meh. Ehˇ kʼawꞈ, aˬ yawꞈ maꞈ neh lawˇ-euˬ shehˇ-euˬ kʼoeˇ iˬ baˇ maˬ shawˇ nya-a.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

1 Saˬmeuˬlaˆ 1:25

Mawˇ neˇ mawˇ gaw kʼoeˇ mawˇ sehꞈ gʼaˬ ngeh, aˬ li kʼoeˇ li-ahˇ Eˇliˆ jawˇ gaˇ aˬ yawꞈ maꞈ ciˬ gʼeh-euˬ meh.