Piˇleˇmoˬ 1:14 - Akha

¹⁴ Ehˇ kʼawꞈ, ngaˬ-ahˇ caw ba nehˬ laꞈ lehˇ nawˬ-ahˇ ngaˇ maˬ kaˬ naˬ mawꞈ nya. Nawˇ nui ma keuˆ-awˇ caw ba nehˬ laꞈ-eu jeˬ-ahˇ tehꞈ-ehˇ ngaˇ geuꞈ mawꞈ-eu ma. Kʼoeˇ miˇ neh, nawˇ nui ma maˬ tsaˬ gaˇ ngaˇ tiˬ jeˬ-iˬ maˬ mˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, nawr nuima maq tsaqgar ngar khoerlof-aer maq janrmawf nya. Aqjeq mirnae aernar-aq, nawr yawmuiq jeq janrnaeqlaf ngae, nawr nuima keuv-awr janrnaeq laf-eu gar ngar geufmawf-awr, maq ghaenya-aer janrnaeq laf-eu jeq maqbi pyeufmawf nya.

Piˇleˇmoˬ 1:14 ပူးပေါင်းရင်းမြစ်များ

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

1 Gawˇliˬtu 9:17

Ngaˇ yawˬ haˇ yawˬ ha nui ma keuˆ-awˇ mˇ-euˬ ngeuˇ naˇ, aˇ poeˬ za geuˇ tehꞈ-a. Ehˇ kʼawꞈ, Miˬyehˇ neh biꞈ laꞈ-euˬ gaˇ pyeuꞈ-eu miˇ neh, ngaˇ mˇ luꞈ-eu jeˬ pyeuꞈ-eu ma.

1 Gawˇliˬtu 9:7

Yawˬ ha-euˬ pyuˇ yuˇ doˆ-awˇ yehˇ geuꞈ-eu tsawˇ haˬ jawˇ meh loˇ. Aˬ gaꞈ yaˇ kmˇ mˇ-awˇ aˬ gaꞈ aˇ siˬ maˬ pyaˆ dzaˬ-eu tsawˇ haˬ jawˇ ta loˇ. Yawˇ bo-awˇ yawˇ-euˬ aˬ coeˇ maˬ nyehꞈ dawˇ-eu tsawˇ haˬ jawˇ meh loˇ.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.