Panmaeq 9:20 - Akha

²⁰ Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khaeq-awr khav-eu khoerdeuq nae maq lavsaef jir-aer dzerlar-euq tsawrhaq deuq-aq, aqyawf maf-euq aqlaf nae mrtaq-euq deuq-anr maq noeqpov maq noeqpar-a. Aqyawf maf-aq, naef sanqpaq-anr uqduq tanq-awr, pyur, shuir, guiqshuir, darkawq hawr-eu khaqlo nae janrtaq-euq, maq mawrnya-eu, maq gaqnya-eu, maq cannya-eu tanqpanq aqma mawrkawr khoerdeuq-anr uqduq tanq-eu mae.

Panmaeq 9:20 ပူးပေါင်းရင်းမြစ်များ

2 Sahˬpaˬ 22:17

Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ yawꞈ maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ baˬ da neh, ngaˬ-ahˇ nui ma bi pehˇ laꞈ-euˬ meh. Yeˬluˇsaˬlehˬ meuˬ-ahˇ ngaˇ nui ma pehˇ laˇ-awˇ, ngaˬ-euˬ nui pehˇ tiˬ jawˇ-iˬ maˬ paˇ shuꞈ-iˇ nya miˇ-a.

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 34:25

Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ yawꞈ maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ baˬ da neh ngaˬ-ahˇ nui ma bi pehˇ laꞈ-euˬ meh. Yeˬluˇsaˬlehˬ meuˬ-ahˇ ngaˇ nui ma pehˇ laˇ-awˇ, ngaˇ nui ma pehˇ-eu heu tiˬ jawˇ-iˬ maˬ paˇ taˬ leˇ nya meh.

Jaceuq 106:37

Kaˬnaˬ miˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ, yawˬ ha-euˬ aˬ buˇ aˬ li lawˇ nehˬ-euˬ meh.

Iˇsaˬyaˇ 2:8

Aˬ yawꞈ maꞈ miˇ kʼahˬ-ahˇ tahˬ pahˬ aˬ ma jaˆ byah-awˇ, aˬ yawꞈ maꞈ-euˬ aˬ laꞈ neh tehˆ-euˬ mˇ myawˬ-ahˇ, aˬ yawꞈ maꞈ-euˬ laꞈ noeˇ neh jahˇ-euˬ mˇ myawˬ-ahˇ aˬ yawꞈ maꞈ uˬ duˬ tahˬ-eu meh.

Iˇsaˬyaˇ 41:7

Laꞈ saˇ maˇ deuˬ, shuiˇ myawˬ guˇ tehˆ-eu deuˬ-ahˇ, nya dui dui nga lehˇ ciˬ poeˬ nehˬ-eu meh. Tahˬ pahˬ aˬ ma mawˇ kawˇ seuˆ juˇ-eu gʼaˬ, shmˇ sehˬ taꞈ myahˬ-eu gʼaˬ-ahˇ ja ceuˬ nehˬ-eu meh. Shaˬ ciˬ toeˬ-euˬ muiˬ dui dui nga lehˇ aˬ yawꞈ maꞈ ehˇ-awˇ, shmˇ sehˬ neh tahˬ pahˬ aˬ ma mawˇ kawˇ-ahˇ, ziꞈ dah ni taꞈ tsoꞈ jiˇ-eu meh.

Yeˬlaˬmiˇ 1:16

Ngaˬ-euˬ tsawˇ jeuˬ iˬ baˇ mˇ-euˬ miˇ neh ngaˇ kʼehˬ nehˬ ma. Aˬ yawꞈ maꞈ ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ tehˆ-awˇ lawˇ-eu shehˇ-eu laꞈ kʼoeˇ uˬ duˬ tahˬ-euˬ meh.

Yeˬlaˬmiˇ 25:6

Miˬ yehˇ nui deuˬ-ahˇ naw maꞈ uˬ duˬ maˬ tahˬ-ehˇ, yawˬ ha neh tehˆ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu laꞈ kʼoeˇ, Sahˬpaˬ Miˬyehˇ nui ma pehˇ ni taˬ mˇ lehˇ, aˬ yawꞈ maꞈ naw maꞈ-ahˇ ehˇ nehˬ-euˬ meh. Sahˬpaˬ Miˬyehˇ-euˬ ehˇ dawˬ-ahˇ naw maꞈ naˇ haˬ geuꞈ-euˬ law nmˇ-aˬ, naw maꞈ-ahˇ aˬ yawꞈ maˬ kʼehˬ maˬ kʼaˆ-aˇ.

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬlaˬmiˇ 51:17

Tsawˇ haˬ dawˬ tawˆ aˬ dzawˬ-ahˇ duˇ-eu meh. Tahˬ pahˬ aˬ ma mawˇ kawˇ saꞈ maˬ gʼawˇ-ehˇ, miˬ yehˇ maˬ ngeuˇ-eu baˬ da neh, mawˇ kawˇ tehˆ-euˬ deuˬ daˬ ga dui dui meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Daˬyeˬlaˇ 5:4

Aˬ yawꞈ maꞈ aˬ gaꞈ dzaˇ uiˇ dawˇ dawˇ-ehˇ, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Miˇkaˬ 5:13

Naw maꞈ-euˬ tahˬ pahˬ aˬ ma mawˇ kawˇ deuˬ hawˇ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ ngaˇ laˆ cawˆ ma. Naw maꞈ neh yawˬ haˇ yawˬ ha jahˇ taˬ-euˬ jeˬ-ahˇ naw maꞈ uˬ duˬ maˬ paˇ ya tahˬ ni pyeuꞈ-iˇ tehꞈ-a.

Maꞈtehˬ 21:32

Aˬ jeˬ miˇ neh ehˇ naˇ, Yoˇhaˬ naw maꞈ jawˇ gaˇ oe-awˇ, yaw tsaˬ yaw dawˇ gaˇ ma mehˬ nehˬ le-euˬ kʼawꞈ, naw maꞈ aˬ yawꞈ-ahˇ maˬ jah-a. Ehˇ kʼawꞈ, kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, aˬ yawꞈ-ahˇ jah-euˬ meh. Aˬ yawꞈ maꞈ kʼoeˇ loꞈ-ehˇ jah gaˇ naw maꞈ ya mawˇ kʼawꞈ, naw maꞈ nui ma maˬ paˇ-ehˇ, aˬ yawꞈ-ahˇ maˬ jah-a.

Gʼaˬkʼehˇ 17:29

Aˬ dui-aˬ, Miˬyehˇ-euˬ zaˬ pyeuꞈ-eu miˇ neh, Miˬyehˇ-aˬ, tsawˇ haˬ zaˬ-euˬ zaˬ siˬ tsawˇ gahˇ neh noeˬ doˆ-awˇ jahˇ taˬ-euˬ shuiˇ mawˇ kawˇ, pyuˇ mawˇ kawˇ, kʼaˬ lo mawˇ kawˇ heu deuˬ-ahˇ duˇ tehꞈ-a lehˇ aˬ dui noeˬ-eu maˬ tsaˬ-a.

Gʼaˬkʼehˇ 19:26

Nymˬ-mˇ, Pawˇluˆ lehˇ kuˇ-eu tsawˇ haˬ kʼoeˇ gʼaˬ aˬ jeˬ ehˇ luꞈ-eu gaˇ kawˆ naw maꞈ ya siˬ ya mawˇ luꞈ meh. Tsawˇ haˬ zaˬ-euˬ aˬ laꞈ neh jahˇ-euˬ miˬ yehˇ-aˬ, miˬ yehˇ maˬ ngeuˇ-a lehˇ ehˇ ehˇ-ehˇ, Eˇpeˇsu meuˬ heu meuˬ laꞈ kʼoeˇ tehꞈ-ehˇ maˬ ngeuˇ-ehˇ, Aˬshaˆ miˇ kʼahˬ kʼahˬ lah ni ehˇ gʼaˬ ni tsawˇ haˬ gʼawˬ mya ni nui ma paˇ laˇ ni aˬ yawꞈ neh laˆ jah jiˇ taˬ-euˬ meh.

Gʼaˬkʼehˇ 7:41

Kʼoeˇ ngeh, mawˇ neˇ mawˇ gaw mawˇ kawˇ tiˬ kawˇ aˬ yawꞈ maꞈ tehˆ-awˇ, lawˇ-eu shehˇ-eu jeˬ mˇ-awˇ, aˬ yawꞈ maꞈ neh tehˆ-euˬ mawˇ kawˇ kʼoeˇ-ahˇ taˬ huiˬ-eu bawˬ-iˬ gʼeh-euˬ meh.

2 Gawˇliˬtu 12:21

Ngaˇ paˇ oe ngeh, ngaˬ-euˬ Miˬyehˇ ngaˬ-ahˇ naw maꞈ-euˬ mehˬ shi tiˬ poˆ paˇ bi shaꞈ dawˇ laꞈ-awˇ, dzeuˇ laˇ ngeh maˬ muiˬ maˬ shawˇ-eu jeˬ hawˇ-eu maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ mˇ-euˬ tsawˇ haˬ deuˬ iˬ baˇ maˬ noeˬ poˆ-ehˇ jawˇ-eu baˬ da neh ngaˇ myaˆ biˇ ya doˆ le gaˇ kʼahˬ lahˇ dui dui nya.

Dawˬmehˬ 31:29

Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.

Dawˬmehˬ 4:28

Tsawˇ haˬ zaˬ-euˬ aˬ laꞈ neh jahˇ taˬ-awˇ, kʼaˬ lo hawˇ-eu daˇ kawˬ taꞈ taˬ-euˬ miˬ yehˇ deuˬ pyeuꞈ-eu, maˬ mawˇ nya, maˬ gaˬ nya, maˬ dzaˬ maˬ dawˇ nya, yaw saꞈ maˬ behꞈ laꞈ nya-eu miˬyehˇ deuˬ-ahˇ kʼoeˇ gaˇ naw maꞈ uˬ duˬ ya tahˬ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

Panmaeq 15:1

Kʼoeˇ naˇ, zahˬ leˇ paˬ-ehˇ gʼeh-eu huiˬ dui dui-eu bi siˬ bi mawˇ-eu jeˬ mˬ-ahˇ ya mawˇ-euˬ ma. Kʼoeˇ-aˬ, mˬ taˆ gʼaˬ kʼehˇ shiꞈ gʼaˬ hawˇ-eu aˇ saˬ saˬ-eu kʼehˬ-eu kʼaˆ-eu shiꞈ jeˬ meh. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma pehˇ-eu jeˬ bi siˬ bi mawˇ-eu aˇ saˬ saˬ-eu poˆ pyeuꞈ-eu meh.

Panmaeq 16:8

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ, aˬ yawꞈ-euˬ naˬ bo nahˇ ma-ahˇ shehˆ daˆ nehˬ-awˇ, lahˇ dui dui-eu nahˇ ma-euˬ miˬ dzaˬ kʼoeˇ neh tsawˇ haˬ zaˬ-ahˇ bi lahˇ-eu aˬ kawˬ-aˬ biꞈ-euˬ meh.

Panmaeq 9:19

Aˬ jeˬ miˇ neh ehˇ naˇ, mahˬ kʼoeˇ deuˬ-euˬ baoˬ-aˬ, kʼaˬ meh hawˇ-eu dawˬ miˬ-ahˇ ahˇ-eu meh. Aˬ yawꞈ maꞈ-euˬ dawˬ miˬ-aˬ, uˬ duˬ tsoꞈ-awˇ, aˇ lawˇ-ahˇ duˇ-eu meh. Dawˬ miˬ kʼoeˇ neh tsawˇ haˬ zaˬ-ahˇ laˆ tahˬ laˆ naˇ nehˬ-eu meh.

Panmaeq 9:21

Tsawˇ haˬ-ahˇ sehꞈ-eu, maw loˬ ja maw zmˬ-eu, kʼaˬ miˬ sheu-eu, kʼoeˬ-eu gʼehꞈ-eu heu deuˬ-ahˇ kʼawꞈ, aˬ yawꞈ maꞈ maˬ byehˇ dzeh-a.