Piˇleˇmoˬ 1:13 - Akha

¹³ Laˬ kʼaˬ cehˇ-eu Guiˬ lahˬ dawˬ gʼaˇ duˬ ngaˇ tawˬ-ahˇ uˇ luꞈ ngeh nawˬ-euˬ dah zaˇ ngaˬ-ahˇ bi caw ba-eu gʼaˇ duˬ, aˬ yawꞈ-ahˇ ngaˬ nehˬ-ehˇ bi jawˇ mawꞈ dui dui ya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Guiqlanqdawq baqda’nae, ngar kuv-anr urluf-eu yawkaq, aqyawf, nawq-euq danzar geuf-awr, ngaq-anr bi cawba-eu gharduq, ngaq naeq-aer bi jawrmawf-eu law mir-a.

Piˇleˇmoˬ 1:13 ပူးပေါင်းရင်းမြစ်များ

1 Gawˇliˬtu 16:17

Saˬteˬpaˬ, Pawˬduˇnaˆ, Aˬgaˬyaˬguˇ aˬ ha maꞈ ngaˇ jawˇ gaˇ laˇ keuˆ-euˬ miˇ neh laˬ kʼaˬ cehˇ dui dui nya. Naw maꞈ-euˬ dah zaˇ aˬ yawꞈ maꞈ ngaˬ-ahˇ caw ba nehˬ laꞈ-euˬ meh.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Piˇliˇpiˆ 1:7

Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 2:30

Aˬ jeˬ miˇ neh ehˇ naˇ, naw maꞈ maˬ caw ba nehˬ laꞈ nya-eu jeˬ aˬ yawꞈ ngaˬ-ahˇ caw ba-eu gʼaˇ duˬ, Ka li-euˬ gaˇ mˇ-eu laꞈ kʼoeˇ shiˇ taw tehˬ ni aˬ yawꞈ leh jeh dui dui-euˬ meh.

Piˇleˇmoˬ 1:1

Yeˬsuˇ Ka li gʼaˇ duˬ tawˬ-ahˇ uˇ luꞈ-eu ngaˇ Pawˇluˆ hawˇ-eu, aˬ nyiˇ Tiˆmoˇseˬ nga nyaꞈ, Tiˬ kawˆ loꞈ-ehˇ gaˇ mˇ cawˬ pyeuꞈ-eu Piˇleˇmoˬ jawˇ gaˇ maˬ ehˇ,

Piˇleˇmoˬ 1:10

Kʼoeˇ miˇ neh, Ka li laꞈ kʼoeˇ ngaˬ-euˬ aˬ li pyeuꞈ-eu Awˬneˬsiˬmuˇ gʼaˇ duˬ nawˬ-ahˇ heu loꞈ-ehˇ shaˇ-eu ma. Ngaˇ tawˬ-ahˇ uˇ luꞈ ngeh guiˬ lahˬ saꞈ laˇ paw aˬ yawꞈ-euˬ aˬ da pyeuꞈ laˇ-euˬ ma lehˇ ehˇ nya ma.

Piˇleˇmoˬ 1:12

Nymˬ-mˇ ngaˇ aˬ yawꞈ-ahˇ nawˇ jawˇ gaˇ bi gʼoꞈ laˇ-eu ma. Aˬ yawꞈ-ahˇ ngaˇ gaˬ dui dui-eu ma.