Tiˇtuˆ 3:13 - Akha

¹³ Zahˇ dawˬ kʼoꞈ dawˬ siˬ nya dui dui-eu Seˬnaˇ hawˇ-eu Aˬpawˇluˆ aˬ nyaꞈ gaˇ ma doˆ-iˇ nya ni kʼaˇ gʼeh nya-eu loꞈ-ehˇ caw ba nehˬ-awˇ, aˬ yawꞈ nyaꞈ kʼaˇ loˬ-eu jeˬ tiˬ poˆ haw nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yarkhaq ja-eu tsawrhaq pyeuf-eu Seqnar hawr-eu Aqpawrluv-anr yawkawr-aer bilar-awq. Aqyawfnyaf lar ngae, kharmawf-eu yawqjeq navluf cawba naeq-awq.

Tiˇtuˆ 3:13 ပူးပေါင်းရင်းမြစ်များ

Maꞈtehˬ 22:35

Aˬ yawꞈ maꞈ-euˬ aˇ muˇ laꞈ kʼoeˇ ahˇ-eu Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu lehˇ leh jeh-eu meh.

Luˇkaꞈ 10:25

Kʼoeˇ naˇ, Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ tuˇ laˇ-awˇ, aˬ yawꞈ-ahˇ lawˬ haw mawꞈ-eu miˇ neh, heu loꞈ-ehˇ ehˬ-eu meh. “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ jeˬ ya mˇ ta.”

Luˇkaꞈ 11:45

Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ Yeˬsuˇ-ahˇ ehˇ-eu, “Saˬ laˬ-oˇ, nawˇ teu loꞈ-ehˇ ehˇ-eu teu, nga maꞈ-ahˇ kʼawꞈ zaw laˇ nya.”

Luˇkaꞈ 11:52

“Zahˇ dawˬ kʼoꞈ dawˬ mehˬ-eu saˬ laˬ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, zaˬ siˬ tsawˇ gahˇ laˇ gʼoˆ-euˬ mawˬ tawꞈ kahˬ naw maꞈ tuˆ tehˬ taˬ-awˇ, naw maꞈ maˬ uˇ leˇ-eu uˬ taꞈ, aˬ cawˬ uˇ leˇ gaˇ naw maꞈ laˆ tsoeˬ-eu meh.”

Luˇkaꞈ 14:3

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-ahˇ Yeˬsuˇ naˇ haˬ-eu, “Jawˇ nah ngeh nah naˇ-eu tsawˇ haˬ-ahˇ laˆ taˬ nehˬ-eu zahˇ dawˬ kʼoꞈ dawˬ-ahˇ bahˬ ta loˇ.”

Luˇkaꞈ 7:30

Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Gʼaˬkʼehˇ 18:24

Kʼoeˇ ngeh, Aˬleˬsaˬduˇ meuˬ-ahˇ dehꞈ le-euˬ Aˬpawˇluˆ lehˇ myahˇ-euˬ Yuˇdaˆ tsawˇ haˬ tiˬ gʼaˬ Eˇpeˇsu meuˬ-ahˇ oe-euˬ meh. Aˬ yawꞈ-aˬ, dawˬ ngehˬ-eu bym dui dui-awˇ, Jaˇliꞈ yaw muiˬ paˬ-ehˇ siˬ nya-eu tsawˇ haˬ tiˬ gʼaˬ pyeuꞈ-eu meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Gʼaˬkʼehˇ 28:10

Kʼoeˇ ngeh, aˬ yawꞈ maꞈ nga maꞈ-ahˇ laꞈ sawˬ gʼawˬ mya ni biꞈ laˬ-euˬ meh. Nga maꞈ saˇ baoˬ dziˬ-awˇ paˇ doˆ-iˇ ngeh kʼawꞈ, gaˇ pehˇ-ahˇ kʼaˇ loˬ-eu yawˬ jeˬ na luꞈ shaˇ dawˆ nehˬ laꞈ-euˬ meh.

Lormav 15:24

Nymˬ-mˇ poˆ-aˬ, naw maꞈ jawˇ gaˇ laˇ keuˆ ma lehˇ noeˬ tmˬ taˬ-euˬ ma. Saˬbeˬ miˇ kʼahˬ-ahˇ le ba jawˬ-ehˇ naw maꞈ jawˇ gaˇ laˇ naˬ-awˇ, naw maꞈ nehˬ-ehˇ tiˬ kʼehˬ jawˇ gʼaˬ naˇ, naw maꞈ neh bi caw ba-awˇ Saˬbeˬ miˇ kʼahˬ-ahˇ le ma lehˇ noeˬ taˬ-euˬ ma.

1 Gawˇliˬtu 16:11

Tsawˇ haˬ tiˬ gʼaˬ-iˬ aˬ yawꞈ-ahˇ yaw zeu maˬ baw ni taˬ gʼeh. Ehˇ kʼawꞈ, aˬ yawꞈ ngaˇ jawˇ gaˇ gʼoꞈ keuˆ laˇ nya ni, nui ma saˇ lehˆ ni gaˇ ma doˆ-iˇ nya ni caw ba nehˬ-awˬ. Aˬ yuiꞈ aˬ nyiˇ gaˇ mˇ cawˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ gʼoꞈ keuˆ laˇ gaˇ ngaˇ noeˬ tmˬ luꞈ-eu ma.

1 Gawˇliˬtu 16:12

Gaˇ mˇ cawˬ Aˬpawˇluˆ-ahˇ taꞈ leˇ-awˇ heu loꞈ-ehˇ ehˇ mawꞈ miˇ-a. Gaˇ mˇ cawˬ nui deuˬ nehˬ-ehˇ tiˬ kawˆ loꞈ-ehˇ naw maꞈ jawˇ gaˇ dawˬ deh gʼa le-eu gʼaˇ duˬ, aˬ yawꞈ-ahˇ tiˬ kʼehˬ maˬ taˬ ni gʼaˬ biꞈ luꞈ ma. Nymˬ-mˇ mi naˆ-ehˇ oe ma lehˇ aˬ yawꞈ maˬ noeˬ tsehˆ-aˬ siˬ. Ehˇ kʼawꞈ, aˇ yamˬ tsaˬ laˇ naˇ aˬ yawꞈ oe-eu duˇ.